⚡️Янгиликлар 24 | Президент Шавкат Мирзиёевнинг Андижон вилоятига ташрифи

🇺🇿 Marhamat tumani hokimligi
Matbuot xizmati.

⚡️"Энди мактабларимиз ҳам ўзгариши керак. Икки тил ва бир касб ўргата олмаса, ундай мактабларнинг бизга кераги йўқ"-деди президентимиз Шавкат Мирзиёев.

Айни вақтда Шавкат Мирзиёев Янги Андижон массивида вилоят фаоллари ва масъуллар иштирокида видеоселектор йиғилишини ўтказмоқда.

"Мен 55-мактабга кириб, у ерда касбга йўналтирилган жараёнлар билан танишдим. Ўқувчиларнинг ўзлари ҳам таълим олиб, ҳам касбни ўрганяпти. Мана шу мактаб мисолида айтишим керакки, энди мактабларнинг ишлаш тизими ҳам, таълим бериш тизими ҳам ўзгариши керак. Мана шунда келажак-авлод Ватан равнақи учун биз ўйлагандек кадр бўлиб етишади"-Шавкат Мирзиёев.

🇺🇿 Marhamat tumani hokimligi
Matbuot xizmati.

- 1 июлгача Андижонда 41 та мини ГЭС қурилади

⚡️Айни пайтда Давлатимиз раҳбари иштирокида ўтказилаётган видеоселектор йиғилиши давомида келаси қишга бугундан тайёргарлик кўришни, шунингдек водийда 600 мегаваттлик қуёш электр станцияси қурилиши таъкидланди.

🇺🇿 Marhamat tumani hokimligi
Matbuot xizmati.

⚡️Президент энергетика тизимидаги муаммолар ва уларнинг ечими ҳақида гапирмоқда

Айни дақиқаларда Шавкат Мирзиёев Андижон шаҳрида фаоллар билан учрашиб, суҳбат ўтказмоқда.

Йиғилишда иқтисодиётимиз ўсиши, аҳолимиз яшаш шароити яхшиланиши билан бир қаторда, электр истеъмоли ҳам кундан-кунга ошгиб бораётгани таъкидланди.

Андижон, Наманган, Фарғона вилоятларида электрга талаб 40 фоизга кўпайган.

Шу сабабли охирги беш йилда 14 та электр станцияси ишга туширилди ва йиллик электр ишлаб чиқариш қўшимча 16 миллиард киловатт соатга кўпайди.

Шунга қарамай, бу йил жуда совуқ келган қиш кунларида республикада 3,1 миллиард киловатт соат (водий вилоятларида 1,1 млрд кВт соат) электр етишмовчилиги юзага келди.

Жумладан:

Андижонда - 384 миллион,
Наманганда - 288 миллион,
Фарғонада - 441 миллион киловатт соат.

Айрим кунлари аҳолининг электрга бўлган талаби бирданига 30 фоизга ошгани, кўплаб аварияларга ҳам сабаб бўлди.

“Нима учун масъул раҳбарлар ўз ҳудудида етишмовчиликни қоплаш, “яшил энергия”ни жорий қилиш, тежамкорлик ҳақида ўйламаган?” - деди давлатимиз раҳбари.


🇺🇿 Marhamat tumani hokimligi
Matbuot xizmati.

❓Аҳоли ва иқтисодиёт тармоқларини энергия ресурслари билан узлуксиз таъминлаш учун нималар қилиш керак?

Президент бу ҳақдаги чора-тадбирларни Андижон, Наманган ва Фарғона вилоятлари мисолида айтиб бермоқда.

1️⃣ Биринчидан:

Йирик қуёш ва шамол станциялари лойиҳаларини тезлаштириш керак.

Бу йил Поп ва Фарғона туманларида 600 Мегаваттли 2 та қуёш станцияси қурилади.

Шунингдек, Янги Андижондаги 192 та кўп қаватли уйлар ва 6 та ижтимоий объектларни кафолатли иссиқлик билан таъминлаш учун 20 Мегаватт қувватли кўмирда ишлайдиган когенерация лойиҳаси амалга оширилади.

Ушбу станция иссиқлик билан бирга йилига 80 млн кВт соат электр энергия ишлаб чиқаради. Унинг 1-босқичи жорий йил декабрда ишга тушади.

🇺🇿 Marhamat tumani hokimligi
Matbuot xizmati.

2️⃣ Иккинчидан:

⚡️Водий вилоятларида 160 Мегаваттли қуёш панеллари ва 100 та микро ГЕСлар қурилади.

