📊 2021-yilda Andijon viloyati tashqi savdo aylanmasi yuqoriligi boʻyicha respublikamizdagi viloyatlar ichida 2-o‘rinni egalladi.

✅ Toshkent sh. – 16,4 mlrd., eksport – 3,8 mlrd., import 12,6 mlrd. AQSH dollari

✅ Toshkent v. – 5,3 mlrd., eksport – 2 mlrd., import 3,3 mlrd. AQSH dollari

✅ Andijon v. – 3,2 mlrd., eksport – 979,5 mln., import 2,2 mlrd. AQSH dollari

✅ Samarqand v. – 1,9 mlrd., eksport – 530,6 mln., import 1,4 mlrd. AQSH dollari

✅ Fargʻona v. – 1,8 mlrd., eksport – 800,7 mln., import 1 mlrd. AQSH dollari

✅ Navoiy v. – 1,2 mlrd., eksport – 508,5 mln., import 657,6 mln. AQSH dollari

✅ Namangan v. – 1,1 mlrd., eksport – 494,6 mln., import 594,8 mln. AQSH dollari

✅ Buxoro v. – 1,1 mlrd., eksport – 311,3 mln., import 775,6 mln. AQSH dollari

✅ Sirdaryo v. – 668,4 mln., eksport – 235,3 mln., import 433,2 mln. AQSH dollari

✅ Qashqadaryo v. – 661,9 mln., eksport – 270,5 mln., import 391,4 mln. AQSH dollari

✅ Qoraqalpogʻiston R. – 657,2 mln., eksport – 418,6 mln., import 238,6 mln. AQSH dollari

✅ Jizzax v. – 532,2 mln., eksport – 196,5 mln., import 335,7 mln. AQSH dollari

✅ Xorazm v. – 516,7 mln., eksport – 230,8 mln., import 285,9 mln. AQSH dollari

✅ Surxondaryo v. – 443,1 mln., eksport – 235,3 mln., import 207,7 mln. AQSH dollari.

Manba

Bizni ijtimoiy tarmoqlardagi
kanallarimizda kuzatib boring!

Joriy yilning 24-yanvar kuni viloyat prokurori S.Eshquvvatov o‘ziga biriktirilgan Marhamat tumani 2-sektor hududidagi og'ir hudud sifatida qayd etilgan Uvaysiy MFYga tashrif buyurdi.

Tumanimiz hokimi B.Yuldashev hamda sektor rahbarlari hamrohligida u yerda soha vakillari tomonidan amalga oshirilayotgan obodonlashtirish va infratuzilma holatlari bilan tanishdi.

BATAFSIL: videolavhada tanishing.

Marhamat tumani hokimligi
Matbuot xizmati.

Respublikamiz elektr energiyasi taʼminotida uzilishlar kuzatilmoqda

Bugun, 25-yanvar kuni soat 11:00 da energotizimda yirik nosozlik yuzaga kelib respublikamizning ayrim hududlarida elektr energiyasi taʼminotida uzilishlar kuzatilmoqda.

Energetika vazirligi axborot xizmati xabar berishicha, ayni paytda mutaxassislar tomonidan nosozlikni tiklash ishlari olib borilmoqda.

Holat yuzasidan qoʻshimcha maʼlumot beriladi.

Keltirilgan noqulayliklar isteʼmolchilardan uchun uzr soʻraymiz, deyiladi xabarda.

Uy-joy kommunal xizmat koʻrsatish vazirligi ogohlantirmoqda:

Mamlakatimizning koʻplab hududlarida elektr energiyasi tizimida kuzatilgan uzilishlar bois, isitish, oqava hamda ichimlik suv tarmoqlarida ham uzilishlar kuzatilishidan ogohlantiramiz!

❗️“Oʻzsuvtaʼminot” AJ:

Respublika miqyosida elektr energiyasi bilan bogʻliq muammolar yuzaga kelganligi sababli, ichimlik suvi yetkazilishida ham vaqtinchalik uzilishlar yuzaga kelishi mumkin.

Elekt energiyasi tiklanganidan soʻng ham texnik jihatlarni inobatga olib, suv taʼminoti tizimida kechikishlar boʻlishini maʼlum qilamiz.

Keltirilgan noqulayliklar uchun uzr soʻraymiz.

⚡️Elektr tizimidagi avariya Qozogʻistonda yuz bergan

Energetika vazirligi axborot xizmati xabar berishicha, soat 10:57 da Qozogʻiston Respubliksi Elektr tarmogʻida katta avariya boʻlishi natijasida Olma-ota, Shimkent, Taras, Turkiston (viloyatlarida) va atrof hududlarida Elektr eyenergiya taʼminotida oʻchishlar yuzaga keldi.

