Саха сирин бэрэстэбиитэллэрин бастакы бөлөҕө Донецкай норуодунай өрөспүүбүлүкэҕэ пилота суох аппараттары (БПЛА) көтүтэргэ үөрэтэр кииҥҥэ  үөрэнэн кэллилэр.

Ол туһунан Москубаҕа Ил Дархан Айсен Николаев сорудаҕынан тэриллибит Сүрүннүүр киин салайааччыта, Саха сирин бастайааннай бэрэстэбиитэлэ Андрей Федотов иһитиннэрдэ. 

Үөрэтии аатырбыт «Спарта» батальон үгүс сыллааҕы бойобуой уопутугар олоҕуран ыытыллыбыт. Үөрэҕи ааспыттар сотору бэйэлэрэ манна кэлэн дьону үөрэтиэхтэрэ.

#днр #сво #кыымру

Өрөспүүбүлүкэ оперативнай ыстааба  анал байыаннай дьайыыларга кытта сылдьар биир дойдулаахтарбытыгар өрөспүүбүлүкэ уонна улуус хаһыаттарын тиэрдиэҕэ.

Ол туһунан бүгүҥҥү брифиҥҥэ  ыстаап бэрэссэдээтэлин солбуйааччы, Өрөспүүбүлүкэтээҕи судаарыстыбаннай хааччыйыы кэмитиэтин салайааччыта Дмитрий Лепчиков иһитиннэрдэ. «Маны сэргэ, ыстаап Саҥа дьылга диэри госпиталларга бородуукта наборун тиэрдиэҕэ. Бастакы баартыйа өрөспүүбүлүкэ опорнай пууннарыгар барбыта. Байыастартан экипировкаҕа сайаапка киирэ турар. Онон, өрөспүүбүлүкэ өттүттэн хааччыйыы салҕанар», – диэн кини эбэн эттэ. Санатар буоллахха, «Арассыыйа почтата» РФ Оборонаҕа министиэристибэтин кытта анал байыаннай дьайыыларга сылдьааччылар ааттарыгар баһыылка тутуутун тэрийбитэ. Суруктары уонна баһыылкалары «Арассыыйа почтатын» чугастааҕы салаатын нөҥүө «103400, город Москва-400» аадырыска байыаннай чаас нүөмэрин ыйан туран ыыталлар. Байыаннай чаас нүөмэрин сулууспаҕа ыыппыт байыаннай комиссариаттан билиэххэ сөп.  

#сво #көмө #кыымру