#дьокуускай #япак #кыымру

Бүгүн эрэдээксийэбитигэр Дьокуускай куорат Марха түөлбэтин олохтооҕо, биэнсийэлээх Степан Дмитриевич Рожин кэлэ сырытта. Кини быһаартара сатыыр кыһалҕатынан “ЯПАК” диэн тэрилтэ оптуобустарыгар биир дьиибэ уларыйыы киирэн дьону сордообута буолар.

- Мин 109, 104, 107, 105 нүөмэрдээх морсурууттарынан элбэхтик сылдьабын. Бу күһүҥҥүттэн оптуобустарга кып-кыараҕас инники аанынан киллэрэр буоллулар. Ортоку кип-киэҥ икки ааннаах киирии баарын үрдүнэн! Эбиитин сонно тута харчыларын төлүүр буоланнар, киирии олус бытаан. Онон хайаан да үтүрүйсүүлээх, этиһиилээх, айдааннаах буолар. Ол диэн өссө кыра буоллаҕа... Сорох дьон олох даҕаны кыайан киирбэттэр! Тоҕо диэтэххэ, суоппар ыксаан баран хаалар. Биир оскуола оҕотун нэһиилэ кыбытан киллэрбитим. Урут ортоку кэтит аанынан холкутук киирэр этибит. Кондуктор хаама сылдьан төлөбүрү хомуйар этэ. Дьону тоҕо итинник сордуур буолбуттарын өйүм хоппот, - диэн Степан Дмитриевич улаханнык сонньуйар.

https://t.iss.one/kyymsakha

Сэрии кэмин оҕото - эбээ Лида ыра санаата туолуо дуо? Саҥа дьылы саҥа дьиэҕэ көрсүө дуо?

Ол барыта кимтэн тутулуктааҕый: борокуруортан, киин куорат салалтатыттан эбэтэр үтүө санаалаах урбаанньыттартан?

Эһиги кимиэхэ эрэнэҕит?

#кыымноруотхаһыата #ЭбээЛида #ырасанаа #саҥадьылысаҥадьиэҕэ #кыымру

Сэтинньи 17 күнүгэр Туймаада туонатыгар халлаан туруга

Салгын температурата түүн -40 -42, күнүс -31 -33°. Сөҥүүтэ суох, түүн уонна сарсыарда туманнаах, түүн тыала уостар, күнүс соҕуруулуу-илинтэн сөк. 2-5 м түргэннээхтик үрэр. Сарсыарда 6 ч. Гимеин түөлбэтигэр -38, аэропорт эргин -40.

Өрөспүүбүлүкэ үрдүнэн:

Соҕуруулуу-арҕаа намыын хаар, арҕаа, Халымаҕа, Өймөкөөҥҥө, хотугулуу-арҕаа, күнүскү өттүгэр соҕуруу уонна Өлүөнэ алын тардыытынан сорох сирдэринэн кыралаан хаардыыр. Өлүөнэ алын тардыытынан тибиилээх, соҕуруулуу-илинтэн тыал сөк. 9-14 м, арыт 15-20 м тиийэ түргэннээхтик үрүөҕэ.
Киин улуустарга сорох сирдэринэн туманнаах, дьыбар.Түүн -40-45°, күнүс -31-36, арҕаа, соҕуруу, Халыма улуустарыгар түүн -22-27°, күнүс - 16-21°, соҕуруулуу-арҕаа түүн -9-14°, күнүс -1-6°.

Бүгүн, сэтинньи 17 күнүгэр саха норуотугар сүҥкэн өҥөлөөх , Орто Халыма Сылгы Ыытарыттан төрүттээх Шарин Николай Иванович (1930-2015) төрөөбүт күнэ. Кини 1964 сыллаахха Саха АССР оскуолаларын түөрэтин нууччалыы үөрэтиигэ көһөрөөрү гыммыттарын тохтоппут киһи, учуутал, Саха АССР үөрэҕириитин миниистирэ (1962—1981).

Хаҥалас Улахан Ааныгар бэҕэһээ хайаттан Эбэҕэ уу бөҕө кутта диэн бассаапка сөҕөн үллэстэллэр

Суһаллык бу күннэргэ Сунтаарга көтөр киһини көрдүүбүт. Манньатыгар ноутбук ыытаары. Билсэр төл: 89969143588

#кыымру #бассаап #сво

Коптеры лаппаахынан бырахпыттарын коробканан саба уурбут Амма уола Чемезов Слава эргиллэн кэллэ🙏🏼

Мин иннибэр быйыл саас ДНР-га кыргыһыы хонуутугар “сураҕа суох сүппүт” диэн ааҕыллар саха буойун уолун эдэркээн, ол эрээри олох аһыытын, ыарын номнуо этинэн-хаанынан билбит огдооботун араас инстанциялары кытта суруйсуута сытар.

