Вітаем Вас, паважаныя прыхільнікі рубрыкі #літаратурны_аўторак ! На календары лета. Адпачынкі, канікулы, самы час бавіцца. І таму супрацоўнікі Дома Валянціна Таўлая прапаноўваюць маленькім наведвальнікам прыняць удзел у гульні-квэсце “У класікі з класікам”.
Занятак змяшчае блок разнастайных інтэрактыўных дзеянняў:
– метадам падстаўкі лічбаў (або літараў) можна будзе разгадаць загадкі;
– праз уважлівае знаёмства з экспазіцыяй у мемарыяльным пакоі неабходна будзе знайсці адгадкі і назваць галоўны прадмет;
– будзе дадзена магчымасць знайсці Валянціна Таўлая ў дзяцінстве сярод іншых будучых знакамітых пісьменнікаў;
– гульцам можна паспрабаваць сябе ў якасці газетчыка (стварыць макет газетнай паласы);
– будзе магчымасць прыняць удзел у вулічнай гульні ў класікі: падчас скокаў па квадратах неабходна будзе пакінуць пасля сябе фрагменты з урыўка верша В. Таўлая, дзе канчатковым вынікам стане слова “ДРУК”, якое і вызначыць пераможцу гульні. У другім варыянце неабходна будзе адскакаць імя і прозвішча паэта “ВАЛЯНЦІН ТАЎЛАЙ” як уперад, так і назад, але ўжо па квадратах з загадзя прапісанымі літарамі. У квадратах, між іншым, дзве літары супадаюць з папярэднім скокам. Хто першы справіцца – той пераможца.
Напрыканцы ўдзельнікі атрымліваюць сувеніры на памяць.
Кошт музейна-педагагічнага (інтэрактыўнага) занятка (на групу да 25 чалавек):
-школьнікі – 0,50 руб.;
-студэнты, навучэнцы – 0,70 руб.;
-іншыя катэгорыі – 1,00 руб.;
-занятак – 8,00 руб.

Увага! Неабходны папярэдні запіс!
тэл.: +375-154-541552, +375-154-622494,
электронная пошта: [email protected], [email protected],
адрас: 231300, г. Ліда, вуліца Замкавая, 7, Дом Валянціна Таўлая.
Выхадны – панядзелак.

З павагай, Дом Валянціна Таўлая Лідскага гісторыка-мастацкага музея.

#музейны_тыдзень

Вітаем, Вас, паважаныя прыхільнікі рубрыкі #літаратурны_аўторак!
Дом Валянціна Таўлая заўсёды адчынены для наведвання. Яго супрацоўнікі пастаянна ў пошуку новых ідэй, якія пераўвасабляюцца ў экспазіцыі і мерапрыемствы.
З цікавасцю яшчэ наведваюцца дзеці на экспазіцыю "А пачнём мы казку так..." паводле беларускіх народных казак. Не за гарамі той час, калі яе дзейнасць будзе спынена. Аб тым, што запланавана ў гэтым выставачным пакоі пакуль загадка, але яна раскрыецца ў хуткім часе.
У Доме Валянціна Таўлая пачалася падрыхтоўка да 80-годдзя з дня святкавання Перамогі над фашызмам. У сувязі з гэтым, у хуткім часе запрацуюць ўрокі памяці "І сёння нам творы гавораць...".
А пакуль запрашаем наведаць экспазіцыі, якія працягваюць сваю працу.
#ВалянцінТаўлай #ДомТаўлая #Замкавая7 #музей #культура #Ліда #экспазіцыя