#befarqemasman

Аиша Хушназарова, "Mening Yurtim" телеканали мухбири:

— Ўтган давр мобайнида ёшларни қўллаб-қувватлашга қаратилган кўплаб қонунлар, бир нечта фармон ва қарорлар қабул қилинди. Ёшлар билан ишлашнинг янгича тизими ишга тушди.

Аммо шу кунгача “Нега Бош Қомусимизда ёшларга оид алоҳида модда йўқ эди?” деган савол ўринлигича қолаётган эди. Янги Конституцияга ушбу модданинг киритилиши ёшларни қўллаб-қувватлашнинг ҳуқуқий-сиёсий асоси бўлиб хизмат қилади. Мен #befarqemasman.

@menbefarqemasman

#befarqemasman

Shaxnoza Joldasova, Yoshlar parlamenti raisi:

— O'zbekiston yoshlar mamlakati. Yoshlarning huquqlari va qonuniy manfaatlarini Konstitutsiyada mustahkamlanishi esa biz yoshlar uchun juda ham muhim.

Men o'z taqdirimga, kelajagimga va Konstitutsiyamga #befarqemasman. Sizni ham befarq bo'lmaslikka chaqiraman.

@menbefarqemasman

#befarqemasman

Севара Оганова, блогер:

— Ижтимоий тармоқларга жойлаштирган таом рецептларимни бошқалар айнан кўчириб, ўзини номидан чиқарган ҳолатлар бўлган. Шахсан ўзим мурожаат қилиб, бундай қилмасликларини айтганман. Лекин улар мени "блок"ка солиб, қинғир ишларини давом эттиришган. Баъзан телефон рақамларим ёки уй манзилларимни ҳам рухсатсиз эълон қилишган. Бу, мени фикримча, инсон ҳуқуқларининг поймол қилинишидир. Эндиликда янгиланаётган Конституциямизнинг 31-моддасида шахсий маълумотларни тарқатиш тақиқланиши ва қонун олдида жавоб бериши назарда тутилмоқда. Мен инсон ҳуқуқларига #befarqemasman, 30 апрель куни референдумда фаол қатнашаман.

@menbefarqemasman

#befarqemasman

"Hozirgi kunda talabalarga juda ham havasim keladi, chunki..."

Umidulla Sattarov, Yoshlar ishlari agentligi boshqarma boshlig‘i

@menbefarqemasman

#befarqemasman

Камолиддин Ишанходжаев,
Ўзбекистон нодавлат нотижорат ташкилотлари миллий ассоциацияси раиси:

"Яқин-яқингача нодавлат ташкилотлар турли бюрократик тўсиқларга учрарди. Тадбирларни ўтказишга рухсат олиш мураккаб, лойиҳаларни молиялаштириш паст даражада эди. Сўнгги йилларда вазият кескин ўзгарди. Ҳозирда нодавлат ташкилотлар фаолиятини амалга ошириш жараёнлари соддалаштирилди. Нодавлат ташкилотлар, том маънода, одамларга кўмакчи бўлмоқда.

Тўғри, бизда ҳали ечимини кутаётган муаммолар бор. Уларни ҳал қилиш учун мустаҳкам ҳуқуқий асос зарур. Бунинг учун нодавлат нотижорат ташкилотларининг мақоми биринчи марта Конституцияда алоҳида эътироф этилмоқда. Мен буни қўллаб-қувватлайман! Мен бунга #befarqemasman".

@menbefarqemasman

#befarqemasman

Комол Қоҳҳоров, вайнер:

— Халқимизнинг ярмини ёшлар ташкил қилади. Улар ривожланишлари учун имкониятлар етишмаса, чет элга кетишга тушади. Эндиликда янги Конституциянинг 9-моддасида ёшларга ёндашув кескин ўзгармоқда. Уларга шарт-шароит яратиш, ҳақ-ҳуқуқларини ҳимоя қилиш, қўллаб-қувватлашни давлат ўз зиммасига олмоқда. 30 апрель куни бўлиб ўтадиган референдумда мен ёшлар ва тенгдошларим учун фаол иштирок этаман. Чунки мен #befarqemasman.

@menbefarqemasman

#befarqemasman

Дилчеҳра Эргашева:

— Конституция бизники, барчамизники! Унга киритилаётган ўзгаришлар биз — ёшлар ҳаётида янги саҳифа очишига ишонамиз. Зеро, унда фарзанди борлиги сабабли ишга қабул қилишни рад этиш, ишдан бўшатиш, айниқса, иш ҳақини камайтиририш тақиқланаётгани жуда қувонарли. Янги Конституцияда аёллар ҳуқуқлари мустаҳкамланмоқда. Мен юз бераётган сиёсий жараёнларга бефарқ эмасман. Ва барча тенгдошларимни референдумда фаол иштирок этишга чақираман.

