КУЛЬТУРНАЯ ПАЛІТРА БЕЛАРУСІ. МІНСК.

НАША НАДВОР'Е.

Прагноз надвор'я па Беларусі на 10 верасня.

Воблачна з праясненнямі.
Пераважна без ападкаў,
☔️ толькі па захадзе кароткачасовыя дажджы,
⚡ ️ Месцамі навальніцы.
Вецер паўднёва-ўсходні, паўднёвы ўмераны,
месцамі парывісты.
Максімальная тэмпература паветра +22..+ 28 ° з, па захадзе + 18..+21°з.

• У Мінску:
облач️ воблачна з праясненнямі.
Без ападкаў.
Вецер паўднёва-ўсходні, паўднёвы ўмераны.
Тэмпература паветра
раніцай +13..+16 ° з,
днём +24..+26 ° з,
увечары +17..+20°з.

НАШ КАЛЯНДАР.
НАРОДНАЕ.
БЕЛАРУСЫ ПРЫКМЯЧАЛІ...

10 верасня - Мацей.
Абаронца ад п'янства.

Мацей (Майсей, Маісей Мурын, Мурун) – абаронца
ад запояў. Прысвятак вельмі прызнавалі жанчыны, чые
мужыкі пілі гарэлку. Існавалі і прыказкі: «Майсей
Мурын – сцаліцель ад п'янства»; «Пасля Мацея
мужык на полі не пацее».
Даследчыкі выказваюць меркаванне, што падставай
для прызнання прападобнага Маісея Мурына (каля 400 г.) як
абаронцы ад п'янства з'яўляецца тое, што ён у маладосці займаўся
разбоем і п'янствам,але затым пры дапамозе Бога прызнаў свае
грахі, пакаяўся і стаў падзвіжнікам строгай набожнасці.
Як кажуць у народзе: "Ад гарэлкi - розум мелкi".

У гэты час сяляне спяшаліся прыбраць ураджай перад вераснёвай непагаддзю, вывазілі снапы, складалі хлеб у скірды, таму дзень гэты называлі скірднікам: "Сава скірды зладзіць, на розум наставіць".

10 верасня па народным календары імяніны ў Аляксандра, Аляксея, Анатоля, Ганны, Арсеня, Апанаса, Васіля, Веніяміна, Георгія, Рыгора, Дзяніса, Яўхіма, Захара, Івана, Ігната, Майсея.

БЕЛАРУСКАЯ ПРЫМАЎКА.
ПРА ВЫПІЎКУ.

😜Дзе п'ецца, там і льецца.
🤯Гарэлка весяліць, ды ад яе галава баліць.
💧Для п'яніцы і кропелька дорага.
👬Дружбе чарачка не шкодзіць, а бутлі дружбу загубяць.
🍷Гаспадар у карчме п'е і скача, а гаспадыня дома з дзецьмі плача.
🍻Дапіўся да статка - не ўбачыш і астатка.
🥂Гіблы не скваркі а чаркі чакае.
⛪️Да касцёла дарога крывая, а да карчмы простая.
🤔Аб першую чарку ёсць спрэчка, аб пятую няма.
🍞Галодны пра хлеб, а п'яны пра хмель.
😄"Будзь здароў, будзь здароў!" - ды з лаўкі далоў.
😵‍💫Ад водкі розум кароткі.
🙏Ад п'янага сам Бог уцякаў.
🏃‍♂‍➡️Бачыш, дружа, як гарую: з аднае карчмы ды ў другую.