Respublika ma'naviyat va ma'rifat markazi Kogon tuman bo'linmasi, xalq ta'limi bo'limi, tuman axborot kutubxona markazi, buvijonlar maktabi a'zolari bilan hamkorlikda "Buvijonim o'gitlari hayotimiz shamchirog'i" mavzusida ma'naviy-ma'rifiy tadbir tashkil qilindi.
Tadbirni Respublika Ma'naviyat va ma'rifat markazi tuman bo'linmasi rahbari M. Mubinova ochib berdi. Tadbirda har bir ota-ona o‘zidan ezgu nom qoldirish maqsadida farzandlariga yaxshi ta'lim – tarbiya berishga harakat qilashi, kelgusida farzandlari el-yurt xizmatiga kamarbasta insonlar bo‘lib tarbiyalansa ularning baxti oilada, ayniqsa qiz bola o‘zining odobi yurish turishi bilan boshqalardan alohida ajralib turishi borasida aytib o‘tildi. Tadbirda buvijonlar maktabi a'zolari tomonidan tarbiyaviy ahamiyatga ega fikrlar bildirildi. Buvijonlar tomonidan milliy qadriyatlarni qadrlash, insoniylik fazilatlari, urf –odatlar va a’nanalarimizning nechog’lik qadri balandligi xususidagi fikrlari, tadbirda ishtirok etayotgan o’quvchi qizlarning qalblariga kirib bordi. O’quvchi qizlar buvijonlardan milliy urf-odatlar xususidagi savollariga javob oldilar.
“Qarisi bor uyning parisi bor,” – deydi dono xalqimiz. Darhaqiqat! Hayot saboqlaridan dars olgan, hayotning achchiq — chuchugini tatigan muxtaram keksalarimiz bor ekan, hayotimiz mazmunli, koshona uylarimiz fayzlidir. Ularning mehrli va sehrli so’zlari, hayot deb atalmish, “kitob”dan o’rgangan o’gitlari, chiqargan xulosalari bizning-da hayotimizni nurafshon etadi. Samodagi charog’on quyosh yer yuzini qizdirsa, momo – buvilarimiz o’gitlari qalbimizni ilitadi.
Tadbirda davomida o‘zining ibratli hayot yoʻli va mehnati bilan aholi oʻrtasida obroʻ-eʼtibor qozongan buvijonlarimiz o‘zlarining ibratli hayot yoʻli haqida so‘zlab berdilar. Mamlakatimizda yashayotgan har bir inson qalbida insoniylik, mehr-muruvvat, bag‘rikenglik kabi ijobiy xislatlar joy olgan.

Xalqimizning ulug qadriyatlaridan biri yoshi ulug‘ insonlarga, keksalarga hurmat-ehtirom kо‘rsatish, ularning kо‘p yillik hayotiy va mehnat tajribalari asosidagi qadrli maslahatlaridan bahramand bо‘lish va duolarini olib yurishdir.
Bu kabi keksa avlod vakillari bilan uchrashuvlar yoshlar qalbida vatanga bo’lgan muhabbatni yanada rivojlantirib, milliy qadriyatlarimizni qadrlash yo’lida muhim ahamiyat kasb etadi.

@manaviy_markaz