@menbefarqemasman

#befarqemasman

Акбар Нурматов, ЎзЖОКУ декани:

— Янгиланаётган Конституцияда соҳамизга оид фундаментал ўзгаришлар киритилмоқда. Мен бу ўзгаришларга бефарқ эмасман. Амалдаги Конституцияда "Ўзбекистонда ОАВ эркиндир ва улар қонун доирасида фаолият юритади, цензурага йўл қўйилмайди" дейилган эди. Янги киритилаётган ўзгаришларда ҳимоя қилиш нуқтаи назаридан, хусусан, ОАВнинг фаолият юритишида, ахборот излашида, олишида ва тарқатишида давлат масъулиятни ўз зиммасига олиб, кафолатламоқда.

@menbefarqemasman

#befarqemasman

“Zakovat” o‘yini bo‘yicha Buxoro viloyat hokimi kubogi ishtirokchilari ta’limga, iqtisodiyotga, ekologiyaga, siyosatga befarq emasliklarini bildirdi.

Eslatib o‘tamiz, ushbu musobaqada yurtimizning turli hududlaridan jami 43 ta jamoa hamda 300 nafardan oshiq bilimdonlar ishtirok etdi.

@menbefarqemasman

#befarqemasman

U20 jamoasi #befarqemasman chellenjida ishtirok etdi.

@menbefarqemasman

#befarqemasman

Бобоёр Тўраев, психолог:

— Юртимиздаги сиёсий, ижтимоий, иқтисодий аҳвол, оддий халқнинг яшаш шароити, маоши, саломатлиги, бандлиги, равон йўллар кимга боғлиқ? Коррупция, бюрократия, монополия, таниш-билишчилик, непотизм кимга боғлиқ? Бу — фақат президент, ҳукумат, депутатларга боғлиқми? Менимча, буларнинг ҳаммаси ўзимизга боғлиқ.

Азиз юртдошим, ўз ҳақ-ҳуқуқларимиз, эркинликларимиз кафолатланиши, қонунчиликдаги ўзгаришлар, ислоҳотлар бизнинг ҳаракатимизга, фаоллигимизга, иштирокимизга боғлиқ. Ўзбекистондаги конституциявий ўзгаришларга мен #befarqemasman! Сиз ҳам бефарқ бўлманг!

@menbefarqemasman

#befarqemasman

Дилшода Норбоева, Мактабгача ва таълими вазирлиги бошқарма бошлиғи:

— Ўқувчилик пайтларимни эсласам, икки чорак давомида мактабда таълим олиш ўрнига пахта даласида пахта териш билан машғул бўлардик. Талабалик давримда ҳам худди шу ҳолат такрорланган. Ўқитувчи бўлиб ишлай бошлаганимида мажбурий меҳнатга жалб этилардик. Ойлигимизни мажбурий обуналарга сарфлашимизга тўғри келарди.

Ҳозирда давлат раҳбарининг сиёсий иродаси билан ўқитувчилар бу каби ҳолатлардан қутулди. Бугун ўқитувчилар фақат ўзининг иш фаолияти билан шуғулланмоқда. Конституцияга киритилаётган ўзгаришларда ўқитувчиларнинг шаъни, қадр-қиммати, унинг ижтимоий ва иқтисодий фаровонлиги давлат томонидан кафолатлаб қўйилмоқда. Бу ўзгаришларга #befarqemasman!

@menbefarqemasman

#befarqemasman

Шаҳноза Тайлакова, ЎзЖОКУ доценти:

— Таълим соҳасида фаолият юритаётган олима сифатида янгиланаётган Конституцияга бефарқ эмасман. Сабаби, унда таълим тизимини ривожлантириш бўйича ҳам қатор бандлар белгиланмоқда. Булар келажакда Ўзбекистон илм-фани, тадқиқот ишлари, таълим тизимининг турли босқичларини янада такомиллаштиришга хизмат қилади, деб ўйлайман. Шу сабабли референдумга бефарқ эмасман, унда ўзимнинг, халқимнинг ва фарзандларимнинг келажаги ётади.

