#аят

“Адамлардың қылмыслары себеп қурықлықта да, теңизде де түрли апат-бәлелер жүз береди. Бул олардың қайтыўы ушын ҳәм қылған айырым гүнаҳларының (жазасын) оларға таттырып қойыў ушындур”
(Рум сүреси 41-аят)

Итибар бериң! түсип атырған мүсийбетлер мөмин киси тәўбе қылып, гүнаҳлардан тоқтап, аҳўалын дүзетиўи, өмир жолын дурыслап алыўы ушын белгидур.

✈️ @MagzaniyshanUz

#аят

"ФАТИҲА" –ШЫПА БОЛЫЎШЫ СҮРЕ!
⠀
Ол – өлимнен басқа барлық кеселликлерге ем. Имам Бухарийден рәўият қылынған ҳәдисте саҳабалар саяхатта жүргенинде бир аўылға барып өзлерин мийман етиўди өтиниш етеди. Бирақ, аўыл адамлары сықмарлық қылып, оларды қабыллай қоймайды. Сол күни аўыл бийин шаян шағып алған еди. Азары күшейип, жанын қоярға жер таппаған соң олар өзлери мийман етиўден бас тартқан сол саҳабаларға келип, жәрдем сорайды. Сол ўақытта Әбиў Саъид ал-Худурий разыяллаҳу анҳу орнынан турып, наўқасқа «Фатиҳа» сүреси арқалы дем салады ҳәм аўыл бийи соннан кейин аўырыўынан жазылып кеткенлиги айтылған. Демек, «Фатиҳа» –шыпа болыўшы сүре.
⠀
Аўырып турған жерге қолыңызды қойып «Фатиҳа» сүресин жети рет оқыйсыз ямаса суўға, ҳәррениң палына 7 рет оқып, үплеў арқалы дем салыўға болады.
____

✈️ @MagzaniyshanUz

#аят #қәдир_түни

Меҳрибан ҳәм Рейимли Аллаҳтың аты менен (баслайман).
1. Әлбетте, Биз оны (Қуранды Лаўҳул-маҳфуздан биринши аспанға) Қәдир түни нәзил еттик.
2. (Ҳәй Муҳаммад) Қәдир түни не екенин саған не аңлатты?
3. Қәдир түни мың айдан жақсырақ.
Тафсир:(Бул уллы түн Рамазан айының 27-түни екенинен дерек беретуғын ҳәдислер көп. Қәдир түни Рамазан айының нешинши түни екени Аллаҳ хәм Расули тәрепинен сыр тутылған еди. Бирақ саҳабалар Расулдан (а.с) оны анықлап айтып бериўин көп сорағаннан кейин дәслеп айдың үшинши он күнлигинен, кейинирек тақ күнлеринен излеў керек екенлиги ҳаққында айтқан. Ақыры ол түнниң белгилерин айтқаннан соң 27 - түн екени белгили болған.)
4. Онда (ол түнде) периштелер ҳәм Руўҳ (Жәбрайыл) Рәббисиниң руқсаты менен (жыл даўамында исленетуғын) ҳәмме ислер (режеси) менен (аспаннан Жерге) түседи.

Қодр сүреси
Шамсуддин Бахауддиновтың "ҚУРАНЫ КӘРИЙМ мәнилериниң аўдарма ҳәм тафсири" (Қарақалпақ тилинде) китабынан

✅ @MagzaniyshanUz

#аят

     Солай екен, Рәббиңе (бес ўақыт ҳәм қурбан ҳайыты ушын) намаз оқы ҳәм (түйе) сойып, қурбанлық қыл!

Кәўсар сүреси, 2-аят.

✈️ @MagzaniyshanUz

#аят

АЛЛАҲ КИМЛЕРДИ ЖАҚСЫ КӨРЕДИ?

✅Әлбетте, Аллаҳ жақсылық етиўшилерди жақсы көреди.
•Бақара сүреси, 195-аят.

✅Әлбетте, шын тәўбе қылыўшыларды Аллаҳ жақсы көреди.
• Бақара сүреси, 222-аят.

✅Әлбетте, Аллаҳ тақўалыларды жақсы көреди.
• Әли Имрон сүреси, 76-аят.

✅Аллаҳ ийгиликли ис қылыўшыларды жақсы көреди.
• Әли Имрон сүреси, 134-аят.

✅Аллаҳ сабырлыларды жақсы көреди.
• Әли Имрон сүреси, 146-аят.

✅Әлбетте, Аллаҳ тәўекел қылыўшыларды жақсы көреди.
• Әли Имрон сүреси, 159-аят.

✅Әлбетте, Аллаҳ әдалат қылыўшыларды жақсы көреди.
• Маида сүреси, 42-аят.

✅Аллаҳ пәклениўшилерди жақсы көреди.
• Тәўбә сүреси, 108-аят.

✈️ @MagzaniyshanUz

#аят

Шыпа бериўши аятлар... Бул ҳаққында нелерди билемиз?

   Шыпа сөзи келген алты шыпа аяты бар. Рәўиятларда келиўинше Әбулқасым Қушайрийдиң перзенти аўыр кеселликке шалынып қалғанында, оған шыпа бериўши аятлар оқылған. Нәтийжеде наўқас тез арада саўалып кеткен.
  
