#музейны_тыдзень #фондавы_панядзелак

Сёння ў нас ёсць цудоўная магчымасць нагадаць пра сябе даўнім сябрам і знаёмым. 7 лютага адзначаем незвычайнае свята – Дзень адпраўкі паштовак сябрам!
Паштоўка – самы просты спосаб павіншаваць са святам альбо выказать увагу блізкім.

Калекцыя “Філакартыя” Лідскага музея змяшчае больш за 250 паштовак з відамі Ліды. Большасць з іх была зроблена ў 1915-1918 гг.
У верасні 1915 г. Лідскі павет акупавалі кайзераўскія войскі. Нямецкія салдаты і афіцэры цікавіліся жыццём мясцовага насельніцтва. Фотаздымкаў, якія леглі ў аснову паштовак, у тыя гады было зроблена шмат. Сотні выяў Ліды: вуліцы, будынкі, базарная плошча, мясцовыя жыхары…
Дзякуючы калекцыянерам, якія захавалі фотаздымкі і паштоўкі, сёння мы маем магчымасць убачыць Ліду пачатку ХХ ст.


#лидскиймузей #лидскийзамок #лида #lixm_фонды #открытка

#фондавы_панядзелак #музейны_тыдзень
7 сакавіка адзначаецца дзень нараджэння тэлефоннага апарата.
У 1876 г. на Сусветнай выставе ў Філадэльфіі амерыканскі навуковец Аляксандр Грэям Бэл упершыню прадэманстраваў тэлефонны апарат.
Ужо ў 1885 годзе рускі фізік Павел Галубіцкі спраектаваў першую тэлефонную станцыю. Гэта вынаходства дазволіла дзясяткам тысяч карыстальнікаў размаўляць адзін з адным адначасова. У выніку апараты сталі масава з'яўляцца па ўсім свеце.
Лічыцца, што ў Лідзе першая тэлефонная сувязь з'явілася паміж броварамі Папірмайстра і Пупко ў 1907 г.
Як адзначае лідскі краязнаўца Леанід Лаўрэш, першая гарадская тэлефонная станцыя з'явілася, магчыма, толькі падчас першай нямецкай акупацыі. На паштоўках тых часоў бачна, што каля лідскай пошты з'явілася размеркавальная стойка тэлефонных дратоў.
Тэлефонныя апараты з фондаў Лідскага музея ўваходзяць у калекцыю «Механізмы. Дэталі механізмаў» і дапамагаюць навуковым супрацоўнікам вывучаць сацыяльна-эканамічнае развіццё на Лідчыне ў ХХ ст.