#Bobur_tavalludi
#Chellenj

🎙 Zahiriddin Muhammad Bobur tavalludining 541 yilligi munosabati bilan Qoraqalpoq davlat Qo‘g‘irchoq teatri ijodiy jamoasi tomonidan tayyorlangan videochellenj.

🕊Telegram | 📱Instagram | 📱Facebook

Oʻzbekiston davlat drama teatri haqidagi ushbu hujjatli film 2018-yil yaratilgan. Ssenariy muallifi Uchqun Oʻsarov, rejissyor va operator Bahodir Ergashov. Matnlarni Oʻzbekiston xalq artisti Elyor Nosirov va Oʻzbekistonda xizmat koʻrsatgan artist Gulbahor Yoʻldoshova oʻqishgan.

#teatr

🕊Telegram | 📱Instagram | 📱Facebook

Yangi institut jonsarak mutaxassislarni katta konferensiyaga chorlamoqda!

...Navoiy ham, Bobur ham ilm kishilari edi. Har ikkisining ijodiy mulkida ilmiy asarlar bisyor. Har ikki zot qalamga olgan masalalar, voajabki, bugun ham dolzarb, xususan nomoddiy madaniy meros masalasi. Inchunin hozirgi shiddatli va murakkab davrda millatning o‘zligini tanib olishi, asrab qolishi uchun ham o‘ta muhim masaladir bu.

Shu ma’noda Prezidentimizning “Nomoddiy madaniy merosni muhofaza qilish, ilmiy o‘rganish va targ‘ib qilishni rivojlantirishga oid qo‘shimcha chora-tadbirlar to‘g‘risida”gi 405-sonli qarori ayni muddao bo‘ldi. Ushbu tarixiy hujjat samarasi o‘laroq vazirligimiz huzurida butun boshli ilmiy-tadqiqot instituti tashkil etildi. Madaniyatshunoslik va nomoddiy madaniy meros masalalariga ixtisoslashgan ushbu ilmiy muassasa O‘zbekistonning nomoddiy madaniy resurslarini yuzaga chiqarish, qadriyatlari ulug‘ yurt nomini yuksaltirishga munosib hissa qo‘shadi deya ishonch bildiramiz va uzoqni ko‘zlab ochilgan ilmiy muassasa faoliyatiga muvaffaqiyatlar tilab qolamiz.

Darvoqe, shu kunlarda Madaniyatshunoslik va nomoddiy madaniy meros ilmiy tadqiqot instituti (MNMMITI) katta ilmiy konferensiya chaqirish harakatida, bu haqda tez orada xabar topasiz.

Institut jamoasi fokus qaratgan – o‘z davrida Forobiyu Navoiy, Boburu Fitratlar halovatini olgan o‘zak masalalar bugun milleniallar (1984 – 2000), zumerlar (2000 – 2015), qo‘yingki, alfa avlod (2011 - yildan bu yog‘i) deb atalayotgan zamonaviy yigit-qizlar silsilasi uchun alohida qiymatlidir.

Bas, shunday ekan, Y (igrek), Z (zet) va A (alfa) avlodga mansub ahdu shahdli do‘stlarim, chaqirig‘imizni qabul qiling! Biz uyg‘ondik, siz ham g‘aflatda qolmang! Modomiki yurt obodligi ilmu funun ila hosil bo‘larkan - ilmu tafakkuringiz bilan istiqbolga yuzlaning! Ahdu shahd bilan olg‘a!

Ozodbek Nazarbekov,
madaniyat vaziri

🕊Telegram | 📱Instagram | 📱Facebook