Buning natijasida Qirgʻiziston elektr tarmogʻida, jumladan Bishkek, Oʻsh va boshqa barcha shaharlarda elektr energiya oʻchishi kuzatildi.

Yagona elektr tarmogʻiga ulangan Oʻzbekisiton elektr tarmogʻi bu avariyaning salbiy taʼsiri natijasida Qozogʻistondan keluvchi 530 liniyadagi kuchlanish va chastotani keskin oʻzgarishi oqibatida Toshkent GRESi, Sirdaryo GRESi da avariya himoya vositalari ishlab ketib bu ikkala stansiyani ham avtomatik ravishda avtomatik ravishda oʻchishiga olib kelgan.

Natijada Fargʻona va Toshkent shahri va viloyati, Fargʻona vodiysi hududi, Sirdaryo, Jizzax, Samarqand, Navoiy, Qashqadaryo viloyatlari tarmoqlarida elektr energiyasi oʻchdi.

Hozirda qoʻshni davlat tarmoqlaridan uzgan holatda, har bir TESlarni alohida ishga tushirib, bosqichma-bosqich tarmoqlarni ulash choralari koʻrilmoqda.

Avariya tavsilotlari boʻyicha qoʻshimcha ravishda axborot beriladi.

FVV:

📢 Hurmatli fuqarolar!

Elektr tarmoqlarida yuzaga kelgan uzulishlar sababli gaz hamda elektr bilan bogʻliq koʻngilsiz vaziyatlarning oldini olish maqsadida gaz va elektr moslamalarini tarmoqdan vaqtincha uzib qoʻying.

📢 IIV haydovchilarga murojaat qildi:

🚦Respublikamizning baʼzi hududlarida elektr energiyasi uzilishlari sababli yoʻllardagi svetoforlar vaqtincha ishlamayapti.

Ammo, IIV Jamoat xavfsizligi departamenti xizmatlari yoʻllarda yuzaga kelishi mumkin boʻlgan tirbandliklar, YTH va boshqa koʻngilsiz holatlarning oldini olish choralarini koʻrmoqda.

👮🏻‍♂ Sizlarni IIO xodimlarining qonuniy talablarini bajarishga va yoʻl harakati qoidalariga qatʼiy amal qilishingizni soʻraymiz.

Elektr stansiyalar bosqichma-bosqich ishga tushirilmoqda. Hududlarda elektr taʼminoti tiklanmoqda.

Toshkent viloyatidagi Chorvoq, Xodjikent va Tovoqsoy gidroelektr stansiyalari, Navoiy viloyatidagi Navoiy issiqlik elektr stansiyasi, Qoraqalpogʻiston Respublikasidagi Taxiatosh issiqlik elektr stansiyasi hamda Fargʻona viloyatidagi Fargʻona issiqlik elektr markazi orqali energetika tizimiga quvvat uzatish boshlandi.

Respublikamizning ayrim hududlarida elektr taʼminoti tiklanmoqda.

Holat yuzasidan qoʻshimcha maʼlumot berib boriladi.

Manba: Energetika vazirligi Matbuot xizmati.

❗️Ijtimoiy tarmoqlar va Telegram kanallarda Oʻzbekistonda 3 kun davomida elektr energiyasi boʻlmasligi, yoqilgʻi yetishmayotgani sababli tez orada mobil aloqa ham uzilishi toʻgʻrisida asossiz xabarlar tarqalmoqda.

❌ Mazkur xabarlar yolgʻon va haqiqatga mos kelmaydi.

📄 Eslatib oʻtamiz, aholi oʻrtasida yolgʻon axborot tarqatganlik uchun javobgarlik mavjud.

Ҳурматли юртдошлар!

Хабарингиз бор, юртимиз ва қўшни мамлакатларнинг айрим ҳудудларида электр таъминотида узилишлар кузатилмоқда. Дастлабки ўрганишлар бу ҳолат умумминтақавий энергия тизими доирасида юзага келган носозликлар оқибатида келиб чиққанини кўрсатмоқда.

Таъкидлаш керакки, вазият шахсан Президентимиз назорати остида. Ўзбекистон энергия тизимини барқарорлаштириш ҳамда электр таъминоти ва бошқа тармоқлар ишини тиклаш бўйича олиб борилаётган ишлар ҳақида деярли ҳар дақиқа давлатимиз раҳбарига ахборот бериб борилмоқда.

Шундай экан, барчангизни хотиржамликни сақлаш ва саросимага тушмасликка чақириб қоламиз. Ваҳимага ўрин йўқ.