Сүтүктээхтэр көрдөһүүлэринэн, ыстатыйаҕа ааттарын уларыттым. Суруктартан уонна кыыс кэпсээниттэн биллэххэ, Тунаара быйыл кулун тутар ый бүтүүтүттэн анал эпэрээссийэ кэмигэр таптыыр кэргэнин “сураҕа суох сүттэ” диэбиттэрин ылыммакка, сөбүлэспэккэ, көрдөөн эрэй-муҥ бөҕөтүн ааһаахтаабыт...

Сиһилии Владимир Степанов суруйуутугар ааҕыҥ

#сво #днр #сахалар #кыымноруотхаһыата #кыымру

Саҥа талыллыбыт Солоҕон нэһилиэгин баһылыга Александра Павловна Александрова, өбүгэбит үтүө үгэһин салҕаан, чугастааҕы кыра күөллэргэ күһүҥҥү муҥханы тэрийэри көҕүлээтэ. 

Бу күннэргэ Чохооной, Сытыган, Таала күөллэрин муҥхалыырга түөрт уончалыы киһи кытынна. Ордук Сытыган күөлэ, элбэх лэһигирэс собонон күндүлээн, дьонун-сэргэтин үөртэ. Айылҕабыт бэлэҕиттэн нэһилиэкпит кырдьаҕастардаах ыалларыгар биирдии солуур собону түҥэтэн, үөрбүт ыал үксээтэ. 

Быйыл күһүн 97 сааһын туолбут улууспут Бочуоттаах олохтооҕо, бар дьоно ытыктаан Сэбиэт Маарыйа диэн ааттыыр Мария Григорьевна Тарасова дойдутун дьонугар, ыччатыгар бары үтүөнү баҕаран туран, Солоҕон нэһилиэгин салалтатыгар, дьокутааттарыгар барҕа махталын тиэрдэр. 

#горнай #солоҕон #кыымру

Сэтинньи 18 күнүгэр 16:00 чаастан «Арассыыйа – мин устуоруйам» түмэлгэ Олоҥхо декадатыгар аналлаах икки быыстапка арыллыа.

Бу күн киирии - босхо, онтон салгыы - 250 солк. буолар. 13 диэри саастаах оҕолорго - босхо. Пушкин каартатын туһаныахха сөп.

Амма улууһн дьокутааттарын Сэбиэтин бэрэссэдээтэлиттэн улуус баһылыгын быыбарын туһунан ыйыталастыбыт

--Софья Лаврентьевна, сотору кэминэн эһиэхэ улуус баһылыгын талар быыбар буолаары турар.
-- Хаарыан уолбут,  Николай Архиповичпыт,  соһуччу күн сириттэн күрэнэн олус харааһынныбыт, улаханнык суохтаатыбыт... Бүтүн улуус аҕа баһылыга суох хаалан хаалара диэн сүрдээх ыарахан. Улуус мунньаҕа быһылыкпытын талар быыбары ахсынньы 11 күнүгэр ыытыахха диэн биир санаанан быһаарбыппыт. Быыбар хампаанньата сэтинньи 14 күнүттэн саҕаланна. 6 киһи турунна. Баартыйабытыттан 2 күүстээх кандидат турар. Биһиги быыбардар чиэстээхтик, чиэһинэйдик, сиэрдээхтик, туох да хайдыһыыта, кирэ-хоҕо суохтук барыахтаахтар диэн эрдэттэн кытаанахтык быһаарсыбыппыт. Онон норуот бэйэтэ талан ылыаҕа. Этэргэ дылы, ким күүстээх – кыайыаҕа!

