103-ці тэатральны сезон - запрашае! 🎉

Дарагія і любімыя гледачы – вітаем вас! 🥳

Ужо першага верасня Купалаўскі тэатр адкрые свае дзверы, каб разам з вамі адкрыць 103-ці тэатральны сезон! 🎭

Што ж вас чакае? У 103-ім сезоне мы пазнаёмім вас з новымі артыстамі нашай трупы, разам ўбачым прэм'ерныя спектаклі, пабываем на гастролях, паўдзельнічаем у фестывалях, і шмат чаго яшчэ мы падрыхтавалі для вас!

І па традыцыі тэатральны сезон адкрые спектакль-візітоўка нашага тэатра – «Паўлінка»! П'еса была напісана больш 100 гадоў таму, а сваёй актуальнасці не губляе і сёння. Сакрэт такога ўнікальнага поспеху - у спалучэнні яркіх народных характараў, цікавага сюжэту, народных песень і танцаў, мілагучнай мовы класіка беларускай літаратуры і выдатнага майстэрства выканаўцаў.

Чакаем вас 💌

Квіткі можна набыць у касе тэатра і на сайце kupalauski.by

ПРЭМ’ЕРА! 🎉

103-ці сезон пачнецца с прэм'еры новага спектакля – «Гарачае сэрца» па п'есе А.Астроўскага ў рэжысёрскай пастаноўцы Заслужанага дзеяча мастацтваў Беларусі – Валянціны Ераньковай.

Ці задумваліся Вы калі-небудзь, якое ў Вас сэрца?
Поўнае кахання і пяшчоты ці халоднае і асцярожнае? А можа параненае, але якое імкнецца да палёту? А калі яно гарачае?

Падзеі, стасункі паміж людзьмі, якія адбываліся 100 гадоў таму, хвалююць нас і сёння! Выбар залежыць ад кожнага з нас! Каханне ці грошы? Годнасць ці сорам? І што рабіць, калі, як гаворыць адзін з галоўных герояў купец Кураслепаў: “Неба валіцца”? А калі ў Вас скралі вялікія грошы? А калі б - Вы скралі?
Разбураныя адносіны, зламаныя лёсы, пошук праўды, жыццё ў вяселлі, ад якога становіцца часам страшна!
І толькі адно гарачае сэрца галоўнай гераіні Парашы здольна змяніць жыццё кожнага. Бо трэба толькі паспрабаваць жыць па-людску!

ПРЭМ’ЕРНЫЯ ПАКАЗЫ 15 І 16 ВЕРАСНЯ!

Запрашаем 💌

Квіткі можна набыць у касе тэатра і на сайце kupalauski.by

Добры дзень, паважаныя гледачы!

Ужо ў гэты чацвер а 19.00 гадзіне на галоўнай сцэне можна будзе ўбачыць легендарную "Паўлінку", якой заўсёды адкрываецца новы тэатральны сезон 😍

І ўжо на гэтым тыдні можна будзе ўбачыць наступныя спектаклі 🎭

РЭПЕРТУАР НА ГЭТЫ ТЫДЗЕНЬ:

📆 01.09 – "Паўлінка"

📆 02.09 – "DONNA SOLA" (Жанчына адна)

Чакаем вас у госці 💌

Квіткі можна набыць у касе тэатра і на сайце kupalauski.by

Паважаныя сябры!

Нацыянальны акадэмічны тэатр імя Янкі Купалы віншуе Вас – З Днём ведаў, пачаткам навучальнага года! 💐

Няхай гэты год пройдзе плённа і цікава! Работнікам педагагічнай сферы жадаем моцнага здароўя, цярпення і прафесіяналізму, а студэнтам і школьнакам заставацца дапытлівымі, амбіцыйнымі і мэтанакіраванымі.

Са святам! 🎉

Паважаныя гледачы!

Афіцыйная старонка Telegram-канала Міністэрства культуры. Там можна будзе атрымліваць актуальную інфармацыю аб дзейнасці ведамства і ключавых падзеях сферы культуры.

https://t.iss.one/minkultrb

З даўніх часоў Купалаўскі тэатр лічылі велічным храмам мастацтва. Колькі роляў сыграна на яго падмостках, колькі вялікіх акцёраў пачыналі свой шлях тут! Сёння наш тэатр святкуе - Дзень нараджэння! 🥳

Дазвольце ад усяго сэрца павіншаваць усіх супрацоўнікаў нашага тэатра і падзякаваць за тую радасць, якую мы адчуваем, прыходзячы на спектаклі. Няхай ваша жыццё будзе, напоўнена радасцю, а ўсе праблемы вырашаюцца хутка і лёгка. Няхай гэтае свята падорыць вам выдатны настрой.

Жадаем моцнага здароўя, поспехаў ва ўсіх пачынаннях, дастатку і шчасця!

І вельмі сімвалічна, што сёння на нашай пляцоўцы праходзіць Прэзідыум савета Мінскага гарадскога аб'яднання арганізацый прафсаюза.

ПРЭМ’ЕРА! 🎉

Прэм'ера новага спектакля – «Гарачае сэрца» па п'есе А.Астроўскага ў рэжысёрскай пастаноўцы Заслужанага дзеяча мастацтваў Беларусі – Валянціны Ераньковай.

Ці задумваліся Вы калі-небудзь, якое ў Вас сэрца?
Поўнае кахання і пяшчоты ці халоднае і асцярожнае? А можа параненае, але якое імкнецца да палёту? А калі яно гарачае?

