КУЛЬТУРНАЯ ПАЛІТРА БЕЛАРУСІ. СВІСЛАЧ.
ГРОДЗЕНШЧЫНА.

НАША НАДВОР'Е.

Прагноз надвор'я па Беларусі на 13 лютага.

☁Хмарна.
🌧Часам ападкі (дождж, мокры снег).
🌫На большай частцы тэрыторыі туман.
❄На асобных участках дарог галалёдзіца, па паўночным усходзе месцамі слабы галалёд.
💨Вецер пераменных напрамкаў 2-7 м / с.
Максімальная тэмпература паветра ад 0°з па поўначы да + 8°з па поўдні.

Па Мінску:
☁хмарна.
🌧Часам невялікія ападкі (дождж, магчымы мокры снег) (верагоднасць ападкаў 80-90%).
🌫️Туман.
❄На асобных участках дарог галалёдзіца.
💨Вецер пераменных напрамкаў слабы.
Тэмпература паветра
раніца 0..+1.°З,
днём +1..+ 3 ° з,
увечары +1..+2°з.

НАША ВЕРА.
РАЗВАЖАННІ АБ АДВЕЧНЫМ.

ПАДАЗРОНАСЦЬ.
1⃣
Каб даверыцца Божай любові, якая нараджае нас да жыцця, неабходна перамагчы ў сабе падазронасць. Зраненая любоў правакуе ў чалавеку вялікі страх перад новым болем, перад адрынутасцю людзьмі, якіх мы любім і чыёй любові патрабуем. Нашая падазронасць часта выводзіцца з крыўдаў, спазнаных у сям’і, у коле равеснікаў. Гэта інстынктыўная, несвядомая форма абароны перад чарговай ранай. Падазронасць блакуе спантанныя чалавечыя адносіны ўзаемнай зычлівасці, сімпатыі, сяброўства і любові, ізалюе чалавека, замыкае яго ў сабе, робіць яго смутным, забівае радасць жыцця.
Трэба заўважыць сваю недаверлівасць і прыняць яе як рану сэрца, якую чалавек павінен з пакорай вызнаць перад Богам дзеля яе пераадолення найперш ва ўласным сэрцы. Унутраная перамога над падазронасцю адчыніць шлях да большага даверу і ў адносінах з бліжнімі.

Калі аднойчы чалавек не дасць рады з падазронасцю, то яна будзе развівацца і расці разам з ім.
👇

НАША ВЕРА.
РАЗВАЖАННІ АБ АДВЕЧНЫМ.

ПАДАЗРОНАСЦЬ.
2⃣
Так падазронасць дзіцяці да бацькоў з гадамі стаецца падазронасцю бацькі ці маці ў дачыненні да ўласных дзяцей. Падазронасць падначаленага – падазронасцю начальніка да падуладных. Падазронасць вучня адносна настаўніка вырастае ў падазронасць настаўніка да вучняў. Нярэдка мы недаверліва ставімся да любога аўтарытэту, бо нам здаецца, – а гэта і ёсць падазронасць, – што ён хоча нас зняволіць, абмежаваць, прынізіць, выкарыстаць. Шмат падазронасці існуе ў грамадстве, таксама і да Царквы, пра які мяркуюць, што ў абвяшчэнні Добрай Навіны і маральных правіл ён кіруецца нячыстымі прыхаванымі матывамі: шукае ўлады, уплываў, узбагачэння і г.д.

Чалавечая падазронасць спадае, нібы цень, і на Бога. У цяжкія хвіліны менавіта з яе нараджаецца недавер: ці Бог можа прабачыць мне такія страшныя грахі? Ці любіць Ён мяне, калі я так пакутую? Ці Ён сапраўды любоў, калі на свеце столькі цярпення і калі так нязмерна пакутуюць дзеці ?
👇

НАША ВЕРА.
РАЗВАЖАННІ АБ АДВЕЧНЫМ.

ПАДАЗРОНАСЦЬ.
3⃣
Вось толькі некалькі пытанняў, выкліканых падазронасцю да Бога. Нават поспех можа стаць яе крыніцай: чаго Гасподзь Бог пажадае ад мяне за хвіліны дабрабыту і чалавечага шчасця? Які крыж потым спашле?

Падазронасць замінае чалавеку ў веры, бо ён не можа прыняць бескарыслівых дароў. Ён намагаецца адразу заплаціць за іх, аддзячыць. У выніку, адносіны з Богам і з людзьмі ператвараюцца ў няспынны гандаль.

Запытаем жа сябе пра сваю падазронасць: як яна змянялася цягам жыцця? З якіх крыўдаў яна можа паходзіць? Да каго яна ўзнікае нібы “аўтаматычна”? Колькі яе ў нас: да сябе, да бацькоў, да мужа ці жонкі, дзяцей, братоў і сясцёр, суседзяў, супрацоўнікаў, душпастыраў? Трэба прасіць Бога, каб адкрыў нам вочы на нашую падазронасць і дапамог паступова пераадольваць яе дзеля больш глыбокага духоўнага жыцця і ўзрастання ў даверы да Бога, сябе і бліжніх.