@menbefarqemasman

#befarqemasman

Илмира Розиқова, тиббиёт фанлари доктори, профессор:

— Ҳозир аллергик касалликлар асрида яшаяпмиз. Дунё аҳолисининг 36-40 фоизида шу хасталик учрайди. Бизда яқин йилларгача бу соҳа эътибордан четда эди. Номигагина ташкил этилган Аллергология маркази ҳам ўз ҳолига ташлаб қўйилганди. 2018 йилда Президент қарори билан Марказ қайта туғилди. Аллергология хизматини такомиллаштиришни давлат ўз назоратига олди.

Аввало, соҳа учун кадрлар тайёрлаш муаммосига ечим топилди. Клиник ординаторлар квотаси 2,5 баробарга оширилди. 2019 йилги ўқув йилидан илк бор магистрлар тайёрлаш бошланди. Марказ қошида мутахассислар малакасини ошириш йўлга қўйилди. 70 млрд сўмдан ортиқ маблағ ажратилиб, ҳозирги кунда республикада ягона Болалар ва катталар аллергология маркази биноси қуриб битказилди.

Шу кунларда очилиш арафасида турибди. Мен мутахассис сифатида ана шудай янгиланишларга кенг йўл очувчи конституциявий ислоҳотларга #befarqemasman ва қўллаб-қуватлайман. Барча фуқароларни референдумда фаол иштирок этишга чақираман.

@menbefarqemasman

#befarqemasman

Феруз Бобоев, Бухоро нефтни қайта ишлаш заводи ишчиси:

— Заводимиз мамлакатимизнинг ёқилғи-энергетика комплексига муносиб ҳисса қўшиб келмоқда. Янги Ўзбекистонга янги ислоҳотлар керак эди. Мен Асосий Қомусимиздаги ўзгаришларга #befarqemasman! Сизни ҳам бефарқ бўлмасликка чорлайман.

@menbefarqemasman

#befarqemasman

Behro‘z Berdalov: “Men oliy ta’lim vakili sifatida barcha talabalarni referendumda faol ishtirok etishlariga chaqirib qolaman”.

@menbefarqemasman

#befarqemasman

Otabek Sobitov:

Yangilanayotgan Konstitutsiyada insonning huquq va erkinliklari sezilarli darajada kengaytiriladi
➖inson uning sha'ni, qadr qimmatini kamsitishga yo'l qo'yilmasligi aniq belgilanilmoqda
➖Inson qadri uchun g'oyasi Yangilanayotgan Konstitutsiyada o‘z aksini topgan.
Siz ham befarq bo‘lmang.

@menbefarqemasman

#befarqemasman

Фароғат Исмоилова, Бухоро нефтни қайта ишлаш заводи мутахассиси:

— Ўзбекистонда миллионлаб хотин-қизлар жамиятимиз ҳаётида фаол иштирок этмоқда. Мен ҳам ёш мутахассис сифатида ёшлар ва аёл, қизлар учун яратилаётган имкониятларни қўллаб-қувватлайман. Мен келажагимга #befarqemasman! Сиз ҳам бефарқ бўлманг, Конституцияни ўзгартириш бўйича референдумда фаол иштирок этинг.

@menbefarqemasman

#befarqemasman

Меҳриддин Раҳматов, Ўзбекистонда хизмат кўрсатган артист:

— 2000 йиллар, эсимда, ўқишни тамомлаб ишга киришим учун Тошкентда доимий рўйхатдан ўтишим керак эди. Бу нафақат биз — ижодкорлар, балки бошқа соҳа эгалари учун ҳам қийин эди. Охирги йиллардаги ислоҳотлар натижасида доимий рўйхатдан ўтиш қонун билан таъминланди. Биз каби ижодкорларнинг кўпи пойтахтда ўз фаолиятини давом эттираяпти.

Буни мисол қилиб айтишимдан мақсад — ҳозирги кунда Конституциямизга киритилаётган ўзгаришлар ушбу муаммоларни ҳал қилиш учундир. Барчадан референдумда қатнашишни сўраган бўлардим ва мен бунга #befarqemasman. Сиз ҳам бефарқ бўлманг! Бу Ўзбекистон келажаги учун зарур.

@menbefarqemasman

#befarqemasman

Жўра Исроилов, Ўзбекистонда хизмат кўрсатган артист, кинорежиссёр:

— 44 йилдан бери санъат соҳасидаман. Биз яратган асарлар тақиқларга учраган, сиёсий жиҳатдан тўхтатилган пайтлар бўлган. Бугунги кунда санъатга, адабиётга эътибор кучайтирилиши биз каби ижодкорларни руҳлантирмоқда. Янгиланаётган Конституцияда бадиий ижод эркинлиги кафолатланиши назарда тутилмоқда. Мен бу ўзгаришларга #befarqemasman! Сиз ҳам бефарқ бўлманг!

@menbefarqemasman