#Hududlardan_xabarlar

➖ Bugungi kunda Qoraqalpog‘iston Respublikasida qurilish ishlari jadal tarzda davom etgan holda yangi massivlar, xiyobonlar va ijtimoiy soha obyektlari barpo etilmoqda.  Natijada hududlar yanada ko‘rkam qiyofaga kirib boraypti.
        Bunga misol tariqasida  Nukus shahridagi massivlarda amalga oshirilayotgan bunyodkorlik ishlarini keltirish mumkin.  Xususan,  hududda  20 ta ko‘p qavatli (7 qavatli) uy-joylar qurilishi belgilangan bo‘lib, mazkur qurilish ishlari “Nukus city” DUK hamda “KKRasi beton” MCHJ tomonidan amalga oshirilmoqda.

      Hududdagi qurilish ishlari o‘tgan yilning avgust oyida boshlanib, joriy yilning sentabr oyida to‘liq tugatilishi  ko‘zda tutilgan.
       E'tiborlisi, bu kabi xayrli ishlardan so'ng 840 ta oila o'z  xonadoniga ega bo‘ladi.

Rasmiy sahifalarimizga a'zo bo'ling👇
|Web| Instagram|Facebook|Telegram| Youtube|

#Hududlardan_xabarlar

🔔 Samarqand viloyati Qurilish va uy-joy kommunal xo‘jaligi sohasida hududiy nazorat inspeksiyasi xodimlari tomonidan Samarqand shahrida navbatdagi nazorat tadbirlari o‘tkazildi.
Unda Rudakiy ko‘chasi, “Al Farobiy” MFY 117-uyda istiqomat qiluvchi fuqaro A.Bo‘riyev tomonidan o‘ziga tegishli uy-joy binosini buzib, o‘rniga yakka tartibdagi turar-joy qurish uchun Samarqand shahar qurilish bo‘limidan ruxsatnoma olganligi, ammo qo‘shimcha shaharsozlik hujjatlarini rasmiylashtirmasdan, o‘zboshimchalik bilan qurilish-montaj ishlarini amalga oshirayotganligi aniqlandi.
Jumladan, shaharsozlik hujjatlari loyihalarining texnik qismi, yaʼni zilzilabardoshlilik, energiya samaradorligi ko‘rsatkichlari va yong‘in xavfsizligi nuqtai nazaridan ekspertizadan o‘tkazilmagan.
🔵 Shuningdek, qurilishda masofalarning saqlanmaganligi hamda qo‘shni uchastka egalari bilan kelishmaganligi aniqlangan.
Bu esa tutash hududda joylashgan turar-joy binolari egalarining keskin noroziliklari va haqli eʼtirozlarini keltirib chiqarmoqda. Hozirda ushbu holat bo‘yicha Samarqand viloyati Qurilish va uy-joy kommunal xo‘jaligi sohasida hududiy nazorat qilish inspeksiyasi tomonidan O‘zbekiston Respublikasining tegishli qonunchiligiga ko‘ra fuqaro A.Bo‘riyevga nisbatan maʼmuriy chora qo‘llanilgan.

#SAMARQAND

Rasmiy sahifalarimizga a'zo bo'ling👇
|Web| Instagram|Facebook|Telegram| Youtube|

#Hududlardan_xabarlar

💧 Norin tumani aholisining ichimlik suvi taʼminoti yaxshilanmoqda

Ayni kunlarda O‘zbekiston Respublikasi Prezidentining “2022-2023 yillarda mahallalar infratuzilmasini yanada yaxshilash bo‘yicha qo‘shimcha chora-tadbirlar to‘g‘risida”gi PQ-408-son qaroriga asosan Namangan viloyati Norin tumanida amalga oshirilayotgan keng ko‘lamdagi bunyodkorlik ishlari doirasida aholini ichimlik suvi taʼminotini yaxshilash masalasiga ham alohida ahamiyat berilmoqda.

➡️ Xususan, tumanning "Suzoqovul" MFY hududida 4.3 km uzunlikdagi toza ichimlik suvi tarmog‘ini tortish ishlari jadal suratlarda olib borilmoqda. Bugungi kunga qadar mahallada "Obidjon Akmalxon hamkor" MCHJ tomonidan 1.5 km uzunlikdagi ichimlik suv quvurlarini tortish ishlari amalga oshirildi. Shuningdek, "Mustaqillikning 20 yilligi" mahalla fuqarolar yig'ini Tegirmonboshi ko‘chasida ham 2.2 km uzunlikdagi ichimlik suv tarmog‘ini tortish ishlari amalga oshirilmoqda.

#NAMANGAN

Rasmiy sahifalarimizga a'zo bo'ling👇
|Web| Instagram|Facebook|Telegram| Youtube|

#JARAYON

   🏠  Kunlar isishi bilan respublikamizdagi koʻp qavatli uylarga xizmat koʻrsatuvchi boshqaruv tashkilotlari tomonidan ta’mirlash-tiklash ishlari jadal suratlarda boshlab yuborildi. Poytaxtimizning Uchtepa tumani “Areba klass” boshqaruv servis kompaniyasi ham aholiga qulay sharoitlar yaratish, uylar atrofini obodligini ta’minlash va mavjud muammolarni bartaraf etish yoʻlida qator ishlarni amalga oshirilmoqda. Joriy yilning oʻtgan vaqti davomida 10 ta koʻp qavatli uyning yertoʻla qismidagi kommunikatsiya tarmoqlari toʻliq yangilandi. Mazkur tarmoqlar maxsus moslama (korub)ga terilib, yertoʻlada tartibni saqlash, shu bilan birgalikda ularning ortiqcha shikastlanishini oldini olishda qoʻl kelmoqda. Shuningdek, koʻp qavatli uylarning yertoʻlasi devorlari oʻzgartirilmagan holda gipsakarton qoplamasi bilan yangi qiyofa kasb etmoqda. Mazkur amaliyot kelgusida aholi roziligi bilan yertoʻlalarni tadbirkorlik subyektlariga ijara asosida berish va daromad koʻrish maqsadida amalga oshirilmoqda. 2023-yilda kompaniya tomonidan 40 ta koʻp qavatli uyning yertoʻlasini ta’mirlash rejalashtirilgan.
     ❗️Shuningdek, qisqa vaqt mobaynida kompaniya koʻp qavatli uylarning 46 ta kirish yoʻlagini ta’mirladi. Aholiga qulaylik yaratish maqsadida pandus, oʻrindiq, chiqindi qutilari oʻrnatildi.  Bu yil rejasiga koʻra ko'p qavatli uylarning 216 ta kirish yoʻlagini ta’mirlash koʻzda tutilgan.
     Mazkur boshqaruv servis kompaniyasining 40 nafar xodimi tumandagi “Koʻhna Choʻponota” hamda “Bogʻobod” mahallalarida joylashgan 70 ta koʻp qavatli uyga xizmat koʻrsatib keladi. Bugungi kunga kelib mazkur mahallalar o'zgacha qiyofa kasb etgan. Boshqaruv tashkiloti ko'p qavatli uylarning fasad qismini ta'mirlashga ham alohida ahamiyat qaratib kelmoqda. Shuningdek, mulkdorlar uchun 38 turdagi qo'shimcha xizmat turlari tashkil etilgan.

Rasmiy sahifalarimizga a'zo bo'ling👇
|Web| Instagram|Facebook|Telegram| Youtube|