#ЮзэфАўгустын SJ

Идеология Childfree — сознательная бездетность…

На первый взгляд, ребенок — это множество проблем и ограничений, в любом случае, уже в свое удовольствие просто так не пожить. Но только очень поверхностный и наивный человек может поставить на одну чашу весов нового человека, пришедшего в мир, и на другую чашу все труды и сложности воспитания. Ведь любой ребенок — это целая Вселенная, к которой мы родители имеем самое прямое отношение. Этот огромный динамично развивающийся непредсказуемый очаровательный мир мы держим на своих руках. Каждый новый ребенок — это еще одно окно в Бытие, появившееся там, где раньше была глухая стена.

Протоиерей Павел Великанов

НАША ГІСТОРЫЯ.
БЕЛАРУСКАЯ РЭСПУБЛІКА.
"ДЗЯННІЦА".

13 лютага 1918 г. утвораны Беларускі нацыянальны камісарыят (БЕЛНАЦКОМ). Створаны ў Петраградзе (з сакавіка 1918 г. быў у Маскве). Камісар А.Чарвякоў (да мая 1918 г.) Меў аддзелы: агітацыйна- палітычны, культурна- асветніцкі, выдавецкі і інш.; аддзяленні ў Петраградзе, Смаленску і Віцебску; спецыяльных прадстаўнікоў (эмісараў) ў Арле, Калузе, Оршы, Самары, Саратаве, Сімбірску, Тамбове. Друкаваны орган - газета "Дзянніца". Камісарыят арганізаваў у Маскве Беларускі народны універсітэт, садзейнічаў заснаванню Беларускага навукова-культурнага таварыства. Скасаваны ў сакавіку 1919 г..

Галоўнае ўпраўленне культуры Мінскага аблвыканкама сумесна з ДУ «Мінская абласная бібліятэка імя А.С. Пушкіна» запрашаюць паэтаў Мінскай вобласці прыняць удзел у конкурсе «Слова Купалы да творчасці кліча». Конкурс мае пастаянны характар і праводзіцца кожныя два гады. У гэтым годзе ён пройдзе ў перыяд з 1 сакавіка па 1 мая 2024 г.

Партнёрамі конкурсу выступаюць Мінскае абласное аддзяленне Саюза пісьменнікаў Беларусі, Дзяржаўны літаратурны музей Янкі Купалы, Выдавецкі дом «Звязда» - газета «Літаратура і мастацтва», Народны клуб кампазітараў і паэтаў «Жывіца».

Больш падрабязна аб конкурсе вы можаце даведацца на сайце бібліятэкі - https://pushlib.org.by/node/3574

НАШЫ ПРАЕКТЫ.
МУЗЕЙ ЯКУБА КОЛАСА - ПРА ДЗЕДА ТАЛАША.

13 лютага 2024 года ў 17.30 у Дзяржаўным літаратурна-мемарыяльным музеі Якуба Коласа пачне сваю працу часовая экспазіцыя з фондаў музея “…Чаго варты стары Талаш?”, прымеркаваная да 90-годдзя выхаду з друку аповесці Якуба Коласа “Дрыгва” і 180-годдзя з дня нараджэння В. І. Талаша.

“Летам 1932 г. была наладжана экспедыцыя трох Акадэмій навук – Усесаюзнай, Украінскай і Беларускай для шырокага навуковага вывучэння паўднёвых раёнаў Савецкага Палесся. Расказ старога партызана аб яго баявой дзейнасці сумеснай з Чырвонай Арміяй быў перададзены мне. Расказ гэты мяне дужа зацікавіў, і я палажыў яго ў аснову сваёй аповесці “Дрыгва”, – так піша сам Якуб Колас пра гісторыю напісання аповесці.

Прататыпам галоўнага героя аповесці з’яўляецца рэальны персанаж – Васіль Ісакавіч Талаш, актыўны ўдзельнік партызанскага руху ў час савецка-польскай вайны. Васіль Ісакавіч быў асабіста знаёмы з Якубам Коласам і Заірам Азгурам.

#МузейКоласа

БЕЛАРУСКІ ЦЫТАТНІК.
АЛЕСЬ БАЧЫЛА.

ДА ДНЯ РОДНАЙ МОВЫ.

НАЦЫЯНАЛЬНАЯ АКАДЭМІЯ НАВУК БЕЛАРУСІ - МЕРАПРЫЕМСТВЫ.

З 6 па 25 лютага 2024 года Інстытут мовазнаўства імя Якуба Коласа Цэнтра даследаванняў беларускай культуры, мовы і літаратуры НАН Беларусі праводзіць мерапрыемствы, прысвечаныя Міжнароднаму дню Роднай мовы, які адзначаецца 21 лютага.

21 лютага (Міжнародны дзень роднай мовы) у 10.00 навукоўцы-дыялектолагі правядуць сустрэчу з навучэнцамі гімназіі № 22 г.Мінска на тэму «Беларускія гаваркі», падчас якой раскажуць пра асаблівасці беларускіхнародных гаворак, прадэманструюць фільм «Беларускія гаваркі».

З 11.00 да 12:30 пройдзе прэзентацыя – практыкум – майстар-клас «Славянскамоўныя тэксты ў арабскаграфічным пісьменстве беларускіх татараў».