1-июлга қадар тадбиркорлар жалб қилиниб, Андижонда 41 та, Наманганда 32 та ва Фарғонада 27 та микро ГЕС қуриш бошланади.

Бу ишларни жойларда тўғри ташкил этиш, масалаларни ҳал қилиш учун вилоят ҳокимларининг 1-ўринбосарлари масъул бўлади ва ҳамма ишлардан озод қилинади. Уларга республика банк раҳбарлари бириктирилади.

🇺🇿 Marhamat tumani hokimligi
Matbuot xizmati.

3️⃣ Учинчидан:

⚡️Ижтимоий соҳа объектларида “Қуёш энергияси”дан фойдаланиш учун алоҳида компания ташкил этилади. Унга 200 миллион доллар маблағ берилади.

Компания қуёш панеллари ва сув иситиш қурилмаларини ўзи ўрнатади ва “яшил энергия”ни бюджет корхонасига сотади.

Шунингдек, бу соҳа даромадлилигини тадбиркорларга тушунтириб, уларни жалб қилиш керак.

Кичик қуёш панелидан олинадиган 1 киловатт-соат электр энергия таннархи ўртача 450 сўм, бюджет ташкилотига 800 сўмга сотиш мумкин.

🇺🇿 Marhamat tumani hokimligi
Matbuot xizmati.

4️⃣ Тўртинчидан:

⚡️Йирик корхоналарда ҳам қайта тикланувчи энергия манбаалари ўрнатилади.

Водийда 1 минг 408 та йирик корхона мавжуд.

Умуман, водийдаги йирик корхоналар ўзининг электр эҳтиёжини 100 фоиз ўзи таъминлашга ўтказиш вилоят ҳокимлари, Энергетика вазирлиги ва тармоқ раҳбарлари учун устувор вазифа бўлиши керак.

Саноат корхоналарида қуёш панелларини ўрнатиш ва кичик станциялар қуриш учун халқаро молия ташкилотларидан 2 миллиард доллар жалб қилиш чоралари кўрилади.

🇺🇿 Marhamat tumani hokimligi
Matbuot xizmati.

5️⃣ Бешинчидан:

⚡️Эндиликда, аҳолига қуёш энергиясидан фойдаланиш учун жозибадор тизим яратилади.

Водийдан бошлаб, хонадонларда ишлаб чиқарилган ва тармоққа узатилган ҳар бир киловатт соат учун 1 минг сўмдан ҳисоб-китоб қилинади (ҳозир 295 сўм).

❗️Яъни Сиз уйингизга қуёш панели ўрнатсангиз, эҳтиёжингиздан ортиб қолган электрни 1 минг сўмдан давлатга сотасиз. Аслида ҳозир давлат аҳолига электр энергиясини 295 сўмдан сотади, лекин аҳолининг ўзидан минг сўмдан сотиб олади.

🇺🇿 Marhamat tumani hokimligi
Matbuot xizmati.

6️⃣ Олтинчидан:

Барча ижтимоий объектлардаги 3 мингта эскирган қозонларни замонавий ускунага алмаштириш зарур.

⚡️Бунда жорий йилда давлат-хусусий шерикчилик асосида 250 миллиард сўм ажратилади.

🇺🇿 Marhamat tumani hokimligi
Matbuot xizmati.

7️⃣ Еттинчидан:

⚡️Водийда йилига 120 миллион куб метр газ сарфлаётган 170 та иссиқхона, 64 та ғишт ва оҳак корхоналарини кўмирга ўтказишни тезлаштириш керак.

Масъуллар ишларни ҳозирдан бошлаб, 1-октябрга қадар якунлаши ҳақида топшириқ берилди.

🇺🇿 Marhamat tumani hokimligi
Matbuot xizmati.

⚡️⚡️⚡️2 февралдан барча ҳудудлардаги метан «заправка»лар фаолияти босқичма-босқич тикланади

Энергетика вазирлигининг маълум қилишича, АГТКШлар фаолияти маҳаллий ҳокимликлар томонидан тақдим этилган рўйхат асосида босқичма-босқич йўлга қўйилади.

🇺🇿 Marhamat tumani hokimligi
Matbuot xizmati.

Президентимиз Бўстон туманидаги янги фабрика фаолияти билан танишиб, корхонада иш билан таъминланган хотин-қизлар билан суҳбатлашди.

🇺🇿 Marhamat tumani hokimligi
Matbuot xizmati.