بِسْــــــــــــــــــــــمِ ﷲِالرَّحْمَنِ الرَّحِيم  

☀️ Ассаламу алайкум ўә роҳматуллоҳи ўә барокатуҳ! 

Бүгин сийшемби 🕊
6 - Зулқаьда 1445 ж
14 - Май 2024 ж

Күниңиз ҳайырлы ҳәм берекетли болсын! ☀️💓💓

 ✅ @MagzaniyshanUz

Ассаламу алайкум!

Жаңа таңға жеткерген Аллаҳқа шүкирлер болсын. Бүгинги күниңиз жақсылықларға толы болсын!

✈️ @MagzaniyshanUz

📖 ҚУРАН ОҚЫҢ - БАХЫТЛЫ ӨМИР КЕШИРЕСИЗ!

Ибн Аббас разияллаҳу анҳума:
“Қуран оқып, оған әмел қылған кисиниң дүньяда адаспаўы ҳәмде ақыретте бахытсыз болмаўына Аллаҳ таала кепиллик берген”, деди ҳәм усы аятты оқыды: “Сизлерге Мен (тәреп)тен ҳидаят келгенинде ким Мениң ҳидаятыма ерсе, жолдан азбас ҳәм бахытсыз болмас”.

✈️ @MagzaniyshanUz

Балаларыңызды тәрбия қылыўға көп урынабермең. Олар бәрибир сизге уқсаўға ҳәрекет қылады. Сиз өзиңизди тәрбия қылың жетеди сол…

Ибн Холдун

✈️ @MagzaniyshanUz

Анаңыз бенен аўқатланып оның көзин қуўантыўыңыз, мен ушын нәпил ҳаж қылыўыңыздан жақсырақ.

Ҳасан Басрый раҳимаҳуллаҳ

✈️ @MagzaniyshanUz

​​🤟 Нийет қалыс болсын

✅ Расулаллаҳ саллаллаҳу алайҳи ўа салламның бизлерге қалдырып кеткен тәлиматларынан бири сол, мөмин киси илимсиз жағдайда өзгелер менен таласып-тартыспаўы лазым болады. Аллаҳ таала айтады:


✅ “Аллаҳтың аятлары ҳаққында өзлерине келген ҳүжжет-дәлилсиз таласып-тартысатуғынлар Аллаҳ тәрепинен де, ийман келтиргенлер тәрепинен де қатты ғәзепке қалады. Аллаҳ сондай етип, ҳәр бир кибирли ҳәм зорлық қылыўшылардың қәлбин муҳырлар” (Ғофин сүреси, 35-аят).

✅ Пайғамбарымыз алайҳиссалам бизлерди илимсиз тәризде таласып-тартысыўымыздан қайтарыўына себеп, илимсиз таласып-тартысып атырған киси жәҳиллиги себепли боқтан ҳәм жалған сөзлерди айтады. Каьб ибн Мәлик разияллаҳу анҳудан рәўият қылынған ҳәдисте Расулаллаҳ саллаллаҳу алайҳи ўа саллам сондай деген: “Ким илимди уламалар менен бирге жүриў, жәҳиллер менен таласып-тартысыў яки адамларды өзине қаратыў ушын үйренсе Аллаҳ таала оны дозаққа киргизеди” (Имам Термизий рәўияты.

✅ Усы ҳәдисте “ким илимди уламалар менен бирге жүриў ушын үйренсе” деп айтылыўынан мақсет, башарият пайдасы, ямаса жер жүзин абаты ушын ямаса ибадатты дурыс ада етиў ушын емес, бәлки адамлар оны алым десинлер ушын, нәтийжеде алымлар қатарынан орын алыў ушын үйренген болса, делинип атыр. Демек, бундай кисиде ықлас болмайды, нийет дурыс болмаған болады ҳәм Аллаҳ ушын қалыс илим алмаған болады. Соның ушын да оның барар жери дозақ. Әбиў Умома Баҳилий разияллаҳу анҳудан рәўият қылынған ҳәдисте Расулаллаҳ саллаллаҳу алайҳи ўа саллам: “Ҳеш бир қәўим ҳидаят тапқанынан соң адаспаған, тек таласып-тартысқан соң адасыўға кеткен”, деди ҳәм усы аятты тиләўат қылды:

✅ “Олар оны саған тек таласып-тартысыў ушынғана мысал келтирди. Себеби, олар душпаншы қәўимдир” (Зухруф сүреси, 58-аят).
(Термизий рәўияты).
Яғный оларды ҳақты қәлемейди, мақсетлери тек таласып-тартысыўдан ибарат.

