#JARAYON

📎 Qurilish va uy-joy kommunal xo‘jaligi vaziri o‘rinbosari Ozoda Jo‘rayeva Yunusobod tumani Markaz-4 mavzesi “Qashqar” mahallasida bo‘ldi. Mazkur hududda joylashgan 1 825 ta xonadondan iborat jami 34 ta ko‘p qavatli uyda 4 210 nafar aholi istiqomat qilib keladi.
Dastlab vazir o‘rinbosari Ozoda Jo‘rayeva tomonidan ko‘p qavatli uylar atrofining tozaligiga e’tibor qaratilmagani qat’iy tanqid ostiga olindi. Shuningdek, aksariyat uylarning kirish yo‘laklariga ham e’tibor berilmagan.

◀️ Mahalladagi 34 ta ko‘p qavatli uyga bugungi kunda 3 ta BSK, 7 ta shirkat va 2 ta o‘z-o‘zini boshqaruvchi tashkilot tomonidan xizmat ko‘rsatib kelinadi. Bu esa kommunal xizmat ko‘rsatish sohasiga aks ta’sir ko‘rsatmoqda.
Ozoda Jo‘rayeva aholi vakillari bilan suhbatlashdi, ularning sohaga oid murojaatlari qabul qilindi. Muhokamalar davomida aholining samarali boshqaruv tashkilotiga o‘tish bo‘yicha so‘rovlariga yechim izlandi. Ko‘plab aholining talablariga asosan 34 ta uy hududda samarali faoliyat yuritib kelayotgan “Millenium” boshqaruv servis kompaniyasiga o‘tkaziladigan bo‘ldi. Shu bilan birga kompaniyaga mazkur hududning o‘zida namunali ofis binosini barpo etish hamda aholi uchun qulay sharoit yaratish bo‘yicha vazifalar belgilandi.

Rasmiy sahifalarimizga a'zo bo'ling👇
|Web| Instagram|Facebook|Telegram| Youtube|

#Hududlardan_xabarlar

🫥 Jarqo‘rg‘on tumani “Mustaqillik” mahallasining infratuzilmasini yaxshilash maqsadida kompleks chora-tadbirlar amalga oshirilmoqda. Mahallada jami 11 ta ko‘cha bo‘lib, asosiy ko‘chaning yo‘llari shu kunga qadar tuproq, chang edi. Bugunning o‘zida mahallaning asosiy yo‘lini tekislash, maxsus texnikalar yordamida presslash tadbirlari boshlandi.
Shuningdek, mahalla aholisini toza ichimlik suvi bilan ta’minlash maqsadida quvur yotqizish ishlari olib borilmoqda. Ko‘chalarni chiqindilardan tozalash, obodonlashtirish, ko‘kalamzorlashtirish va yo‘lbo‘yi infratuzilmasini yaxshilash, gullar ekish tadbirlari esa davom ettirilmoqda.

#SURXONDARYO

Rasmiy sahifalarimizga a'zo bo'ling👇
|Web| Instagram|Facebook|Telegram| Youtube|

#JARAYON

🏘 Qurilish va uy-joy kommunal xoʻjaligi vaziri oʻrinbosari Ozoda Joʻrayeva Oliy Majlis Qonunchilik palatasi deputatlari, hokimliklar va boshqa mutasaddi tashkilot vakillari bilan birgalikda Toshkent viloyati Chirchiq shahrida faoliyat yurituvchi koʻp qavatli uylarga xizmat koʻrsatuvchi boshqaruv tashkilotlari rahbarlari, mahalla raislari va faollari bilan uchrashdilar.
Uchrashuvda kommunal sohaga oid muammolar, xususan, koʻp qavatli uylarga xizmat koʻrsatish sohasida koʻzga tashlanayotgan kamchiliklar muhokama qilindi. Vazir oʻrinbosari barcha ishtirokchilarning sohani yaxshilashga doir takliflari, shuningdek, boshqaruv tashkiloti faoliyatida uchrayotgan muammolar boʻyicha murojaatlarini qabul qildi. Muammolar yechimini tizimli ishlab chiqish zarurligi alohida ta’kidlandi.

🫥 Chirchiq shahrida muammolar yetarlicha. Debitor qarzdorlik koʻrsatkichi yuqori va bu albatta xizmat sifatiga ta’sir oʻtkazmoqda. Biz muammo yechimi bosqichma-bosqich amalga oshirilishi kerak. Mulkdorlarning toʻlov qobiliyatini oshirishda mahalla faollari ham jonbozlik koʻrsatishi lozim, - dedi Ozoda Joʻrayeva.
Ma’lumot uchun, Chirchiq shahrida 914 ta koʻp qavatli uy mavjud boʻlib, bugungi kunda 13ta boshqaruv tashkiloti xizmat koʻrsatadi.
Uchrashuv qizgʻin muhokamalar bilan davom etmoqda.

Rasmiy sahifalarimizga a'zo bo'ling👇
|Web| Instagram|Facebook|Telegram| Youtube|

#JARAYON

😇Qurilish va uy-joy kommunal xoʻjaligi vaziri oʻrinbosari Ozoda Joʻrayeva murojaatga asosan Chirchiq shahri “Ma’rifat” mahallasi Shimoliy koʻchasida boʻlib, aholini qiynayotgan muammolarni oʻrgandi. Xususan, uylardagi oqova suv tizimining nosozligi, chiqindi olib chiqish xizmatining qoniqarsizligi aniqlandi.
Hududda koʻp qavatli uylarga xizmat koʻrsatuvchi boshqaruv tashkiloti mavjud. Mahalla shaharning chekka hududida joylashganligi inobatga olinib, chiqindi tashlash hududini boshqaruv tashkilotiga biriktirib berish masalasi muhokama qilindi. Boshqaruv tashkilotiga koʻp qavatli uylar atrofini obodonlashtirishga alohida e’tibor berish yuzasidan tegishli topshiriqlar berildi.
😇Shuningdek, koʻp qavatli uylarning oqova suv tizimini yangilash davlat dasturiga kiritilganligi ta’kidlanib, joriy yilda aholining ushbu muammosi ham bartaraf etilishi bildirildi.

Rasmiy sahifalarimizga a'zo bo'ling👇
|Web| Instagram|Facebook|Telegram| Youtube|