Soʼnggi vaqtlarda yoshlar oʼrtasida kvadroberlik degan submadaniyat holatlari kuzatilmoqda. Unga koʼra, inson oʼzini toʼliq hayvon hisoblab, uning qiyofasini aks ettiruvchi aksessuarlarni kiyish bilan birga oʼsha jonzot kabi harakatlanadi ham.

Bu kabi holatlar hozirda Qozogʼiston, Rossiya va Ukraina yoshlari orasida ham kuzatilmoqda.
Bilamizki, hozir madaniyatlararo chegaralar yoʼq, axborot oqimini esa toʼxtatib boʼlmaydi. Shu sabab mazkur submadaniyat bizda ham kuzatilayotgani, yoshlarimiz orasida “kvadrober”lar uchrayotgani achinarlidir.

Xususan, 10 oktabrda Toshkent shahrida hayvon qiyofasidagi niqobni taqib olgan “kvadrober” uchratilgani, 11 oktabrda esa poytaxtda yana bir “kvadrober” yoʼlovchilarga itdek hujum qilgan, voqeaga guvoh boʼlgan bola qattiq qoʼrqib ketganligi xabar berilgan.

Biz avvalo, har bir tirik jonzotga mehr-shafqatli boʼlish, hayvonlarga ozor bermaslikni insoniylikning muhim fazilati sifatida qadrlovchi xalqmiz. Biroq tabiat gultoji boʼlgan inson boʼlishdan voz kechishga urunish, hayvonlarda kuzatiladigan agressiv xatti-harakatlarni qilishni har qanday xalq qoralaydi, umumbashariy qadriyatlar inkor qiladi.

Аyniqsa, ongi taʼsirchan, taqlidga moyil, yangiliklarga qiziquvchan yoshlar uchun kvadroberlik juda xavfli. U bolani jamiyatdan ayro, odamlardan uzoq, har qanday yurish-turish qoidalaridan begona qilib qoʼyadi.

Аziz ota-onalar, qadrli ustozlar, jamiyatimiz ziyolilari bu kabi holatning yurtimizda bitta boʼlsa ham kuzatilishi ertaga uning rivojlanishiga zamin boʼlishi mumkin. Koʼzqorachiqlarimiz taqdiriga befarq, kelajagiga beeʼtibor boʼlmaylik.

Аyniqsa, ziyolilarni insoniylikni keng targʼib qiluvchi qadriyat, anʼana, maʼrifatimiz asosida bu kabi submadaniyat holatlariga oʼz keskin munosabatlarini bildirishga chaqirib qolaman.

@otabek_khasanov

⚡️Prezident Zangiota tumanida avtomobillar uchun ehtiyot qismlar ishlab chiqaruvchi yirik korxonaga tashrif buyurdi

Rasmiy sahifalarimiz👇
Telegram | Facebook | YouTube | Instagram