❓#Биласизми

Японияликлар қўлда қўйиладиган имзо ўрнига "инкан" деб номланувчи муҳрдан фойдаланишади.

Кунчиқар юртда ҳар бир одамнинг шундай шахсий "имзоси" бор.

👉 Наманган хабарлари

Уйчи туманининг олий таълим муассасаларига кириш кўрсаткичи 19,9 фоизни ташкил этди

Туманда бугунги кунда жами 46 та умумтаълим мактаби ҳамда 1 та “Баркамол авлод” болалар маркази мавжуд.

Туманда таълим сифатини ошириш, таълим муассасалари моддий-техник базасини яхшилаш мақсадида 2020 йилда бюджет маблағларидан 520,1 млн сўм жорий таъмирлашга, 2,039 млн сўм маблағ иссиқлик тизими учун, 320,1 млн сўм маблағлар ҳомийлик асосида мактаблардаги таъмирталаб ҳожатхоналарни таъмирлашга
ажратилди.

Маълумот учун, 2019–2020 ўқув йилида Уйчида жами 2651 нафар ўқувчи 11-синфни тамомлаб, улардан 524 нафари олий таълим муассасаларига талабаликка қабул қилинди.

👉 Наманган хабарлари

Косонсойда меҳнатга лаёқатли 10,1 мингга яқин аҳоли ишсиз

Туманда меҳнатга лаёқатли аҳоли сони 116,3 минг кишини ташкил этади. Шундан 77,3 фоизи ёки 89,9 минг киши иқтисодий фаол аҳоли ҳисобланади. Бундан 11,3 фоизи ёки 10,1 мингга яқин фуқаро иш ўринларига муҳтож.

Ишсизлик даражаси аёллар ўртасида 45,9 фоизни ва ёшлар ўртасида 17,4 фоизни ташкил қилмоқда.

Шунингдек, 2020 йил 11 ойида 3 057 нафар ишсиз фуқаро доимий иш жойига эга бўлди, 190 нафар фуқаро меҳнат бозорида талаб юқори бўлган касбларга ўқитилди, 63 нафар ишсизга ишсизлик нафақаси тайинланди, 58 нафар фуқарога меҳнат бандлик масалалари бўйича ҳуқуқий маслаҳат хизматлари кўрсатилди.

2020 йилда банд қилинган 297 та иш ўрнига 126 нафар ижтимоий муҳофазага муҳтож фуқаро ишга жойлаштирилди.

👉 Наманган хабарлари

Қайси вилоятда қанча аҳоли бор?

Давлат статистика қўмитаси маълумотларига кўра, 2020 йил 1 октябр ҳолатига доимий аҳоли сонининг ҳудудлар бўйича тақсимланиши:

📌 Самарқанд вилояти – 3928,7 минг киши;
📌 Фарғона вилояти – 3802,7 минг киши;
📌 Қашқадарё вилояти – 3318,0 минг киши;
📌 Андижон вилояти – 3172,1 минг киши;
📌 Тошкент вилояти – 2977,8 минг киши;
📌 Наманган вилояти – 2852,3 минг киши;
📌 Сурхондарё вилояти – 2667,3 минг киши;
📌 Тошкент шаҳри – 2654,6 минг киши;
📌 Бухоро вилояти – 1939,6 минг киши;
📌 Қорақалпоғистон Республикаси – 1916,1 минг киши;
📌 Хоразм вилояти – 1884,1 минг киши;
📌 Жиззах вилояти – 1403,2 минг киши;
📌 Навоий вилояти – 1009,3 минг киши;
📌 Сирдарё вилояти – 856,9 минг киши.

👉 Наманган хабарлари

📹 Тўрақўрғонда ишга тушиши кўзда тутилган «Hyundai» қачон очилади?

Ушбу саволга Тўрақўрғон туман ҳокимлиги биносида бўлиб ўтган матбуот анжуманида туман ҳокими Зулайҳо Маҳкамова жавоб берди.

Унинг сўзларига кўра, пандемия сабабли нафақат ушбу завод, балки чет эл билан ҳамкорликдаги яна 6 та лойиҳа ишлари бошланмаган.

Эслатиб ўтамиз, ушбу заводга биринчи тамал тоши 2018 йил ноябр ойида, иккинчи тамал тоши эса 2019 йил апрел ойида қўйилган.

