#онлайн

Айни дамда Ўзбекистон Республикаси Маданият вазирлигида Тошкент шаҳри, Яккасарой тумани, Бобур кўчаси, 7-уй моддий маданий мероснинг кўчмас мулк объекти юзасидан оммавий ахборот воситалари учун брифинг бўлиб ўтмоқда.
Унда Маданият вазири Озодбек Назарбеков иштирок этмоқда.

Интернет ва ижтимоий тармоқларда Бобур кўчаси, 7-уй биноси моддий маданий мероснинг кўчмас мулк объекти сифатида рўйхатга олиш ва бинодан фойдаланиш бўйича қонунбузарликлар содир этилаётганлиги юзасидан ушбу ҳудудда истиқомат қилувчи бир қанча фуқаролар ва тадбиркорлик субъектлари томонидан мурожаатларнинг кескин кўпайганлиги ижтимоий тармоқларда кўплаб муҳокамаларга сабаб бўлмоқда.

Брифинг ташкил қилишдан мақсад, юқоридаги масалалар юзасидан турли саволларга жавоб бериш, Интернет ва ижтимоий тармоқларда тарқалаётган шов-шувлар, тушунмовчиликларга барҳам бериш, бу борада одилона фикр юритиб муаммони яна бир бор ўрганиб чиқиш масаласи муҳокама этишдан иборат

https://t.iss.one/madaniyatvazirligi

Озодбек Назарбеков Маданият вазири;

Аслида бугунги кунда маданий мерос тушунчаси жамиятда шаклланганми? Қай даражада? Маданий меросга нисбатан ҳокимят вакилларининг, раҳбарларнинг муносабати қандай? Нима учун ҳокимлар томонидан маданий мерос объектларини ўзбошимчалик билан бузиш ҳолатлари содир этилмоқда.

Ҳозирги ҳолатда ҳам тадбиркорнинг қўлида Бобур 7 нинг маданий мерос объекти эмаслиги ҳақидаги қарор турибди. Бу уй тақдири эса сизни қай даражада безовта қилаётган бўлса, мени ҳам шундай ташвишлантирмоқда.

Шу ўринда сизларга бир мурожаат қилмоқчиман. Аввало жамиятни, рахбариятни маданий меросга бўлган тушунчасини ўзгартиришимиз лозим. Меросимизга нисбатан ҳурмат руҳидаги мақолалар орқали сизлар қанча кўп жамоатчилик эътиборини тортсангиз бу мумаммоларни бартараф этишда ёрдамлашган бўлардингиз.
https://t.iss.one/madaniyatvazirligi