Класс башкыларының мөөрейиниң финалистери Тываны бүгү российжи чадага төлээлээр

Май 26-да Тыва Республикада кижизидилге хемчеглериниң тергиин методиктиг ажылдарының класс башкыларының аразынга  IV Бүгү Россияның дистанциялыг мөөрейниң регионалдыг кезээниң финалистерин байырлыг байдалга шаңнаан.

Мөөрейниң тиилекчизи Кызылдың президентизиниң училищезиниң класс башкызы Римма Ширап болган.

Мөөрейниң призерлары:
✔️ Сюзана Кок-Кыс,Тываның республиканың лицей-интернадының класс башкызы, орус дыл болгаш литература башкызы;
✔️ Наталья Макшанова, Кызылдың президентизиниң училищезиниң класс башкызы.

Мөөрейниң лауреттары:
✔️ Баира Дошкут, Тес-Хем кожууннуң Самагалдай № 2 школазының класс башкызы, төөгү болгаш обществознание башкызы;
✔️ Омак Ондар, Сүт-Хөл кожууннуң Кара-Чыраа школазының класс башкызы, төрээн дыл болгаш литература башкызы.

Өөредилге организацияларында класс башкыларының боттандырып турар кижизидилге хемчеглериниң тергиин методиктиг ажылдарын нептередир болгаш илередиринче угланган мөөрейниң регионалдыг чадазының шупту финалистери республиканың адын 2023 чылдың май 23-те эгелээн бүгү российжи чадага төлээлээр.

Башкыларывыска чедиишкиннерни болгаш тиилелгени күзедивис!

#минобразованиятыва #итогиконкурса #классныеруководители