​​ТОМОРҚА ЕР ЭГАЛАРИГА МИКРОКРЕДИТЛАР АЖРАТИШ МЕХАНИЗМИ ЖОРИЙ ЭТИЛАДИ

Ўзбекистон Республикаси Президентининг 2020 йил 30 июндаги “Аҳоли томорқаларидан фойдаланиш самарадорлигини оширишнинг қўшимча чора-тадбирлари тўғрисида”ги Қарорига мувофиқ томорқа ер эгаларига Online тарзда микрокредитлар ажратилади.
Жумладан,
“Томорқа хизмати” МЧЖларга:
- иссиқхона, совутгичли омборхоналар, чорвачилик мажмуалари қуриш учун асосланган ҳисоб-китобларга мувофиқ ер майдони ва вилоятлар, ва туман (шаҳар)лар марказий деҳқон бозорларида, аҳоли гавжум пунктларида махсус савдо майдонлари ажратилади;
- кластер усулида фаолият юритадиган жами 25 та “Томорқа хизмати” МЧЖга 3 йил муддатга кредит ёки уларнинг устав капиталига кейинчалик сотиш ҳуқуқи билан улуш ажратилади;
- аҳоли томорқаларида етиштириладиган қишлоқ хўжалиги маҳсулотларини сақлаш учун 20-30 тонналик кичик ҳажмли совутгичлар барпо этиш учун кредит берилади;
- Марказий банкнинг асосий ставкасида 3 ой имтиёзли давр билан бир йил муддатга 4 фоиз банк маржасини ҳисобга олган ҳолда аҳоли томорқаларидан самарали фойдаланиш йўналишида 2 миллион сўмгача Оилавий тадбиркорлик маркази хулосасисиз Online тарзда томорқа ер эгаларига микрокредитлар ажратиш механизми жорий этилади;
- 2023 йил 1 январга қадар “Томорқа хизмати” МЧЖ ҳамда қишлоқ хўжалиги кооперативларига бериладиган кредитлар бўйича кредит суммасининг 50 фоизигача, бироқ 3 млрд сўмдан ортиқ бўлмаган ҳажмда кафиллик берилади;
- ажратиладиган кредитлар фоиз ставкасининг 7,5 фоизли пунктигача қоплаб бериш тизими жорий этилади;
- камида 30 та аҳоли томорқаларини суғориш учун ер ости сувларига қудуқларни бурғулаш ҳаражатларининг 70 фоизини, бироқ 120 миллион сўмдан ошмайдиган қисмини қоплашга субсидия ажратилади.
Бундан ташқари, 2022 йил 1 январга қадар товарларни олиб киришда божхона божи (божхона расмийлаштируви учун тўлов ва қўшилган қиймат солиғидан ташқари) тўланмайдиган айрим техника ва ускуналар рўйхати белгиланди.
Қайд этиш лозимки, Маҳалла ва оилани қўллаб-қувватлаш вазирлигига аҳолини оилавий ва хусусий тадбиркорликка, ҳунармандчиликка кенг жалб этиш ҳамда уларнинг томорқа ерларидан самарали фойдаланиш борасида кўмаклашиш масалалари юклатилган. Ушбу Қарорнинг қабул қилиниши мазкур йўналишдаги ишларнинг самарадорлигини янада оширишга, аҳолининг шахсий томорқасида ўзини ўзи банд қилиши орқали қўшимча даромадга эга бўлиши ва унинг миқдорини оширишга хизмат қилади.

