⚡️ "Quyosh nurlari" nomli bolalardan iborat ansamblning ijodiy ishlari bilan tanishdik

✅ So‘nggi yillarda O‘zbekistonda imkoniyati cheklangan bolalarga alohida e’tibor berilmoqda. Imkoniyati cheklangan bolalar ham O‘zbekiston fuqarolaridir.

✅ Ko‘pchilikni imkoniyati cheklangan bolalar qanday raqsga tushadi, degan savol qiziqtiradi? Shaxsan meni ham bu savol qiziqtirgan.

✅ Bugun Fattohxon Mamadaliyev nomli jamoat birlashmasi qoshida ochilgan "Quyosh nurlari" nomli imkoniyati cheklangan bolalardan iborat ansamblning ijodiy ishi bilan tanishdim va jarayonlarni kuzatdim.

✅ Ansambl daun sindromi bilan tug'ilgan 50 nafardan ortiq bolajonlardan tashkil topgan bo'lib, haqiqiy ma'nodagi quyosh nurlari desam xato bo'lmaydi.

✅ Chunki imkoniyati cheklanganligiga qaramay ularda ham iqtidor va qiziqish bor. Ular o‘z hissiyotlarini garchi nuqsoni bo‘lsa-da, tana harakatlari orqali ko‘rsatib berishadi. Hatto ayrimlarida o‘ziga xos sirli harakatlar, jozibali va esda qolarli plastikalarni bajarishadi, bu meni yanada to‘lqinlantirdi.

✅ Insonlar cheksiz imkoniyatlarga ega, garchi ularda turli yetishmovchiliklar bo‘lsa ham, biroq ruh va ong osti orqali yuksak marralarga, tasavvur esa yetib bo‘lmas cho‘qqilarga chiqishi mumkin. Aslida raqs ham imkoniyati cheklangan bolalarni cheksiz imkoniyatlarini ko‘rsatib beradi.

✅ Bugun meni bir fikr chuqur mulohazaga chorladi, imkoniyati cheklangan bolalarning keyinchalik soha tanlashlari cheklangan, lekin ularga musiqa va san'at ta'limini berish orqali kelajakda kasb tanlashiga yordam berishimiz mumkin. Bundan tashqari, musiqa ta'limi imkoniyati cheklangan bolalarning jismoniy va aqliy rivojlanishiga ham ta'sir ko‘rsatadi.

✅ Aytaylik, sog‘lom bolalar ko‘rgan narsalari haqida tasavvurga ega bo‘la olsa, imkoniyati cheklangan bolalar musiqa orqali tasavvur qilish imkoniga ega bo‘ladi. San'at ularning maktabdagi o‘qishlarini yaxshi o‘zlashtirishiga ham yordam beradi.

🚀 Telegram / 📷 Instagram