НА ДОБРЫ ДЗЕНЬ...

"Ойча наш, каторы ёсць у небе, свяціся iмя Тваё, прыйдзi Валадарства Тваё, будзь воля Твая як у небе, так i на зямлi.

Хлеба нашага штодзённага дай нам сёння, і адпусцi нам правіны нашы, як i мы адпускаем вiнаватым нашым, і не ўводзь нас у спакусу, але збаў нас ад злога. Амінь."

Дай Божа, КОЖНАМУ ЧАЛАВЕКУ, пражыць гэты дзень у здароўі, радасці, добрых справах, павазе і любові да бліжняга, у асабістым поспеху і веры.

НАШЫ ДАТЫ.
ГІСТОРЫЯ ЯЎРЭЯЎ БЕЛАРУСІ.

БАБРУЙСКАЕ ГЭТА.

У нядзелю 3 лістапада Дзень памяці ахвяр Бабруйскага гета.

Запрашаем Вас наведаць памятныя мясціны і ўскласці кветкі разам з намі:
памятны знак на месцы, дзе было гета-тэрыторыя завода ТДіА
Мемориал мемарыял у вёсцы Каменка
Алею Праведнікаў.

Затым у суполцы пройдзе круглы стол " Халакост. Прычыны і ўрокі". Давайце разбярэмся, як гэта было і чаму важна пра гэта памятаць. Падзелімся сямейнымі гісторыямі. Прыняць удзел у абмеркаванні зможа любы прысутны.
Пачатак круглага стала 13.00.

Можна далучыцца на любым этапе.

Запрашаем усіх жадаючых.

Выезд ад абшчыны вул.к. Лібкнехта 77/62 у 11.00.

Адкуль пачынаецца гісторыя Навагрудскага вучылішча ❓

❗️Гэта школа знакамітая тым, што з 1807 па 1815 гады ў ёй вучыліся два самыя вядомыя ўраджэнцы Навагрудчыны — паэт Адам Міцкевіч і фалькларыст Ян Чачот.

Большасць вучняў, якіх звалі студэнтамі, жылі каля школы пры кляштары ў келлях.

Больш гістарычных звестак пра ўстанову адукацыі — на zviazda.by 🎞

НАШЫ АСОБЫ.
ІОСІФ СТАБРОЎСКІ.
АРХЕАЛОГІЯ. КРАЯЗНАЎСТВА.

2 лістапада -
дзень нараджэння археолага, краязнаўца, палкоўніка Іосіфа Іосіфавіча СТАБРОЎСКАГА (1870 - 1968).

Нарадзіўся ў маёнтку Орлавічы Слонімскага павета. Паступіў у Полацкі кадэцкі корпус, пасля ў Аляксандраўскае ваеннае вучылішча. Падчас вайсковай службы пачаў цікавіцца гісторыяй і археалогіяй Беларусі, праводзіў раскопкі, збіраў калекцыі кніг і археалагічных знаходак. Удзельнік Першай сусветнай вайны, быў атручаны газамі. У 1917 г. скончыў Маскоўскі археалагічны інстытут. Пасля перавароту пэўны час знаходзіўся ў арміі. Пакінуўшы вайсковую службу вярнуўся на Слонімшчыну, дзе пачынае плённую працу па вывучэнню роднага края і ў 1929 г. адкрыў у Слоніме краязнаўчы музей.
У свае апошнія гады Стаброўскі шмат чытае і піша. Жыў у беднасці і забыты мясцовымі ўладамі. Памёр 15.01.1968 г. Пахаваны на зямлі былога радавога маёнтка Орлавічы.

#ViktarKaval

МОЙ РОДНЫ КУТ !
БЕЛАРУСЫ : АСАБІСТАЕ МЕРКАВАННЕ.

"У аднаго з Сяброў пачытаў меркаванне, што "слабое месца "нашага народа нават не мова,а яго менталітэт.

Беларусы - вясковы народ. Вякамі жыў у вёсцы, а ў мястэчках яўрэі ды палякі. Арыстакраты і тагачасная інтэлегенцыя ў маёнтках , фальварках, а часта асядала ў Вільні, Варшаве, Санкт-Пецярбургу. Ды і ганенні на прадстаўнікоў, лепшых сыноў нашага народа, пакінулі цяжкія наступствы для культуры.

На светапогляд народа, у сваіх інтарэсах, аказвала ўплыў і царква.
Беднасць параджала зайдрасць, прымхі, забабоны , чалавек не бачыў выйсця. "Акукліваўся " на сваім лапіку зямлі і ведаў, што толькі на ім можна выжыць.
За парогам хаты, як і плотам - гэта ўжо чужое! Свой куточак і быў для яго родным.

Гэта фарміравалася ў мінулым, хоць і сёння бачны яго негатыўныя адгалоскі.

Але час няўмольны і народ мяняецца. Ён велічына не пастаянная !"

#SymonSvistunovich

БЕЛАРУСКАЯ ПРЫМАЎКА.