​​Хотин-қизларга қўшимча 4 фоизли давлат гранти ажратилиши тартиби бўйича маълумот

​​"Ўзбекистон Республикаси Давлат герби тўғрисида"ги Қонун 1992 йил 2 июлда Ўзбекистон Республикаси Олий Кенгашининг Х сессиясида қабул қилинган.
Ўзбекистон Республикасининг Давлат герби гуллаган водий узра чарақлаб турган қуёш тасвиридан ҳамда сўл томонида буғдой бошоқлари, ўнг томонида очилган пахта чаноқлари суврати туширилган чамбардан иборат.
Гербнинг юқори қисмида республика жипслигининг рамзи сифатида саккиз қиррали юлдуз тасвирланган: саккиз қирра ичида жойлашган ярим ой ва юлдуз мусулмонларнинг қутлуғ рамзидир.
Гербнинг марказида ҳиммат, олижаноблик ва фидойилик тимсоли бўлган афсонавий Ҳумо қуши қанотларини ёзиб турибди. Ушбу рамз ва тимсоллар халқимизнинг тинчлик, яхшилик, бахт-саодат, фаровонлик йўлидаги орзу-умидларини ифодалайди.
Гербнинг пастки қисмида республика Давлат байроғини ифода этувчи чамбар лентасининг бандига “Ўзбекистон” деб ёзиб қўйилган. Қонунчиликка мувофиқ Ўзбекистонда истиқомат қиладиган барча шахс давлатимиз гербини ҳурмат қилишлари шарт.

Жиноят кодексига асосан, Ўзбекистон ёки Қорақалпоғистоннинг Давлат байроғи, Давлат герби ёхуд Давлат мадҳиясига ҳурматсизлик қилиш энг кам ойлик иш ҳақининг йигирма беш бараваригача миқдорда жарима ёки уч юз олтмиш соатгача мажбурий жамоат ишлари ёхуд уч йилгача ахлоқ тузатиш ишлари билан жазоланади.

Куни кеча Маҳалла ва оилани қўллаб қувватлаш вазирлигида “Обод хонадон”, “Обод кўча” ва “Обод маҳалла” мезонларини амалиётга татбиқ этишда Фарғона, Андижон, Наманган, Қашқадарё, Самарқанд вилоятларидаги маҳаллаларда учраётган муаммолар ва камчиликлар, Президентимизнинг 2020 йил 12 июндаги “2020/2021 ўқув йилида Ўзбекистон Республикасининг олий таълим муассасаларига ўқишга қабул қилишнинг давлат буюртмаси параметрлари тўғрисида”ги ПҚ-4749-сон қарори ижроси, шунингдек, соҳага оид бир қатор масалаларга бағишланган навбатдаги видеоселектор йиғилиши бўлиб ўтди.
Йиғилиш аввалида Муҳтарам Президентимиз раҳбарлигида 30 июнь куни ўтказилган одил судловни таъминлаш ва коррупцияга қарши курашиш масалаларига бағишланган видеоселектор йиғилишида кўтарилган масалалар ҳақида сўз юритилди.
Шундан сўнг “Обод хонадон – обод кўча – обод маҳалла” тамойили асосида жойларда ташкил этилаётган ишларга танқидий баҳо берилди. Жумладан, Фарғона вилояти Қува туманида 214 та хонадон таъмирланганлик ҳолати ўрганилганда, бирорта ҳам хонадонда таъмирлаш ишлари бошланмаганлиги, ҳатто тумандаги “Мўйдин Хасанов”, “Обод маҳалла”, “Дўстлик”, “Хонобод”, “Пастки Хонобод” маҳаллаларига мазкур ишларга доир қабул қилинган Вазирлар Маҳкамаси баёни етиб бормаганлиги айтиб ўтилди.
Шу билан бирга Андижон, Наманган, Самарқанд, Тошкент вилоятларининг бир қанча туманларида тизим фаолиятига оид учраётган муаммолар таҳлилий муҳокама этилди.
Фотолавҳалар

Ўсмир ёшдаги қизларда ўз-ўзини англашни шакллантириш, уларнинг шахс сифатида тезроқ ўзини англаш, масъулият, интизом, миллий ғурур, ифтихор, ватанпарпарлик, ор-номус каби юксак тушунчаларни сингдириш келажаги буюк давлатнинг пойдеворини қўйишда муҳим аҳамият касб этади.
Бу борада «Ораста қизлар» тўгаракларининг ўрни беқиёс бўлиб, ушбу тўгараклар эрта турмуш қуришнинг олдини олиш, никоҳ ёшидаги қизларга оила муқаддаслиги, оилавий қадриятлар ҳақида кенг тушунча беришдек мақсадларга хизмат қилади.

