Час памяці “Хатынь: памяць і боль”
22 сакавіка на базе выстаўкі “Грозна грымнула вайна” прайшла гадзіна памяці, прысвечаная 80-й гадавіне з дня Хатынскай трагедыі. Вучні 7 “А” і 7 “В” класаў ДУА “СШ № 16” ушанавалі памяць загінуўшых жыхароў Хатыні, пачулі ўспаміны сведкаў спаленых вёсак Лідскага раёна. Намеснік пракурора Лідскага раёна Стальбоўскі Аляксандр Віктаравіч прывёў новыя факты злачынстваў, якія здзяйснялі нацысты і іх памагатыя ў гады Вялікай Айчыннай вайны і пасляваенны перыяд.
Пратаіерэй Расціслаў Салаўёў, благачынны Лідскай акругі, расказаў пра анаўленне драўлянай царквы (храм Раства Прасвятой Багародзіцы) у Хатыні. Ён звярнуўся да вучняў з просьбай памятаць пра трагічныя падзеі на нашай зямлі і шанаваць памяць аб загінуўшых.

У Лiдскiм замку на шостым ярусе вежы Гедымiна працуе iнтэрактыуная пляцоўка "Як на далонi". Кожны жадаючы зможа паглядзець на наш цудоўны горад у аптычныя прыборы з вышынi птушынага палету. Сардэчна запрашаем!

Дзень яднання народаў Беларусі і Расіі адзначаецца штогод 2 красавіка. Менавіта ў гэты дзень у 1996 г. прэзідэнты дзвюх дзяржаў падпісалі дагавор “Аб стварэнні Супольнасці Беларусі і Расіі”. Дзень яднання Беларусі і Расіі – знамянальнае свята, сімвал сяброўства братэрскіх народаў, захавання агульнага духоўнага і культурнага адзінства.
Сёння адбываецца наладжванне цесных сяброўскіх сувязяў паміж асобнымі рэгіёнамі нашых краін.
Лідскі раён з’яўляецца адным з актыўных удзельнікаў руху гарадоў-пабрацімаў. Гарады-пабрацімы ўносяць важкі ўклад у развіццё Саюзнай дзяржавы. Жыхары гарадоў-пабрацімаў часта ездзяць адзін да аднаго у госці, адзначаюць разам святы.
Увазе наведвальнікаў прадстаўляем інфармацыйны агляд “Беларусь і Расія. Гарады-пабрацімы Лідскага раёна”. Наведаўшы музей, можна пазнаёміцца з пратакольнымі падарункамі, якія наш раён атрымаў ад расійскіх гарадоў-пабрацімаў, пашырыць веды пра гандлёва-эканамічнае, культурнае супрацоўніцтва гарадоў-братоў.
Старшы навуковы супрацоўнік Валынец Н. М.