🪶 Ҳомиджон Ишматбеков

✈️ @MagzaniyshanUz

Айюб Сухтиянийдиң тақўасы

Салам айтады: “Айюб Сухтияний түни менен бийдар болар, бирақ оны жасырар еди. Таң атқанда, тап енди турған адамдай, бақыр-шақыр қылып жүрер еди”.

✈️ @MagzaniyshanUz

⏰ Күнлик ўазыйпа:

🤎 Аллаҳумма солли ъала Нәбиййина Муҳаммад (100 мәрте)

"Шаңарағыңды намаз (оқыў)ға буйыр ҳәм (өзиң де) буған (намазға) сабырлы бол! Биз сеннен ырысқы сорамаймыз. (Керисинше,) Биз саған ырысқы беремиз. Ақыбет (жақсылығы) – тақўалыларға". Тоҳа сүреси, 132-аят

#намаз_ўақытлары

✅ @MagzaniyshanUz

بِسْــــــــــــــــــــــمِ ﷲِالرَّحْمَنِ الرَّحِيم  

☀️ Ассаламу алайкум ўә роҳматуллоҳи ўә барокатуҳ! 

Бүгин сәршемби 🕊
7 - Зулқаьда 1445 ж
15 - Май 2024 ж

Күниңиз ҳайырлы ҳәм берекетли болсын! ☀️💓💓

 ✅ @MagzaniyshanUz

АССАЛАМУ АЛАЙКУМ

🌸Баслап алған жаңа күнимиз мүбәрек болсын. Ҳәр бир изги ислериңизде Аллаҳ Яр ҳәм Жәрдемшиңиз болсын!

🌸Таңымыз - жақсылық пенен баслансын, шаңарақларымыздан тынышлық татыўлық, береке арымасын.

🌸Бул күнде Аллаҳ дуўаларымызды қабыл етип, перзентлеримизге ынта, ибадатларымызға гөззаллық, ырысқымызға береке берсин!

💐💐💐💐💐💐💐💐💐💐

✅ @MagzaniyshanUz

#тәрбия

👎 ПЕРЗЕНТИҢИЗГЕ ҚУРАН ЯДЛАТПАЙСЫЗБА?

Әнас разияллаҳу анҳудан:
“Ким перзентине Қуранды қарап оқыўды үйретсе, әўўелги ҳәм ақырғы қылған гүнаҳлары кешириледи.
Ким оған ядлатса, қиямет күни Аллаҳ таала оны толған ай сүўретинде жибереди ҳәм перзентине “Оқы”, дейди. Ҳәр бир аятты оқыған сайын, ядлаған жериниң ақырына жеткенинше Аллаҳ әззә ўа жәллә әкесиниң дәрежесин көтеребереди”

Табараный рәўиятлары

✈️ @MagzaniyshanUz

#ибрат

Қиямет күни балаңыз Аллаҳ алдында турып:
- Әкежан, не ушын мени шет елге саяҳатқа алып бармадыңыз, деп даўа қылмайды.
- Әкежан, не ушын маған компьютер ҳәм уялы телефон алып бермегенсиз, деп даўа қылмайды.
- Әкежан, не ушын маған даңғаралы ҳәўли қурып бермегенсиз, мазалы тағамлар менен сыйламағансыз, деп даўа қылмайды.