​​Эльмира Баситханова янги лавозимга тайинланди

Ўзбекистон Республикаси Президентининг 2020 йил 3 июлдаги ПҚ-4774-сонли қарорига асосан Баситханова Эльмира Иркиновна Соғлиқни сақлаш вазирининг ўринбосари лавозимига тайинланди.

Э.Баситханова 1958 йилда туғилган. 1981 йилда Тошкент давлат тиббиёт институти (ҳозирги Тошкент тиббиёт академияси)ни тамомлаган, тиббиёт фанлари доктори.

Тайинловга қадар Тошкент шаҳар тез тиббий ёрдам клиник шифохонасида фаолиятини бошлаган ва кўп йиллар бош шифокор сифатида, шунингдек, Ўзбекистон Республикаси Бош вазири ўринбосари, Хотин-қизлар қўмитаси раиси, сўнг Соғлиқни сақлаш вазири ўринбосари лавозимларида фаолият кўрсатган. Айни пайтга қадар Ўзбекистон Республикаси Маҳалла ва оилани қўллаб-қувватлаш вазирининг биринчи ўринбосари лавозимида фаолият юритиб келган.

Маҳалла ва оилани қўллаб-қувватлаш вазирлиги Матбуот хизмати

​​​​Гулнора Маруфова Ўзбекистон Республикаси Маҳалла ва оилани қўллаб-қувватлаш вазирининг биринчи ўринбосари этиб тайинланди

Ўзбекистон Республикаси Президентининг 2020 йил 3 июлдаги ПҚ-4775-сонли қарорига асосан Маруфова Гулнора Махмудовна Ўзбекистон Республикаси Маҳалла ва оилани қўллаб-қувватлаш вазирининг биринчи ўринбосари лавозимига тайинланди.

Гулнора Маруфова 1956 йил 26 апрелда Фарғона вилоятида туғилган.
2004 йилдан 2020 йилнинг феврал ойига қадар Ўзбекистон Хотин-қизлар қўмитаси раиси ўринбосари, 2020 йилнинг феврал ойидан шу вақтга қадар Маҳалла ва оилани қўллаб-қувватлаш вазирлиги Ижтимоий ҳимояга муҳтож оилалар билан ишлаш бошқармаси бошлиғи лавозимда ишлаб келган.

Маҳалла ва оилани қўллаб-қувватлаш вазирлиги Матбуот хизмати

​​Марказий ҳарбий округ қўмондонлиги ташаббуси асосида Ўзбекистон Қаҳрамонлари, сенаторлар — Содиқжон Турдиев ва Хасан Нормуродов ҳамда муддатли ҳарбий хизматчилар иштирокида учрашув бўлиб ўтди.
Иштирокчилар тадбир аввалида Марказий ҳарбий округ қўшинлари қўмондони, полковник Ойбек Саидов бошчилигида Марказий ҳарбий округида ҳарбий хизматчилар учун яратилган шароитлар, жумладан, замон талаблари асосида жиҳозланган барча қулайликларга эга бўлган электрон ва бадиий кутубхона, ошхона, ётоқхона ва панорамали отиш мажмуали синфлар билан танишишди.
Тадбир давомида С. Турдиев ва Х. Нормуродовлар ўз ҳаёти ва фаолияти ҳамда миллий армиямиз сафларида хизмат қилиш шарафли бурч эканлиги ҳақидаги ўз фикрларини билдириб ўтди.
— Бугун мен учун унитилмас кун, — дейди муддатли ҳарбий хизматчи Достонбек Ўнғоров. — Сабаби, Ўзбекистон Қаҳрамонлари томонидан тадбир давомида айтиб ўтилган ҳаётий фикрлари ва тавсиялари мен учун катта сабоқ бўлди.
Шундан сўнг муддатли ҳарбий хизматчилар ўзларининг ватанни мадҳ этувчи шеърларидан ўқиб беришди. Аскарларнинг бу ижодий салоҳиятидан руҳланган Ўзбекистон Қаҳрамонлари округ қўшинларида йигитлик бурчини ўтаётган муддатли ҳарбий хизматчилар ўртасида шеърият ва китобхонлик танловларини ўтказиш ва якунида уларни рағбатлантириш мақсадида яна алоҳида учрашув ўтказиш таклифини билдиришди.
Тадбир якунида муддатли ҳарбий хизматчиларга “Темур тузуклари” китоби совға қилинди.
Фотолавҳалар

