Расулаллаҳ саллаллаҳу алайҳи ўа саллам:
“Ким үйинен таҳарат алып парыз намазына шықса, оның саўабы эҳрамдағы ҳажының саўабындай болады”, деди.

Әбиў Даўыт рәўияты

📧 @MagzaniyshanUz

بِسْــــــــــــــــــــــمِ ﷲِالرَّحْمَنِ الرَّحِيم  

☀️ Әссаламу алайкум ўә роҳматуллоҳи ўә барокатуҳ! 🦋
🍁🍁🍁🍁🍁🍁🍁🍁🍁🍁🍁

Бүгин екшемби 🕊
30 - Робиьул әўўәл  1445 ж
15 - Октябр 2023 ж

Күниңиз ҳайырлы ҳәм берекетли болсын!
🍂🍁🍂🍁🍂🍁🍂🍁🍂🍁🍂
 ♻️@MagzaniyshanUz

#истиғфар

Бенде қәлбин истиғфар менен бәнт қылар екен, ол әлбетте пәкленеди. Ҳәлсиз болса, күшейеди. Наўқас болса, шыпа табады. Егер бәлеге ушыраған болса, саламатлық табады. Екилениўде болса ҳидаят табады. Егер қыйыншылық ҳәм қайғыда болса аманлық табады.

Әстағфируллоҳал ьазийм ўа әтуубу илайҳ
Әстағфируллоҳ

📧 @MagzaniyshanUz

#салаўат

Егер өмир алдында қыйыншылыққа түсип қалсаңыз, Ҳәбибимизге салаўат айтыўға асығың. Қапа кимсе Пайғамбарға салаўат жоллар екен, Аллаҳ оған ҳақыйқат, тәшўиштен қутылыў жолын несип етеди.

Саллаллаҳу алайҳи ўа саллам!
Аллаҳумма солли ьала Муҳаммад ўа ьала әли Муҳаммад!

📧 @MagzaniyshanUz

#күнделик

Ийманыңызды қалай күшейтесиз?
Оның ушын күнлик реже

1. Бес ўақыт намазды өз ўақтында оқыў.
2. Парыз намаздан алдыңғы ҳәм кейинги сүннетлерди оқыў.
3. Таң намазынан кейин таңғы зикирлер ҳәм шам намаздан алдыңғы кешки зикирлерди толық оқыў.
4. Ҳәр күни бир пара Қураннан тиләўат қылыў. Оны бөлип бөлип, ҳәр намаздан кейин оқыса да болады.
5. Уйқыдан алдын таҳарат алыў ҳәм “аятул курсий”ди оқыў. (Бул таң атқанша шайтанлар жаманлығынан сақлайды).
6. Зуҳа намазын еки ямаса төрт ракат оқыў.
7. Күни бойы тили Аллаҳтың зикири менен бәнт болыў.
8. Қуптаннан кейин (түнде оянып) киши сүрелерди тиләўат қылып болса да таҳажжуд намазын оқыўға ҳәрекет қылыў.

📧 @MagzaniyshanUz

#нәсият

Салама ибн Динар айтады:
Еки нәрсе бар, оларға әмел қылсаң, дүнья ҳәм ақырет жақсылығына ерисесең:
1. Аллаҳ жақсы көрген әмел болса, бирақ саған жақпаса да, оған әмел қыласаң.
2. Аллаҳ жақтырмайтуғын әмел болса, жақсы көрсеңде, оны тәрк етесең.

