Rim Giniyatullin tavalludining 80 yillik yubiley tadbiri tantanali nishonlandi

18-sentabr kuni Millatlararo munosabatlar va xorijiy mamlakatlar bilan do‘stlik aloqalari qo‘mitasida Rim Giniyatullin tavalludining 80 yilligi munosabati bilan tantanali yubiley tadbiri o‘tkazildi.

Unda O‘zbekiston Respublikasi Prezidenti maslahatchisi M.Kamilov, Tatariston Respublikasi Bosh vaziri o‘rinbosari Vasil Shayxraziyev, Millatlararo munosabatlar qo‘mitasi rahabriyati va xodimlari hamda bir qator tashkilotlar xodimlari, milliy madaniy markazlar rahbarlari va faollari ishtirok etishdi.

Prezidenti maslahatchisi M.Kamilov O‘zbekiston Respublikasi Prezidenti Shavkat Mirziyoyevning Rim Abdulovich Giniyatullinni davlat mukofoti bilan mukofotlash to‘g‘risidagi farmonini o‘qib eshittirdi va Rim Giniyatullinga “O‘zbekiston Respublikasida xizmat ko‘rsatgan yoshlar murabbiysi” faxriy unvoni topshirildi.

💬 Telegram | 🌐 Instagram

🌐 Facebook | 🌐 Web

O'zbekiston xalq hofizi Muhammadjon Karimovga tegishli buyumlar muzeyga topshirildi

O'zbekiston xalq hofizi Muhammadjon Karimovga tegishli bo‘lgan ijodiy merosi bisotidan buyumlar shogirdi Yusupov Abdumutal hoji tomonidan O‘zbek milliy maqom san'ati markazi muzeyiga topshirildi.

Ular orasida hofizning ashulalarining audio va video yozuv disklari, qo’llanmalar, arxiv suratlar, musiqa yozuv asboblari mavjud.

Ma’lumot uchun, Muhammadjon Karimov 1919-yil 20-iyunda Toshkent shahrida tavallud topgan. Mumtoz yo‘lda yaratilgan va ijro etilgan ashulalari bilan xalqimiz orasida mashhur bo‘lgan. Mumtoz ashula hamda maqom ijrochiligida o‘chmas iz qoldirgan. Ayniqsa, Bayot, Ushshoq, Chorgohi Qalandar, Savti Suvvora, Munojat ashula yo‘llarini mukammal ijro etgan.

💬 Telegram | 🌐 Instagram

🌐 Facebook | 🌐 Web