#Jarayon
#Qashqadaryo

Jazoni ijro etish koloniyasida ma’naviy va ma’rifiy tadbir.

“Milliy armiyamiz – Yangi O‘zbekistonning mustahkam qalqonidir” mavzusida “Ma’naviyat va ma’rifat darsi” bo‘lib o‘tdi. Unda koloniya shaxsiy tarkibi va Qarshi davlat universiteti dotsenti, “Ma’rifat” targ‘ibotchilar jamiyati a’zosi Toxir Qurbonov ishtirok etib, milliy armiyamizning yurt tinchligi, el osoyishtaligi yo‘lidagi xizmatlari e’tirof etildi.

Shuningdek, tadbirda O‘zbekiston Respublikasi Prezidentining 2022-yil 20-dekabrdagi Oliy Majlis va O‘zbekiston xalqiga Murojaatnomasi to‘g‘risida atroflicha ma’lumot berildi. Yangi yilni muhtaram Prezidentimiz tomonidan “Insonga e’tibor va sifatli ta’lim yili” nomlangani bois koloniya xodimlari o‘zlarining bilim va salohiyatlarini yanada oshirishi, mahkumlar bilan xushmuomalada bo‘lishi xususida ma’ruza qildi.

Tadbirda ishtirokchilarning savollariga tegishli javoblar qaytarildi.

🌐 @manaviy_markaz