⚡️ Vengriyada "Kurultay" turkiy xalqlar madaniy-etnografik festivali o'z ishini yakunladi.

✅ Vengriyaning Bugas shahrida "Kurultay" xalqaro madaniy-etnografik festivali doirasida ochiq osmon ostida teatrlashtirilgan tadbir o'tkazildi.

✅ Tadbirda xorijiy delegatsiyalar rahbarlari, xalqaro tashkilotlar vakillari, Vengriyada faoliyat yurituvchi diplomatik vakolatxonalar vakillari va mahalliy aholi ishtirok etishdi. Tadbir doirasida xun-turkiy xalqlarning Yevropa tomon buyuk ko'chishi, ko'chmanchilar to'y marosimi, otlar paradi kabi namoyishlar ko'rsatildi. Shundan so'ng, tadbirda ishtirok etayotgan davlatlar bayroqlari olib o'tildi.

✅ Kunning ikkinchi yarmida "Kurultay" turkiy xalqlar xalqaro madaniy - etnografik festivalining yopilishi doirasida konferensiya tashkil etildi. Konferensiyada O'zbekiston madaniyat vaziri o'rinbosari Yusufjon Usmonov, Turkiy Davlatlar Tashkiloti Bosh kotibi Kubanichbek Omuraliev, TURKSOY Bosh kotibi Sultan Rayev, TurkPA Bosh kotibi Mehmet Sureyya Er, Turkiy Akademiya prezidenti Shahin Mustafoyev, Vengriya madaniyat va innovatsiya vazirining birinchi o'rinbosari, Vengriyaning Turkiy Davlatlar Tashkilotiga a'zo davlatlar bilan hamkorlik qilish bo'yicha maxsus vakili Peter Hoppal ishtirok etdilar.

✅ Konferensiya ishtirokchilari bugungi kunda turkiy dunyo xalqlari o'rtasida madaniyatlararo yaqinlik va hamkorlik muhimligini ta'kidladilar.

✅ "Biz birgalikda kuchlimiz" shiori ostida tarixi, dini, millatining kelib chiqish ildizlari bir-biriga tutash bo'lgan xalqlar o'rtasida do'stlik munosabatlarini rivojlantirish maqsad qilingan.

✅ Tadbirda O'zbekiston madaniyat vaziri o'rinbosari Yusufjon Usmonov so'zga chiqib, bu kabi tadbirlar nafaqat Turkiy dunyoda, balki jahon miqyosida ham e’tiborni tortayotganini, bu qiziqishni yanada oshirish uchun hamkorlik va qo‘shma loyihalar muhimligini ta’kidladi.

™️Madaniyat vazirligining rasmiy sahifalari:
🌐 Telegram | 🌐 Instagram | 🌐 Facebook | 🌍 Veb-sayt

#Tayinlov

⚡️Bugun, 13-avgust kuni Yunus Rajabiy nomidagi O‘zbek milliy musiqa san’ati institutida madaniyat vazirining birinchi o‘rinbosari Avazxon Tadjixanov raisligida yig‘ilish o‘tkazildi.

Unda, madaniyat vazirining tegishli buyrug‘i bilan Yunus Rajabiy nomidagi O‘zbek milliy musiqa san’ati institutining Ilmiy ishlar va innovatsiyalar bo‘yicha prorektori etib tayinlangan Anvar Norbekov jamoaga tanishtirildi.

Anvar Norbekov tayinlovga qadar O’zbekiston davlat konservatoriyasining Ta’lim sifatini nazorat qilish bo’limi boshlig’i lavozimida faoliyat yuritayotgan edi.

™️Madaniyat vazirligining rasmiy sahifalari:
🌐 Telegram | 🌐 Instagram | 🌐 Facebook | 🌍 Veb-sayt

#gastrol

⚡️ Kuni kecha O'zbek milliy maqom san'ati markazining Xorazm viloyati hududiy bo'limi "O'zgidroenergo" AJning Qibray tumanida joylashgan sihatgohida o‘zining konsert dasturini namoyish etdi.

☑️ Konsert dasturi ko'tarinki kayfiyatda tomoshabinlar olqishi va e'tirofi bilan o'tdi.

™️Madaniyat vazirligining rasmiy sahifalari:
🌐 Telegram | 🌐 Instagram | 🌐 Facebook | 🌍 Veb-sayt

⚡️ Oliy Majlis Qonunchilik palatasining navbatdagi majlisida Vazirlar Mahkamasining “O‘zbekiston — 2030” strategiyasini “Yoshlar va biznesni qo‘llab-quvvatlash yili”da amalga oshirishga oid Davlat dasturining 2024-yil birinchi yarim yilidagi ijrosi yuzasidan hisoboti muhokama qilindi.

✅ Kuni kecha Oliy Majlis Qonunchilik palatasining navbatdagi majlisida madaniyat vazirining birinchi o‘rinbosari Avazxon Tadjixanov ishtirok etdi.

✅ Majlis davomida deputatlar Davlat dasturi ijrosini ta’minlash yuzasidan Hukumat a'zolariga bir qator savollar bilan yuzlanib, davlat dasturida belgilangan chora-tadbirlarning o‘z vaqtida va sifatli bajarilishini ta’minlash yuzasidan mutasaddi vazirlik va idoralarning mas’uliyatini yanada oshirish, Dasturda ikkinchi yarim yillikda ijro etilishi belgilangan tadbirlarning bajarilishi yuzasidan tizimli monitoring olib borish lozimligini ta’kidladilar.

™️Madaniyat vazirligining rasmiy sahifalari:
🌐 Telegram | 🌐 Instagram | 🌐 Facebook | 🌍 Veb-sayt