Падзеі, стасункі паміж людзьмі, якія адбываліся 100 гадоў таму, хвалююць нас і сёння! Выбар залежыць ад кожнага з нас! Каханне ці грошы? Годнасць ці сорам? І што рабіць, калі, як гаворыць адзін з галоўных герояў купец Кураслепаў: “Неба валіцца”? А калі ў Вас скралі вялікія грошы? А калі б - Вы скралі?
Разбураныя адносіны, зламаныя лёсы, пошук праўды, жыццё ў вяселлі, ад якога становіцца часам страшна!
І толькі адно гарачае сэрца галоўнай гераіні Парашы здольна змяніць жыццё кожнага. Бо трэба толькі паспрабаваць жыць па-людску!

ПРЭМ’ЕРНЫ ПАКАЗ 16 ВЕРАСНЯ!

Запрашаем 💌

Квіткі можна набыць у касе тэатра і на сайце kupalauski.by

🤝Адбылося падпісанне Дамовы аб супрацоўніцтве паміж Нацыянальным акадэмічным тэатрам імя Янкі Купалы і дзяржаўнай бюджэтнай установай культуры Рэспублікі Татарстан "Казанскі дзяржаўны акадэмічны рускі Вялікі драматычны тэатр імя У.І.Качалава".

✍Свае подпісы пад дакументам паставілі генеральны дырэктар Нацыянальнага акадэмічнага тэатра імя Янкі Купалы Аляксандр Віктаравіч Шастакоў і мастацкі кіраўнік-дырэктар Казанскага дзяржаўнага акадэмічнага Вялікага рускага драматычнага тэатра імя В.І.Качалава Аляксандр Якаўлевіч Славуцкі.

✔Дагавор прадугледжвае двухбаковае супрацоўніцтва ў сферы папулярызацыі нацыянальнага мастацтва Беларусі і Расіі, арганізацыю і правядзенне сумесных культурных мерапрыемстваў: мастацкіх выстаў, гастроляў творчых калектываў, фестываляў.

16 верасня адбылася прэм'ера спектакля - «Гарачае сэрца» паводле А.Астроўскага ў рэжысёрскай пастаноўцы заслужанага дзеяча Рэспублікі Беларусь Валянціны Ераньковай 🥳

Вялікі рускі драматург А.Н.Астроўскі (1823 – 1886) трэцяе стагоддзе з поспехам лідзіруе на тэатральных сцэнах. Сёння рэдка знойдзеш тэатр, дзе б не ставілі вялікага майстра, і кожны зварот да яго адкрывае новыя старонкі тлумачэння сюжэту, характараў і падрабязнасцяў быцця.

Валянціна Еранькова ўбачыла ў п'есе «Гарачае сэрца» тэатральную дамінанту, пашырыла жанр камедыі, прыўнесла ў яе азарт гульні і лірычныя ноты, убачыла вулічнай тэатр, дзе няма межаў паміж тым, як жывуць і прайграюць сваё жыццё героі, напаўняючы яе недарэчнымі падрабязнасцямі, сітуацыямі, канфліктамі.

Тэатр жыцця ва ўсіх яго выявах нараджае фантазія рэжысёра. Не руйнуючы першакрыніцу, яна рэальнасць ператварае ў маскарад, якое часам вырастае з простых бытавых дэталяў.

Запрашаем Вас на спектакль!

Бліжэйшыя паказы 2, 12 і 26 кастрычніка!

Квіткі можна набыць на kupalauski.by

Добры дзень, паважаныя гледачы!

Прапануем гэты тыдзень правесці разам з намі і паглядзець наступныя спектаклі 🎭

РЭПЕРТУАР НА ГЭТЫ ТЫДЗЕНЬ:

📆 20.09 – "Жаніцьба"

📆 21.09 – "Час жыцця"

📆 22.09 – "Паўлінка"

📆 23.09 – "Чакана гучна і да болю блізка"

📆 23.09 – "Музыка жыцця"

Чакаем вас у госці 💌

Квіткі можна набыць у касе тэатра і на сайце kupalauski.by

У гэты цудоўны восеньскі дзень свой Дзень нараджэння адзначае загадчык трупы – Марына Віктараўна Кудзінава-Смыслова! 🥳

Ад усяго калектыву тэатра мы шчыра жадаем Марыне Віктараўне заставацца такой жа сонечнай, энергічнай і натхняльнай☀️ Няхай жыццё напаўняюць толькі пазітыўныя эмоцыі і добрыя словы, а побач заўсёды будуць родныя і блізкія Вам людзі 🥰 Здароўя, шчасця і дабрабыту!
Віншуем!🎉

​27 верасня 2022 года калектыў Нацыянальнага акадэмічнага тэатра імя Янкі Купалы сардэчна віншуе з Днём Нараджэння генеральнага дырэктара тэатра - Шастакова Аляксандра Віктаравіча! 🥳

Паважаны Аляксандр Віктаравіч!
Сардэчна віншуем Вас З Днём Нараджэння!

Вы ўзначальваеце адзін з вядучых тэатраў нашай краіны - Нацыянальны акадэмічны тэатр імя Янкі Купалы. На сцэне тэатра ззяюць не толькі майстры, але і ўпэўнена набывае прызнанне і папулярнасць маладое пакаленне.

Вялікая заслуга гэтых дасягненняў належыць Вам, паважаны Аляксандр Віктаравіч. Дзякуючы вашай энергіі атрымоўваецца вырашаць самыя складаныя задачы і дасягаць пры гэтым поспехаў.

Выказваем шчырую ўдзячнасць за развіццё слаўных традыцый тэатральнага мастацтва і ад усёй душы жадаем натхнення, аптымізму, і поспехаў у абраным шляху!