📝 Бу үүммүт сылга Саха сиригэр социальнай хантыраагынан көмө оҥоһуллуутугар анаан, 1 миллиард солк. көрүллэр буолбут.
Ол аата, тииһинэн олоруу алын кээмэйигэр хапсыбат быыкаа дохуоттаах, бастайааннай үлэтэ -хамнаһа суох, ону тэҥэ олох уустук балаһыанньатыгар түбэспит дьон, холобур, урбаанынан дьарыктаныахтарын баҕардахтарына биитэр кэтэх хаһаайыстыба тэринэргэ, баары кэҥэтэргэ сананнахтарына, судаарыстыба кинилэри кытта социальнай хантыраак түһэрсэр.
Соцконтракт диэн -- судаарыстыба уонна кыһалҕаламмыт ыал (гражданин) икки ардыгар түһэрсиллэр сөбүлэҥ ааттанар. Онно олоҕуран, социальнай көмүскэл тэрилтэтэ үбүнэн көмөлөһөр. Оттон иккис өрүт, ол аата, өйөбүлүнэн туһанааччы, соцконтракка олоҕуран оҥоһуллубут көмөҕө тирэҕирэн олоҕун таһымын үрдэтэргэ, дьарык, үлэ булунарга тустаах эбэһээтилистибэни ылынар.

Манна хатылаан эттэххэ, итинник социальнай хантыраагы олохторугар уустук балаһыанньаҕа түбэспиттэри эмиэ түһэрсиэхтэрин сөп. Социальнай көмөҕө киирсэр эбит:
а) ыал үлэлиир саастаах киһитэ үлэ көрдүүрүгэр көмөлөһүү;
б) эбии идэҕэ үөрэнэригэр, саҥа идэни баһылыырыгар көмөлөһүү;
в) оҕолоро оскуолаҕа уонна да атын үөрэҕирии тэрилтэлэригэр сылдьалларын, дьарыктаналларын хааччыйыы;
г) арыгыттан, норкуотуктан бэйэ баҕа өттүнэн эмтэнэллэригэр көмөлөһүү;
д) олорор дьиэни -уоту, хаһаайыстыбаннай тутуулары өрөмүөннэнэллэригэр, дьиэлэрин сылааһынан хааччыналларын курдук күһүн-саас онно бэлэмнэнэллэригэр көмөлөһүү;
е) олох уустук балаһыанньатыттан тахсалларыгар, социальнай адаптацияны ааһалларыгар көмөлөөх тэрээһиннэри ыытыы.

Бу туһунан Үлэ, социальнай хааччыллыы министиэристибэтиттэн, Дьарыктаах буолуу кииннэриттэн, олохтоох дьаһалталартан даҕаны сиһилии ыйыталаһыахха сөп.
Үгэс курдук, социальнай хантыраагы түһэрсиэхтэрин баҕарааччылартан ирдэнэр докумуоннары уонна сайабылыанньаны судаарыстыбаннай уонна муниципальнай өҥө e-yakutia порталын туһанан эбэтэр гражданин олорор сиригэр баар үлэ уонна нэһилиэнньэ социальнай өттүнэн көмүскэллээх буолууга управлениетын электроннай почтатыгар да ыыттарааччылар.

📝Үөрэх-билии, туттуллар технология даҕаны биир сиргэ турбат. Сокуон-аахта да өттүгэр уларыйыы, эбии-сабыы киириитэ ханна барыай? Онон, этэргэ дылы, олоҕу кытта тэҥҥэ хаамыы, билиини -көрүүнү, сатабылы хаҥатыы, ардыгар умнуллуохча буолбуту сөргүтүү да наада буолара өйдөнөр.
Былырыын өрөспүүбүлүкэтээҕи бэтэринээр сулууспатын 191 үлэһитэ Бэтэринээр киинигэр, АПК салайааччыларын уонна исписэлиистэрин кылаастарын үрдэтэр Уһук илиннээҕи оскуолаҕа уонна олохтоох АГАТУ- га анал куурустарга үөрэнэн, идэҕэ кылаастарын үрдэтиммиттэр.
Бэтэринээрдэр противоэпизоотическай тэрээһиннэри былаанныырга, кыыл-көтөр сыстыганнаах ыарыыларын уталыппакка быһаарар сатабылга уонна ыарыы тарҕаныытын таһаарбат туһугар ыытыллыахтаах үлэлэри тэрийэргэ,
нуорма-быраап өттүнэн сөпкө дьаһанарга уо.д.а. туһалаах үөрэҕи ааспыттар.
Быйыл да идэ таһымын, кылааһын үрдэтии салгыы ыытыллыа. Онно 260 бэтэринээр исписэлиис үөрэниэхтээҕэ былааннанар.

📝"Өлүөхүмэ кыладабыайа" ("Кладовая Олёкмы") ыанньыктара 100 % ускуустубаннай буоһатыынан төрүүллэр.
✅Ньирэй дьыалабыай тахсыыта бу хаһаайыстыбаҕа сыллата 95-97 % буолар.
✅Хас сыл аайы ыанньык 25-30%-нын саҥардан, эдэр сүөһүнэн солбуйаллар. ✅Ыанньыксыттарын оҥорон таһаарыыта сыллата тупсар.
✳️Ааспыт сыл түмүгүнэн, хаһаайыстыба 50 ыанньыга –4️⃣ тыһ. л үүтү, 20-тан тахса ынахтара – 5️⃣тыһ. л үүтү биэрбиттэр.
❗ Киэн туттуулара, “кыһыл көмүс ынахпыт” диэн таптаан ааттыыр Эллада ыанньыктара былырыын 7️⃣1️⃣7️⃣8️⃣ л үүтү биэрбит. Өлгөм үүттээх ынаҕы оройуон массыынанан ыаһыҥҥа бастыҥ эпэрээтэрэ Наталия Павлова көрөн-истэн сылдьар.
✅Биир фуражнай ынахтан ааспыт сылга, ортотунан, 3️⃣5️⃣1️⃣1️⃣ кг үүт ыаммыт.

Национальнай бибилэтиэкэ устуоруйатын саалатыгар саха төрүт үҥкүүтэ Оһуокай РФ норуоттарын култууратын үйэлээх баайа буолбут үөрүүлээх түгэнин тула төгүрүк остуол буолан ааста.

Кыттааччылар оһуокайбытын салгыы хайдах харыстаан илдьэ сылдьабыт, хайдах сайыннарабыт диэн ыйытыыларга этиилэри киллэрдилэр.

Ол туһунан арыый хойутуу кэпсиэхпит.

#оһуохай #төгүрүкостуол #кыымру

Дьокуускайга -50 кыраадыска саахымат түргэн партиятын оонньоотулар🥶

Бу Арассыыйа саамай эдэр 16 саастаах гроссмейстера Володар Мурзин тириэньэрэ Михаил Кобалиялыын. Оонньуу түмүгэ 1:1.

Рекорд олохтонуон сөптөөх диэбэккит дуо?

#илдарханкубога #саахымат #кыымру