#tanlov

DIQQAT TANLOV!

Kinematografiya agentligi “Tirik tarix” turkumi asosida ishlab chiqariladigan kino loyihalar uchun maxsus belgi (logotip) yaratish maqsadida tanlov eʼlon qiladi. Kinoloyihalarning zamonaviy, original, osongina tanib olinadigan logotipini va brendini yaratish maqsadidagi mazkur tanlovda professional grafika dizaynerlari hamda badiiy mahoratga ega bo‘lgan barcha ijodkorlar ishtirok etishlari mumkin.

Logotipda “Tirik tarix” turkumida ishlab chiqariladigan kinoloyihalarning o‘ziga xos xususiyatlari, falsafiy ifodasi, betakror badiiy yechimi va kreativ yondashuvi, shuningdek, huquqiy, madaniy va estetik meʼyorlar ifoda etishi lozim. Shuningdek, undan ramz sifatida foydalanilishi, shu bilan birga tomoshabinlarda birinchi navbatda: taʼlim va tafakkur, hayajon va sayohat, hurmat va qadrlash kabi ulug‘vor hissiyotlarini uyg‘otishi shart.

Logotipning grafik qismi “Tirik tarix” turkumidagi kinoloyihalarni ifodalashi mumkin bo‘lgan 50 Mb gacha, ikki ko‘rinishda (.png va .jpg formatda) @milliy_kinomarkaz (https://t.iss.one/milliy_kinomarkaz) telegram manziliga yuborilishi talab etiladi.

Har bir ishtirokchi tanlovga faqat bitta loyiha taqdim etadi.
Arizalar joriy yilning 10-iyulidan 22-iyul kuni soat 23:59 ga qadar qabul qilinadi.

Tanlov ikki bosqichda o‘tkaziladi:
Birinchi bosqichda 2024-yilning 24-iyulidan 2-avgustga qadar kelib tushgan loyihalarni saralanadi.
Ikkinchi bosqichda filmlarning g‘oyaviy-badiiy saviyasini oshirishga ko‘maklashuvchi milliy kengash tarkibining tegishli xulosasiga ko‘ra saralab olingan loyihalar orasidan g‘olib aniqlanadi.

G‘olib deb topilgan loyiha muallifi 20 000 000 so‘m miqdoridagi pul mukofoti bilan taqdirlanadi.

Kinematografiya agentligi Axborot xizmati

🌐Website 🌐Facebook 🌐Instagram 🌐Telegram

#Hudud_xabarlari
#Tanlov

⚡️ Toshkent viloyatida "Yangi O‘zbekiston iste’dodlari" ko‘rik-tanlovining viloyat bosqichi bo'lib o'tdi

👉 Batafsil - bu yerda

Telegram | Instagram | Facebook | Veb-sayt