👉 Наманган хабарлари

​​Наманганда ялпи ҳудудий маҳсулот ҳажми 24,8 трлн сўмни ташкил этиши кутилмоқда

Халқ депутатлари Наманган вилоят кенгашининг 14-сессияси бўлиб ўтди.

Сессияда вилоят ҳокими Шавкатжон Абдураззоқовнинг 2020 йилда вилоятни ижтимоий-иқтисодий ривожлантириш якунлари, 2021 йилда кўзда тутилган режалар бўйича мурожаати тингланди.

Сессия Наманган вилоят телерадиокомпанияси томонидан ва вилоят ҳокимлигининг ижтимоий тармоқлардаги саҳифаларида тўғридан тўғри олиб кўрсатилди.

Вилоят раҳбарига кўра, 2020 йил якуни билан ялпи ҳудудий маҳсулот ҳажми
24,8 трлн сўмни ёки 103,1 фоизни ташкил этиши кутилмоқда.

Жумладан, ўтган йилга нисбатан саноат маҳсулотлари ишлаб чиқариш 112,0 фоизни, қишлоқ хўжалиги маҳсулотлари 103,9 фоизни, пудрат ишлари 111,2 фоизни, чакана савдо айланмаси 105,3 фоизни ва жами хизмат ҳажми 103,5 фоизни ташкил этиши кутилмоқда.

Аҳоли жон бошига ялпи ҳудудий маҳсулот ҳажми ўтган йилда 8,4 млн сўмни ташкил этган бўлса, 2020 йил якуни билан ушбу кўрсаткич 8,8 млн сўм ёки ўтган йилга нисбатан 404,7 минг сўмга ортади.

Шу билан бирга, аҳоли жон бошига саноат маҳсулотлари ҳажми 3,9 млн сўмни, қишлоқ хўжалиги маҳсулотлари 5,4 млн сўмни, пудрат ишлари 1,5 млн сўмни, чакана савдо айланмаси 4,2 млн сўмни ва хизмат ҳажми 3,1 млн сўмни ташкил этади.

👉Наманган хабарлари

🌦 #Об_ҳаво

20 декабр куни кутилаётган об-ҳаво тўғрисида маълумот

Гидрометеорология хизмати марказига кўра, эртага – 20 декабр куни Наманган вилоятида ҳаво ўзгариб туради. Ёмғир ва қор ёғиши мумкин.

Шамол ғарбдан 5-10 м/с тезликда эсади.

Ҳарорат кечаси -2…+3 даража совуқ, кундузи 0…+5 даража илиқ бўлади.

👉 Наманган хабарлари

Наманганда 351,1 млн долларлик маҳсулотлар экспорт қилинган

Жумладан, саноат маҳсулотлари экспорти ўтган йилга нисбатан 131,0 фоизга ортиб, 185,0 млн долларни ҳамда мева-сабзавот экспорти 110,0 млн долларни ташкил этди.

Бугунги кунда бутун дунёда пандемия шароитига қарамасдан, 44 та хорижий давлатга 598 турдаги маҳсулотлар экспорти амалга оширилди.

Амалга оширилган экспорт амалиётида янги қўшилган экспортёр корхоналар томонидан янги турдаги сув насослари, ички ёнув двигателлари (поршенли), дафтар, журнал, папка, кўзойнак каби бир қатор маҳсулотлар экспорти амалиёти кузатилди.

Биргина мисол, Наманган шаҳридаги “Namangan rezina plast” корхонаси томонидан 133,0 минг долларлик янги турдаги транспорт учун резина лента маҳсулотлари экспорти амалга оширилди.

Жорий йилда экспорт географияси кенгайиши ҳисобига Молдовия, Македония, Гана ва Кипр давлатларига 6,7 млн долларлик маҳсулотлар экспорт қилинди.

👉 Наманган хабарлари

📹 «Мардикор бозор деган гап умуман бизда қолмаслиги учун ҳаракат қиляпмиз» – Тўрақўрғон ҳокими

Тўрақўрғон ҳокими Зулайҳо Маҳкамова мева-сабзавотлар пишган пайтда териб олиш, саралаш, юклаш каби ишларга брокерлар томонидан ёллаган мардикорларни шартнома асосида ишлатишга ўтилаётганини айтиб ўтди.