#биласизми

Ўзбекистон Республикаси Президентининг 2020 йил 18 февралдаги ПФ-5938 сонли Фармони билан фуқароларнинг ўзини ўзи бошқариш органлари тузилмасида “Оилавий қадриятларни мустаҳкамлаш комиссиялари" ташкил этилиши белгиланган.

✅ Мазкур комиссиялар самарали фаолият юритиши учун, қўйидагиларга эътибор қаратиш мақсадга мувофиқ:

❗️ оилавий муносабатларни мустаҳкамлаш, шу жумладан оилавий низолар ва ажралишларни олдини олиш, низоли вазиятларга дуч келган оилалар билан ишлаш фаолиятига янгича ёндошув, шакл ва услубларни киритиш;

❗️ комиссия таркибига маҳаллада яшайдиган, обрў-эътиборга ва ҳаётий тажрибага эга бўлган шахсларни (нафақада бўлса ҳам хуқуқшунос, психолог, ўқитувчи ва ҳ.к.) жалб этиш;

❗️ республикада оилавий медиацияни жорий этиш бўйича комплекс чора-тадбирларни ишлаб чиқиш ва қабул қилиш;

❗️ комиссия аъзоларини тизимли ва мақсадли равишда ўқитиш, жумладан нопрофессионал медиатор сифатида тайёрлаш ва улар томонидан оилавий низоларни ҳал қилишда оилалар билан медиация жараёнини ўтказиш чораларини кўриш;

❗️ муросага келтирилган оилаларни мониторинг қилиш тизимини жорий этиш (бу оилавий низоларнинг яширин даражада давом этиши ва янги низолар пайдо бўлишини олдини олишга ёрдам беради;

​​Маҳалла ва оилани қўллаб-қувватлаш вазири ўринбосари Б.Парпиев раҳбарлигида Андижон вилояти Қўрғонтепа туманидаги 4-сонли болалар мусиқа ва санъат мактабида “Обод хонадон”, “Обод кўча” ва “Обод маҳалла” тамойили асосида туманда олиб борилаётган ишлар таҳлилига бағишланган йиғилиш ўтказилди.
Йиғилишда Қўрғонтепа тумани маҳалла ва оилани қўллаб-қувватлаш бўлими масъул ходимлари, тумандаги мавжуд 74 та фуқаролар йиғини раис ва уларнинг ўринбосарлари иштирок этишди.
Б.Парпиев олиб борилган ўрганишлар натижасида аниқланган камчиликлар ва улрани тезкорлик билан бартараф этиш юзасидан ўз фикрларини билдириб ўтди:
— Шу ўринда айтиш лозимки, маҳаллаларимизда жойлашган оилалар шу ҳудуднинг қай даражада ораста ва кўркам эканлиги кўрасатиб турувчи ойна вазифасини бажаради. Шундай экан, биз мазкур тамойилга амал қилган ҳолда, маҳаллалардаги барча оилалар ободлигига жиддий эътибор қаратишимиз, бунда айниқса, кам таъминланган оилалар ва имконияти чекланган юртдошларимизга биринчи навбатда амалий ёрдам кўрсатишимиз зарур.

