ЧОНАР-ДАШ УРАН ЧҮҮЛҮ – ТЫВА ЧОННУҢ КУЛЬТУРЛУГ САЛГАЛЫ

Чонар-даш уран чүүлү культураның эрте-бурунгу материалдыг илерээшкиннериниң бирээзи. Хаяда уран чурулга, күш-ажылдың бир дугаар чепсек-херекселдери, бир дугаар хөөр бажыңнар, делегейниң бир дугаар кайгамчык чүүлдери – бо бүгү дашты ажылдап кылырының ачызында тывылган.

Тыва Республиканың өөредилге сайыды Алексей Храмцов : «Тывадан дашкаар ыракта тыва уран шеверлерниң чогаадып кылган ажылдарын үргүлчү магадаар турган мен. Ус шеверлерниң өзүп орар салгалга боттарының усчу ажылын дамчыдып берип турары өөрүнчүг. Чаа-Хөл суурнуң школазынга капитал септелге ажылдарының чорудуун хынаары-биле база тус школа-биле таныжары-биле су чорааш, ында чонар-даш уран чүүлүнүң бөлгүмүнде чурулга болгаш черчение башкызы Анатолий Сатович Даш ажылдап турар дээрзин билдим. Ол уругларны чонар-дашты ажылдап кылырын, оон хевирлерни болгаш дүрзүлерни чонуп чазаарын өөредип турар. Кылган ажылдары шуут кайгамчык!

Шак бо уран чүүлдүң хевирин бистиң школаларывыска болгаш техникумнарывыска сайзырадыры эргежок чугула деп санап тур мен, чүге дизе ол дээрге Тываның онза чүүлдүг визиттиг карточказы».

#минобразованиятувы #АлексейХрамцов