💥 Бай-Тайганың школачылары часкы дыштанылгаларын ажыктыг эрттирип турар

Бай-Тайга кожууннуң Тээли суурунуң В.Б. Кара-Сал аттыг ортумак школазының З «б» клазының уруглары хоочун-дагдыныкчы Валентина Оолаковна Аракчааның бажыңынга четкен.

Валентина Оолаковна Бүгү Россия чергелиг «Ветеран-наставник» деп мөөрейниң финализи. Ол уругларга «Ширтек, олбукту тыва хээлер-биле каастаары» деп мастер-классты көргүскен.

Хүндүлүг хоочун «Эстафета поколений» деп форумга хол-биле кылган ажылдар ярмарказынга 1-ги черни ап, төлептиг болган. Класстың уругларынга хоочун-дагдыныкчы чагыг-сүмезин берип, эки өөредилгени күзээн.

💬 Класс башкызы Урана Серен-Чимит: «Уругларга мындыг эки, ажыктыг мастер-классты көргүзүп берген суурувустуң уран-шевер чурттакчызы Валентина Оолаковнага улуу-биле четтирдивис. База оон-даа улуг-улуг чедиишкиннерни хоочунга күзээр-дир бис. Мастер-классты көрүп дыңнаан уруглар аразында база уран-шевер салым-чаяанныг уруглар бар, оларга хоочуннуң сүмелери ажыктыг боору маргыш чок».

Сагындырып каалы, март 26-дан апрель 3-ке чедир школачыларның часкы дыштанылгазы болуп турар. Бо удаада уругларның дыштанылгалары культурлуг деп адаттынган.

#минобразованиятыва #кудьтурныеканикулы #весенниеканикулы2022 #байтайгинский

📍 Бай-Тайга кожууннуң Кызыл-Даг ортумак школазында федералдыг программа ёзугаар капиталдыг септелге ажылдарын чорудуп турар. 1949 чылда ажыглалче киирген өөредилге чериниң спортчу залының дээвиирин чаартып дооскан, амгы үеде соңгаларын солуур ажылдарда беш кижи хаара туттунган. Ол ышкаш 9 кабинеттерде аңгы-аңгы бөлүктер ажылдап турар. Допчузу-биле КТРК «Тыва» телеканалдың сюжединде ☝️☝️☝️

#минобразованиятыва #смионас #капремонтшкол #кызылдаг #байтайгинский