​​🏠 Сиз меҳнат мигрантимисиз ва уйга муҳтожмисиз?

Ўзбекистон Республикаси Президентининг 2019 йил 20 августдаги ПФ-5785-сонли фармонига асосан уй-жой шароитларини яхшилашга эҳтиёжманд меҳнат мигрантларига 2020 йилда республикамизнинг барча ҳудудларида кўп квартирали уйлардан жами 3️⃣4️⃣6️⃣2️⃣ та хонадон ажратилиши белгиланган.

💰 Хонадонларни бериш тартиби:

🔹 Бошланғич тўлови - 🔟 %;
🔹Кредит фоизи -
3 йилгача 7️⃣%,
4-йил 8️⃣%,
5-йил 9️⃣%,
5-йилдан кейин Марказий банк қайта молиялаш ставкасидан келиб чиқиб белгиланади.
🔹Кредит муддати - 2️⃣0️⃣ йил

Ушбу хонадонларга эга бўлиш учун дастлаб Ташқи меҳнат миграцияси агентлигининг минтақавий филиалларига мурожаат қилиши талаб этилади.

Хорижда қонуний меҳнат фаолиятини амалга ошириётган мигрант номидан унинг оила аъзолари (ота-она, опа-сингил, ака-ука, турмуш ўртоқ, фарзандлар) ариза топширишга ҳақли.

Агентлик филиаллари томонидан Вазирлар Маҳкамасининг 2020 йил 29 январдаги 39-сонли қарор билан тасдиқланган Низомга асосан, имтиёзли уй олиш учун меҳнат мигранти “Labormigration.uz” дастурий мажмуасида рўйхатдан ўтказилади ва тасдиқнома берилади.

❗️Имтиёзли уйга эга бўлиш истагидаги меҳнат мигрантлари номидан уларнинг яқин қариндошлари “Labormigration.uz” дастурий мажмуасида рўйхатдан ўтиш ва тасдиқнома олиш учун Ташқи меҳнат миграцияси агентлигининг ҳудудий филиалларига мурожаат қилиши мумкин.

#биласизми

📑 Ўзбекистон Республикаси Президентининг 2020 йил 30 июндаги “Аҳоли томорқаларидан фойдаланиш самарадорлигини оширшнинг қўшимча чора-тадбирлари тўғрисида” ПҚ-4767-сон Қарорига асосан:
🗓 ҳар йили 1 апрель ва 1 августга қадар
🤝 Маҳалла ва оилани қўллаб-қувватлаш вазирлиги,
🚜 Ўзбекистон фермер, деҳқон хўжаликлари ва томорқа ер эгалари кенгаши,
💦 Сув хўжалиги вазирлиги
билан биргаликда сув таъминоти оғир ҳудудлардаги аҳоли томорқаларидан самарали фойдаланишни таъминлаш мақсадида манзилли дастур ишлаб чиқилади ва қудуқ қазиб берилади.

Ушбу мақсадлар учун Ўзбекистон фермер, деҳқон хўжаликлари ва томорқа ер эгалари кенгаши ҳузуридаги
🧑🏼‍🌾 Фермер, деҳқон хўжаликлари ва томорқа ер эгаларини қўллаб-қувватлаш
ҳамда
📈 Инқирозга қарши курашиш жамғармалари маблағлари ҳисобидан
💳субсидиялар ажратилади;
🦠 аҳоли ўртасида коронавирус пандемиясининг салбий оқибатларини юмшатиш мақсадида
🛒 озиқ-овқат маҳсулотлари ишлаб чиқариш ҳажмини ошириш учун
🏡 аҳоли томорқаларидан самарали фойдаланган ҳолда икки марта ҳосил олиш ишларини ташкил этиш бўйича тушунтириш ишлари олиб борилади.