Бирақ Қиямет күни:
- Әкежан, Аллаҳқа қандай ибадат қылыўды не ушын үйретпегенсиз?!
- Әкежан, не ушын маған Қуран оқыўды үйретпегенсиз?!
- Әкежан, не ушын намаз оқымағанымда мени буннан қайтармағансыз?! деп даўа қылыўы анық.

✈️ @MagzaniyshanUz

#тәрбия

Перзентиңизге қарата “абайлы бол, кесени сындырасаң”, деў орнына оған жақсылап услаўды үйретиң.
“Жоқарыға шықпа, жығылып түсесең” деў орнына болса оған қалай терекке шығыўды үйретиң. Ҳәр нәрседен тынышсызланып, ҳәдиксиреген шаңарақта қорқақ перзентлер жетисип шығады.

✈️ @MagzaniyshanUz

#муҳаббат

Айырым ўақытлары Аллаҳ саған әтирапыңдағылар, жақынларың арқалы да азар береди. Бул болса Аллаҳтан басқа ҳеш кимге - ата-ана, аға-ини, дос яранларға байланбаўың ушын болады.
Сонда қәлбиң тек Аллаҳқа байланады. Мине сол Аллаҳтың саған берип атырған тәрбиясы болады.

✈️ @MagzaniyshanUz

#мотивация

Соншелли күшли болыңда, биринши класта сизге “адам болмайсаң!”, деген устазыңыз операция (әмелият) қылыўыңыз ушын алдыңызда созылып жатсын!

✈️ @MagzaniyshanUz

#ибрат

Адамларды жаманлықтан қайтарып, жақсылыққа шақырып, бирақ өзи жаманлықтан қайтпаған адамды уламаларымыз шамға теңейди. Яғный шамның жарығы менен биреўлер дурыс жол таўып атыр, ал өзи болса шамға уқсап ерип атыр. Журт оның жарығы менен ҳидаят табады, ал өзи қияметте өкинип қалады.

✈️ @MagzaniyshanUz

• Солиҳа бир ҳаял қайтыс болды.
Ҳәр дайым оның қәбирин зиярат қылыўға келгенде, қәбириниң топырағынан роза гүлдиң ийиси келип турар еди.
• Буның себебин еринен сурағанда: ҳаялым ҳәр кеше уйқыға жатыўдан алдын Мүлк сүресин оқып жатар еди, өмириниң ақырғы күнине шекем бул әдетти тәрк етпеди, деп жуўап берди.

• Мүлк сүресин оқыўды әдет қылғанларға хошхабар, ол қәбир азабынан сақлайды.

✈️ @MagzaniyshanUz

Уламалар айтады мөмин-мусылман күнине кем дегенде 300 салаўат айтатын болса, ийманы бир қәлипте өзгермей турады екен.
Салаўатқа беккем болайық ағайын!

Аллаҳумма солли ьала Муҳаммад

✈️ @MagzaniyshanUz

⏰ Күнлик ўазыйпа:

🤎 Аллаҳумма солли ъала Нәбиййина Муҳаммад (100 мәрте)

"Шаңарағыңды намаз (оқыў)ға буйыр ҳәм (өзиң де) буған (намазға) сабырлы бол! Биз сеннен ырысқы сорамаймыз. (Керисинше,) Биз саған ырысқы беремиз. Ақыбет (жақсылығы) – тақўалыларға". Тоҳа сүреси, 132-аят

#намаз_ўақытлары

✅ @MagzaniyshanUz

بِسْــــــــــــــــــــــمِ ﷲِالرَّحْمَنِ الرَّحِيم  

☀️ Ассаламу алайкум ўә роҳматуллоҳи ўә барокатуҳ! 

Бүгин пийшемби 🕊
8 - Зулқаьда 1445 ж
16 - Май 2024 ж

Күниңиз ҳайырлы ҳәм берекетли болсын! ☀️💓💓

 ✅ @MagzaniyshanUz

Ассаламу алайкум!

Аллаҳ ҳәр бир мәўритлериңизди бахытқа толтырсын! Баслаған жаңа күниңиз ҳайырлы, пайызлы берекетли даўам етсин!

✈️ @MagzaniyshanUz