Oʻzbekiston madaniyati dunyo sari yana bir qadam tashladi

Avvalroq Xitoy poytaxtida “Oʻzbekiston madaniyati kunlari”ning ochilish marosimi boʻlib oʻtgani haqida xabar bergan edik. Oʻzbekiston delegatsiyasi hamda xitoylik madaniyat sohasi vakillari hamda oʻzbek sanʼati ixlosmandlari ishtirok etgan tadbir doirasida YUNESKOning nomoddiy madaniy merosi roʻyxatidan joy olgan, uch ming yillik tarixga ega “Lazgi” raqsi asosida sahnalashtirilgan balet-spektakl namoyish etildi.

Xitoy milliy opera teatriga yigʻilgan tomoshabinlar oʻzbek xalq cholgʻu asboblarining ohanrabo sadosi, oʻxshashi yoʻq xoreografiya, ilgʻor sahnabop uslublar, shuningdek, Oʻzbekiston milliy balet ustalarining joʻshqin ijrosidan olam-olam zavq tuyishdi. Ertaga, 24-yanvar kuni xuddi shu sahnada oʻzbekistonlik sanʼat ustalarining konsert dasturi boʻlib oʻtishi rejalashtirilgan.

🕊Telegram | 📱Instagram | 📱Facebook

Prezident Shavkat Mirziyoyev rahbarligida oʻtkazilgan Respublika maʼnaviyat va maʼrifat kengashi yigʻilishida har oyning bir kunini “Teatr kuni” deb belgilash hamda idoralar, hokimliklar mehnat jamoalarining teatrlarga tizimli tashrifini yoʻlga qoʻyish taklifi ilgari surilgan edi. Yigʻilishda, ayniqsa, rahbarlar ijtimoiy dunyoqarash, madaniy saviya boʻyicha boshqalarga oʻrnak boʻlishlari kerakli alohida taʼkidlangandi.

Madaniyat vazirining birinchi oʻrinbosari Avazxon Tadjixanov 22-yanvar kuni Andijon viloyati hokimligi rahbariyati, tuman (shahar) hokimlari, vazirlik va idoralarning hududiy boshqarmalari va boshqa tashkilot va muassasalar rahbarlari bilan birgalikda viloyat musiqali drama teatrida namoyish etilgan “Bobur sogʻinchi” nomli spektaklni tomosha qildi.

Eslatib oʻtamiz, teatr sanʼatini rivojlantirish maqsadida Andijonda ham idora va tashkilotlar rahbar-xodimlari hamda ularning oila aʼzolari uchun “Teatr kuni” joriy etilmoqda.
#teatr


🕊Telegram | 📱Instagram | 📱Facebook

Madaniyat vazirining o‘rinbosari Yusufjon Usmonov boshchiligidagi ishchi guruh Prezident Administratsiyasi tomonidan berilgan topshiriqlar ijrosini ta’minlash maqsadida 23-yanvar kuni Toshkent viloyati Angren shahridagi madaniyat muassasalari faoliyati bilan tanishdi, mutasaddilarga ularning moddiy texnika bazasini mustahkamlash, ish sifatini yangi bosqichga olib chiqish bo‘yicha tegishli tavsiyalarni berdi.
#tashrif

🕊Telegram | 📱Instagram | 📱Facebook

Madaniyat vazirligining tashabbusi bilan mamlakatimiz bo‘ylab Ijodkor yoshlarni saralash va ragʻbatlantirish boʻyicha Respublika koʻrik tanlovining viloyat bosqichi bo‘lib o‘tmoqda.

Madaniyat vazirining birinchi oʻrinbosari Bahodir Ahmedov Muqimiy nomidagi Oʻzbekiston davlat musiqali teatr rahbari, xizmat koʻrsatgan artist Azim Mullaxonov hamda Oʼzbekiston davlat sanʼat va madaniyat institutining professor-oʼqituvchilari bilan birgalikda tanlovning Namangan viloyat bosqichini kuzatib bormoqda.
#tanlov

🕊Telegram | 📱Instagram | 📱Facebook