📝Иллэрээ күн "Саха" НКИХ Дьөккөн Сөдүөтүн туһунан биэриитин көрдөрдүлэр.👍 Ким кыайан көрбөтөх бу сигэнэн киирэн көрүөххүтүн сөп.
https://youtu.be/RvGhZv-Htbk Кыымнар Сөдүөтү биллиилээх ойуун быһыытынан эрэ буолбакка, хаһыаппыт дьиҥ эрэллээх ааҕааччытынан билэбит, махтанабыт. Ким да суруппат буолбут кэмигэр тохтообокко сурута сылдьыбыт этэ👍. 2018 сыллаахха кини туһунан суруйуу тахсыбыта. Ол сигэтэ бу баар:
https://kyym.ru/sonunnar/don/1402-d-kk-n-s-d-te

📝 Билэҕит дуу?
Сэтинньи 15 күнүттэн аахсыйа буола турар эбит. Диспансеризацияны эбэтэр профкөрүүнү ааспыт АЭБ " Карта жителя Якутии" баан каарталаах дьоҥҥо Дьокуускай "Чолбон" эбэтэр "Самородок" бассыайыннарыгар 25% наах чэпчэтии көрүллэр эбит.
Онуоха "ити чэпчэтии диспансеризацияны ааспыт ыйтан кэлэр ый 20 күнүттэн саҕалаан сыл бүтүөр диэри дьайар" диэбиттэр. Таах да, сылбыт бүтэрэ балтараа ый эрэ хаалбыт эбит. "Сыл устата дьайар" диэн, эһиилгини эмиэ эттэхтэрэ дуу? Итинник чэпчэтии көрүллэр успуорт эбийиэктэрэ эбиллиэхтэрэ диэбиттэр.
*Дьиҥинэн, бэйэ доруобуйатын итинник да манньата суох эрдэттэн көрдөрүнэ сылдьыахтаахпыт буоллаҕа😅. Буолаары буолан, сокуон быһыытынан, үлэлиир дьон диспансеризацияны ааһалларыгар биир үлэ күнүн үлэттэн көҥүллэтэр бырааптаахтар. Онтулара төлөнөр. Хас саастаах киһиэхэ, хас сыл буола-буола ол көҥүллэнэрин, ким икки күн көҥүллэтиэн сөбө уо.д.а. туһунан "Кыым" бэҕэһээҥҥи нүөмэригэр тахсыбыта.
* Иккис өттүттэн, итиччэ чэпчэтии көрүллүбүтүн туттумахтаһан, ороскуоту кыччатар туох куһаҕаннаах үһү?
Диспансеризацияҕа суруйтарар нүөмэр -- 122.

Бүгүн Дьокуускайга халлаан биллэрдик сылыйбытын бэлиэтээтигит дуо? Мантан ордук таһырдьа үлэлээччилэр үөрэр буолуохтаахтар✊🏼

Бу кэмҥэ киин куорат икки болуоссатыгар харыйалары туруоран бүтэрэн эрэллэр🤩
Саҥа дьылга диэри 44 эрэ күн хаалла☝🏼Ахсынньы үүннэ да, сыл бүтэһик ыйа биллибэккэ элэстэнэн ааһыа💨

Национальнай мэдиссиинэ киинин Перинатальнай кииниттэн Ньурба улууһун Васильевтар дьиэ кэргэннэрин үс игирэтин үөрүүлээхтик таһаардылар. Александралаах Владимир алтынньы  26 күнүгэр үс уолга биирдэ күн сирин көрдөрөн үс бүк үөрүүнү биллилэр. Кинилэр өссө кыыс уонна уол оҕолоохтор. Онон, аны биэс оҕолоох ыал ахсааныгар киирэллэр👍🏼

Быраастар кыһамньылаах сыһыаннарынан, оҕолор этэҥҥэ сайдан, улаатан эрэллэр. Төрөппүттэр уолаттарын Сандал, Эрчим, Уйгун диэн сахалыы ааттаабыттар.
Оҕолорго судаарыстыба уонна өрөспүүбүлүкэ таһымнаах босуобуйалары аныылларын таһынан, Саха АССР төрүттэммитэ 100 сылынан 100 тыһ. солк. сууммалаах сэртипикээттэри биэриэхтэрэ.

#кыымру #ньурба #үсигирэ

https://t.iss.one/kyymsakha

Хаҥалас Улахан Ааныгар 16.11.2022 эмискэ Өлүөнэ эбэҕэ үөһээ хайаттан уу бөҕө кэллэ диэн дьон соһуйуу-өмүрүү бөҕө буолбуттара.

Онуоха, ытык кырдьаҕастара Ойуку Харитонов киһи соһуйара суох, уруккуттан тахсар уу диэбит👆🏼

Саха сиригэр орто хамнас кээмэйин 90 000 кэриҥэ диэн таһаарбыттар🤔

Эһиги бэйэҕит эбэтэр билэр дьоҥҥут маннык хамнаһы ылаллар дуо?

#ясиа #хамнас #кыымру