   Шыпа аятлары төмендегилер:

1. "...мөминлер қәўими кеўиллерине шыпа береди". (Тәўбе сүреси, 14-аят);

2. "...кеўиллериңиздеги нәрселерге шыпа".
(Юунус сүреси, 57-аят);

3. "Онда адамлар ушын шыпа бар".
(Наҳл сүреси, 69-аят);

4. "(Биз) Қураннан мөминлер ушын шыпа ҳәм мийрим болған аятларды нәзил етемиз".
(Исро сүреси, 82-аят);

5. "Аўырғанымда, Оның Өзи маған шыпа береди".
(Шуаро сүреси, 80-аят);

6. "Сен: "Ол Қуран - ийман келтиргенлер ушын ҳидаят ҳәм шыпа", деп айт".
(Фуссилат сүреси, 44-аят);

✈️ @MagzaniyshanUz

#Дуўа #аят

🙄 Ҳәр бир наўқас ҳәм мүсийбетке жолыққан мусылман адам бул уллы дуўаға итибарсызлық пенен қарамасын. Аллаҳ тааланың пайғамбары Айюб алайҳиссалам бул дуўа менен жүзленген ҳәм Аллаҳ оның жағдайын жақсылаған.

📖 Бул ҳаққында Ибн Қаййим раҳматуллаҳи алайҳ "Фаўаид" китабында баян етеди: "Аллаҳ таала айтады: "Айюб Рәббисине: «(Я Рәббим!) Маған мүсийбет жетти. Сен – рейимлилердиң рейимлирегисең!» – деп нида қылған ўақтын (есле!)", (Әнбия сүреси, 83-аят).

🟢 Бул дуўада таўҳид ҳақыйқаты ҳәм Рәббисине мүтәжликти билдириў жәм болған.

✅ Бул дуўаны 7 мәрте оқылса, Аллаҳ таала оған жетип турған зыянды кеткизиўи тәжирийбелерде көрилген.

✈️ @MagzaniyshanUz

#рамазан_кирип_келмекте #аят

🙄 "Рамазан айы, адамларға ҳидаят, туўры жол ҳәм (ҳақ пенен наҳақты) ажыратыўшы ҳүжжетлерден ибарат Қуран нәзил етилген (ай). Енди сизлерден ким ол айға жетсе, ораза тутсын".

  👎  Бақара сүреси, 185-аят

✈️ @MagzaniyshanUz

​​#аят #дуўа

🌙 Төрт нәрседен ғаплетте қалмаң!

Шайх Муҳаммад Мутаўаллий Шаъроўий раҳимаҳуллаҳ айтады:
«Төрт нәрседен ғәплетте қалған адамға ҳайранман:

🔷 Биринши уўайым-қайғыға батқан адам. Ол қалайынша Юнус алайҳиссаламның Қуранда келген «Ләә иләәҳә илләә әнтә субҳаанәкә, инний кунту миназ-зоолимийн» (Сеннен басқа илаҳ жоқ, Сен (бәрше кемшиликлерден) пәксең, әлбетте, мен (өзиме) зулым қылыўшылардан болдым) деген дуўасынан ғаплетте қалады? Аллаҳ таала бул аяттың изинен «Кейин, Биз оны(ң дуўасын) қабыл еттик ҳәм оны ғамнан қутқардық» деп атырған болса?! (Әнбия сүреси, 87-88-аятлар).

🔷 Екиншиси үлкен зыян жеткен адам. Ол қалайынша Айюб алайҳиссаламның Қуранда келген «Инний, мәссәнияд дурру ўә әнтә әрҳамур-рооҳимийн» «(Я Рәббим) Маған мүсийбет жетти. Сен рейимлилердиң рейимлирегисең» деген дуўасынан ғаплетте қалады? Аллаҳ таала бул аяттың изинен «Кейин, Биз оны (дуўасын) қабыл етип, ондағы зыяннан жеткен нәрсени кетирдик» деп атырған болса?! (Әнбия сүреси, 83-84-аятлар)

🔷 Үшиншиси қорқынышқа түскен адам. Ол қалайынша Нәбий саллаллаҳу алайҳи ўа саллам басшылығындағы мусылманлардың «Ҳасбуналлооҳ ўә ниъмәл ўәкийл!» (Бизге Аллаҳтың Өзи жетерли. Ол қандай ҳәм жақсы жәрдемши) деген дуўасынан ғәплетте қалады? Аллаҳ таала бул аяттың изинен «Кейин, Аллаҳтың неъматы ҳәм кеңшилиги менен оларға жаманлық жетпестен қайтты» деп атырған болса?! (Әли Имрон сүреси, 173-174-аятлар).

🔷 Төртиншиси адамлардың мәкрине (алдаўына, ҳийлесине) алданған адам. Ол қалайынша Муўса алайҳиссаламның Қурандағы «Мен исимди Аллаҳға тапсырдым. Әлбетте, Аллаҳ – бенделерин анық көрип турыўшы» деген сөзинен ғаплетте қалады? Аллаҳ таала бул аяттың изинен «Кейин Аллаҳ оны (ийман келтирген адамды) олардың жаман ҳийлелеринен сақлады» деп атырған болса?! (Ғофир сүреси, 44-45-аятлар).

✈️ @MagzaniyshanUz