Бәйрәм җитә,
Әни, төп нигездә
Котлар идек сине җыелып...
Андый чакта,
Кемдер кайтыр диеп,
Куя идең алдан җыенып.

Камыр басып,
Иртүк мичкә ягып,
Көтә идең чәйләр кайнатып.
Әйтерсең лә,
Бәйрәм сиңа түгел,
Безгә иде кебек һәрвакыт.

Их, әнием!
Үз бәйрәмеңдә дә
Һич утырып тора белмәдең.
Хәзер инде
Чөйдә генә тора
Мич алдында йөргән күлмәгең.

Ял белмәдең,
Бәйрәм дә күрмәдең,
Гел почмакта йөрдең тыпырдап.
Юк, ялгышам...
Әгәр авыр булса,
Әйтер идең бер сүз уфылдап.

Әйтми идең...
Әллә инде түздең,
Я, чынлап та, шулай яраттың:
Мичтән чыккан бәлешләргә кушып,
Бар җылыңны безгә тараттың.

Бәйрәм булган:
Безгә – сине күрү,
Синең өчен – безне бер сыйлау.
Кинәт.. синсез
Һәм бәйрәмсез итте
Көтмәгәндә килгән зур сынау.

Бу көннәрдә
Уллар, кызлар сөенеп
Туган йортларына ашыгыр.
Котлый алмыйм, әни,
Рухларыңа
Дога булып барсын бу шигырь...

Исхак Фәйзуллин

Бүген кыскартылган көн бугай. Вахтада сораулар булса, Матбугат.ру рөхсәт итте диярсез.

Рамазан ае бетте дип тәртипсезләнеп йөрисе түгел, яме?

Көлде кояш, нурларыннан
Урамнарга келәм җәеп
Йөзләр балкый шатлык зурдан-
Килде көтеп алган Гает.

Котлау сүзе һәр тарафта,
Кемдер җырлый, укый бәет
Аллаһыны зурлый инсан,
Мөбарәк көн- бүген Гает.

Күңелләр көр, җанда хисләр,
Шаяртсаң да түгел гаеп
Шундый рәхәт, куанычлы,
Бәрәкәтле изге Гает.

Табаларда коймак пешә,
Сый-хөрмәтле бәйрәм чәе
Мәчетләрдә мөселманнар,
Дога кыла барсы, әйе.

Тынычлыкны сорыйм мин дә,
Намазлыкны алга җәеп
Рәхмәтендә без Аллаһының,
Мөбәрәкләр булсын Гает!

Мирһади Разов

#туганкөн #котлау #тәбриклибез #котлыйбыз

Кайсы якта тәгәрмәчне куляса диләр? Сезнең якта түгелдер бит?

“Мәдәни җомга”, “Безнең мирас” редакцияләре сигезенче ел ифтар уздырды. Кабуллардан булсын.


Эльза Газизова видеосы

📲 Безнең Telegram

Чак Норрис вафат

Тулырак: https://matbugat.ru/news/?id=50438

#туганкөн #котлау #тәбриклибез #котлыйбыз

Бүген Шигърият көне. Йәгез әле 4 юллык белән генә кайда нишләп йөргәнегезне рифмалап атыгыз әле.

Бүген дустыбыз, хезмәттәшебез Алсу Хәсәнованы искә ала торган көн. Белик. Хәтерлик. Алсуны белгән кешеләр бармы арагызда?

Бүген Нәүрүз бәйрәм ителә. Төрки халыкларда ул шактый популяр. Ә татарларда бик популяр түгел. Ник икән?

Блокировка үзенекен итә. Постлар 3-4 тапкыр азрак карала башлады. Киң җәмәгатьчелек впн белән мәтәшми. Тар җәмәгатьчелек кенә мәтәшә.

#туганкөн #котлау #тәбриклибез #котлыйбыз

Эх, бар иде вакытлар. Сәгатьне бер сәгать алга яки бер сәгать артка күчереп куя идек. Буталып бетә идек. Күңелле иде.

Композитор Сәйяр Хәбибуллин вафат((

Тулырак:
https://tatpressa.ru/news/368267.html

Бер социаль челтәргә кереп чыккан идем. Кыска-кыска юмористик видеолар бирде. Үзе татарча. Видеода яшьләр дә, олы кешеләр дә сүгенәләр. Пошлятина. Әмма халыкка ошый. Комментарийларда чөеп мактыйлар. Алары да татарча.

Тирән күл дә уянып килә

#туганкөн #котлау #тәбриклибез #котлыйбыз

Татарстанда уртача хезмәт хакы 2025 елда 20 процентка арткан дип хәбәр итә РИА Новости. Ышанмаска ашыкмагыз. Сезнеке, бәлки, артмагандыр да. Күршегезнеке бик кисәк арткандыр, бәлки. Шул хисапка уртача күрсәткеч тә арта бит. Күршегездән кереп сорагыз әле.

Медиа яңалыклары:

* Телевизор фон белән генә эшли
* Радио тыңламыйлар
* Блогерлар туйдырды
* Сайтка кермиләр
* Подписка төшеп беткән
* Социаль челтәрләр тыелган
* Китап сатылмый