Prezident topshirig‘i:
Har bir mahallaning futbol stadioni bo‘ladi

Prezident Shavkat Mirziyoyev poytaxtimizning Yashnobod tumanidagi Dilbog‘ mahallasida bo‘lib, aholi turmush sharoiti bilan yaqindan tanishdi.

Prezident mahallada joylashgan O‘zbekiston Futbol assotsiatsiyasi huzuridagi Toshkent shahar futbol akademiyasini ko‘zdan kechirib, uning tarbiyalanuvchilari va sport sohasi masʼullari bilan suhbatlashdi.

Futbol bo‘yicha qarorlarimiz, iqtidorli bolalarga eʼtibor berganimiz tufayli o‘zbek futboli ham jahonga chiqa boshladi. Yevropa jamoalarida legionerlarimiz ko‘payyapti. Yoshlarimiz Olimpiadaga yo‘llanma oldi. Bu davomiy bo‘lishi uchun endi mahallalarda futbolni rivojlantirish kerak. Qo‘shimcha stadionlar qurib, uning ommaviyligini qo‘llab-quvvatlash zarur, – dedi Shavkat Mirziyoyev.

Prezidentimiz bunday sunʼiy qoplamali futbol maydonchalarini yurtimizdagi barcha 9452ta mahallaning har birida qurish, mahallalarda futbolni rivojlantirish bo‘yicha topshiriq berdi.

Bu albatta O‘zbekiston mahallalari uyushmasi zimmasiga alohida masʼuliyat yuklaydi.

https://t.iss.one/kuranbayev_k