Prezident Administratsiyasining topshirig‘iga asosan Fransiyaga borgan madaniyat vazirining birinchi o‘rinbosari Avazxon Tadjixanov O‘zbekistonning Parijdagi elchixonasida Fransiyaning mashhur “Cirque d’Hiver Bouglione” hamda “Fabris Bin va Stefan Dyuran Ejis konsalting” kompaniyalari vakillari bilan uchrashdi.

Uchrashuvda mamlakatimizda sirk san’atini yanada rivojlantirish, “O‘zbeksirk” davlat muassasasi binosini “davlat-xususiy sheriklik” modeli asosida investorlarga berish masalasini muhokama qilindi.

💬 Vazirlikning rasmiy sahifalariga obuna bo‘lish:
🚀 Telegram | 📷 Instagram | 🔵 Facebook |🌐 Veb-sayt

Xalqaro turkiy madaniyat tashkiloti (TURKSOY) Madaniyat vazirlari doimiy kengashining 2022-yilning 5-noyabr kuni Turkiya Respublikasining Bursa shahrida bo‘lib o‘tgan 39-majlisida Turkmanistonning Anau shahri 2024-yilda turkiy dunyoning madaniy poytaxti deb e’lon qilingan.

26–27-mart kunlari Ashxobod shahrida “Anau – 2024-yilda turkiy dunyoning madaniy poytaxti” tadbirlarining ochilish marosimi bo‘lib o‘tadi. Marosimda O‘zbekiston madaniyat vaziri o‘rinbosari Murodjon Majidov boshchiligidagi vazirlik delegatsiyasi hamda Buxoro viloyat madaniyat boshqarmasining “Buxoro mavjlari” ansambli ishtiroki rejalashtirilgan.

Ochilish marosimi dasturi tasviriy va amaliy san’at, hunarmandchilik ko‘rgazmalari, Turkmaniston va turkiy davlatlar ijodiy guruhlarining qo‘shma konserti, “Qadimiy Anau madaniyati” mavzusidagi xalqaro ilmiy konferensiyani o‘z ichiga oladi.

Tadbirlarda TURKSOY, Turkiy Davlatlar Tashkiloti, Turkiy madaniyat va meros fondi, Xalqaro turkiy akademiya rahbariyati va Xalqaro turkiy madaniyat tashkilotiga a’zo davlatlar madaniyat vazirliklari rahbariyati ishtirok etmoqda.

💬 Vazirlikning rasmiy sahifalariga obuna bo‘lish:
🚀 Telegram | 📷 Instagram | 🔵 Facebook |🌐 Veb-sayt

#OAV_biz_haqimizda
#Xalqaro_festival

🎼 25-mart kuni O‘zbekiston davlat konservatoriyasida “Navro‘z sadolari” milliy cholg`ular ko‘p ovozli ansambl va orkestrlari X Xalqaro festivalining ochilish marosimi hamda OAV uchun matbuot anjumani bo‘lib o‘tgan edi.

❗️ Eslatib o'tamiz, festivalda Qozog`iston, Qirg`iziston va Tojikiston Respublikalari hamda mahalliy jamoalardan iborat 20 dan oshiq ansambl va orkestrlar ishtirok etishmoqda. 27-mart kuni g’oliblarni taqdirlash va yakuniy gala-konsert bo’lib o’tadi.

💬 Vazirlikning rasmiy sahifalariga obuna bo‘lish:
🚀 Telegram | 📷 Instagram | 🔵 Facebook |🌐 Veb-sayt

Prezident Shavkat Mirziyoyev raisligida Namangan viloyatining imkoniyatlarini ishga solish masalalariga bag‘ishlangan yig‘ilish bo‘lib o‘tmoqda.

Yig‘ilishda Namanganda mavjud salohiyat to‘liq ishga solinmayotgani uchun mas’ul komplekslar va viloyatdagi rahbarlar tanqid qilindi. Davlat rahbari viloyatdagi imkoniyatlarni ishga solish bo‘yicha vazifalarni belgilab berdi.

Mahalliy va xorijiy sayyohlar oqimini keskin o‘sishi uchun transport sohasida imkoniyatlar to‘liq ishga solinmagani ko‘rsatib o‘tildi.

Transport vazirligiga bayram kunlari avia va temir yo‘l reyslari sonini 2 barobar oshirish, Namangan yoki Farg‘onaga uchish grafigini qayta ko‘rib chiqib, vodiyga har kuni bo‘ladigan avia reyslarni ko‘paytirish topshirildi.

Ichki turizmni rivojlantirish maqsadida Namanganni Buxoro va Samarqand bilan bog‘lovchi temir yo‘l reyslari, “Namangan-Pop-Chodak” yo‘nalishida har kuni ekspress yo‘lovchi poyezd qatnovi yo‘lga qo‘yiladi.

💬 Vazirlikning rasmiy sahifalariga obuna bo‘lish:
🚀 Telegram | 📷 Instagram | 🔵 Facebook |🌐 Veb-sayt