📧 @MagzaniyshanUz

بِسْــــــــــــــــــــــمِ ﷲِالرَّحْمَنِ الرَّحِيم  

☀️ Әссаламу алайкум ўә роҳматуллоҳи ўә барокатуҳ! 🦋
🍁🍁🍁🍁🍁🍁🍁🍁🍁🍁🍁

Бүгин дүйшемби 🕊
1 - Робиьус сәний  1445 ж
16 - Октябр 2023 ж

Күниңиз ҳайырлы ҳәм берекетли болсын!
🍂🍁🍂🍁🍂🍁🍂🍁🍂🍁🍂
 ♻️@MagzaniyshanUz

#салаўат

Атауллаҳ Сакандарий сондай депти: “Ким көп нәпил оразалар, түнги намазларды өткерип жиберген болса, Расулаллаҳ саллаллаҳу алайҳи ўа салламға салаўат айтыўға әдетленсин. Бир өмир таат-ибадат қылып, кейин Расулаллаҳ саллаллаҳу алайҳи ўа салламға бир салаўат айтсаң, әне сол бир салаўатың бир өмирлик ибадатларыңнан аўыр келеди (себеби ҳәдисте “Ким маған бир салаўат айтса, Аллаҳ оған он салаўат айтады”, делинген. Аллаҳтың саған айтқан бир салаўаты болса бәрше ибадатларыңнан абзал). Сен қурбың жеткенинше ибадат қылғансаң, Аллаҳ болса Өзине тән салаўат айтады. Аллаҳтың бир салаўаты сонша болса, он салаўат айтса не болар екен?”

“Аллаҳумма солли ьала сәийдинә Муҳаммад”

📧 @MagzaniyshanUz

#мәмиле

“Адамлар саған қандай мәмиле қылса, сен де оларға сондай мәмиле қыл” деген гәп қатты қәте. Бул ҳаққында Аббаз әл Аққод төмендеги сөзди айтқан екен: “Адамлар арасында жалғаншы, қиянетши ҳәм жалатай кимселер бар. Булардың бәршесине соған жараса мәмиле қылсаң, сол айыплардың бәршесин өзиңде жәмлеп, ең тийимсиз кимсеге айланасаң. Соның ушын адамлар саған қандай мәмиле қылыўын қәлесең, сен де оларға сондай мәмиледе бол”.

📧 @MagzaniyshanUz

#неьмат

Неьматлар үш түрли болады:
1. Қолға киритилген неьмат. Бенде оны биледи.
2. Күтилип атырған неьмат. Бенде оған үмиткер болады.
3. Ишинде турған неьмат. Бенде оны сезбейди.

📧 @MagzaniyshanUz

#муҳаббат

Айырым ўақытлары Аллаҳ саған әтирапыңдағылар, жақынларың арқалы да азар береди. Бул болса Аллаҳтан басқа ҳеш кимге - ата-ана, аға-ини, дос яранларға байланбаўың ушын болады.
Сонда қәлбиң тек Аллаҳқа байланады. Мине сол Аллаҳтың саған берип атырған тәрбиясы болады.

📧 @MagzaniyshanUz

#тәрбия

Перзентиңизге қарата “абайлы бол, кесени сындырасаң”, деў орнына оған жақсылап услаўды үйретиң.
“Жоқарыға шықпа, жығылып түсесең” деў орнына болса оған қалай терекке шығыўды үйретиң. Ҳәр нәрседен тынышсызланып, ҳәдиксиреген шаңарақта қорқақ перзентлер жетисип шығады.

📧 @MagzaniyshanUz

#ибрат

Қиямет күни балаңыз Аллаҳ алдында турып:
- Әкежан, не ушын мени шет елге саяҳатқа алып бармадыңыз, деп даўа қылмайды.
- Әкежан, не ушын маған компьютер ҳәм уялы телефон алып бермегенсиз, деп даўа қылмайды.
- Әкежан, не ушын маған даңғаралы ҳәўли қурып бермегенсиз, мазалы тағамлар менен сыйламағансыз, деп даўа қылмайды.

Бирақ Қиямет күни:
- Әкежан, Аллаҳқа қандай ибадат қылыўды не ушын үйретпегенсиз?!
- Әкежан, не ушын маған Қуран оқыўды үйретпегенсиз?!
- Әкежан, не ушын намаз оқымағанымда мени буннан қайтармағансыз?! деп даўа қылыўы анық.

📧 @MagzaniyshanUz

بِسْــــــــــــــــــــــمِ ﷲِالرَّحْمَنِ الرَّحِيم  

☀️ Әссаламу алайкум ўә роҳматуллоҳи ўә барокатуҳ! 🦋
🍁🍁🍁🍁🍁🍁🍁🍁🍁🍁🍁

Бүгин сийшемби 🕊
2 - Робиьус сәний  1445 ж
17 - Октябр 2023 ж

Күниңиз ҳайырлы ҳәм берекетли болсын!
🍂🍁🍂🍁🍂🍁🍂🍁🍂🍁🍂
 ♻️@MagzaniyshanUz