Бунда ёлланган ишчининг ҳақ-ҳуқуқлари, хавфсизлиги таъминланиши кўзда тутилган.

👉 Наманган хабарлари

Наманганга 34 091 нафар турист ташриф буюрган

Вилоятда туризм хизматлар экспорти ҳажми 5,4 млн долларни ташкил этди.

Бундан ташқари, Чортоқ туманидаги “Султон Увайс Қароний” зиёратгоҳи (14,0 млрд сўм), Тўрақўрғон туманидаги “Ахсикент очиқ осмон музейи” (3,4 млрд сўм), Чуст туманидаги “Бибиона” зиёратгоҳи (7,1 млрд сўм), Поп туманидаги “Ҳазрати Боб” зиёратгоҳи (2,3 млрд сўм) қурилиш ва реконструкция ишларига бюджет маблағлари ҳисобидан жами 26,8 млрд сўм сарфланди.

👉Наманган хабарлари

🗓 19 декабр:
📢 Асосий хабар ва янгиликлар

⚖️ Туман ва шаҳарларда маъмурий судлар нега тугатилаётгани сабабини Олий суд раиси тушунтирди

⛽️ Айрим солиқ ставкалари 2021 йил февралда ўзгаради. Бензин нархи яна ошади

💊 Самарасиз профилактика ёхуд гидроксихлорохинда қандай сир бор?

📢 Ўзбекистонда ёлғон ахборот тарқатганлик учун жиноий ва маъмурий жавобгарлик белгиланмоқда

✅ Сенаторлар туҳмат ва ҳақорат учун озодликдан маҳрум қилиш жазосини бекор қилишни маъқуллади

⚽️ Лионел Месси Пеленинг «такрорланмас рекорди»ни такрорлади

Kun.uz Telegram каналлари:
👉 Ўзбекча | 👉 O‘zbekcha

📹 «Мақсадимиз, аввало, муносиб иш ўрни яратиб, шуни таклиф этиш, холос, маъқул келса, келиб ишласин» – Шавкатжон Абдураззоқов

Ижтимоий тармоқларда Наманган вилояти Уйчи туман ҳокимининг халққа йўллаган мурожаатида ички ишлар бўлими бошлиғига муҳожирлар ҳолидан хабар олиш ва ойига 200 доллардан кам пул юбораётганларни Ўзбекистонга қайтариш топшириғи берилган мазмунидаги сўзлари кенг муҳокамаларга сабаб бўлди.

Бу маълумот бўйича Наманган вилояти раҳбари фикрини эшитдик.

Суҳбат давомида бу баёнотни туман ҳокими эмас, туман ИИБ бошлиғи айтганлиги ва ушбу маълумотни тарқатган интернет нашри хатога йўл қўйганлиги маълум бўлди.

Шавкатжон Абдураззоқовнинг айтишича, мигрантларга ўз юртида муносиб иш ўрни яратиш ва уларга тавсия этиш бўйича учинчи сектор раҳбарларига вазифалар юклатилган. Вилоят раҳбари, албатта, бу мигрантлар танлови эканини айтиб ўтди.

👉 Наманган хабарлари

📹 «Кўп масала шу орқали ҳал бўлмоқда» – Наманган вилояти ҳокими ижтимоий тармоқда муаммоларни ўрганиши ҳақида гапирди

Тўрақўрғон маданият саройида журналист ва блогерлар иштирокида бўлиб ўтган матбуот анжуманида Наманган вилояти ҳокими Шавкат Абдураззоқов ижтимоий тармоқларда фаол бўлишни ёқлади.

➡️ Батафсил ўқинг

Маълумот учун, ҳокимнинг ҳудудлардаги ўрганишлари фейсбук тармоғида доимий равишда тўғридан тўғри эфирга узатилади.

👉Наманган хабарлари

​​Косонсойда йил якунигача 20 та янги корхона ташкил этилади

Бу ҳақда Халқ депутатлари Косонсой тумани Кенгашининг йигирма биринчи сессиясида маълум қилинди.

Унда туман ҳокими Баҳодир Юсуповнинг йил якуни ва келгуси йилги режаларга бағишланган "Халққа мурожаати" тингланди.

Баҳодир Юсуповга кўра, бугунги кунда туманда 1 декабр ҳолатига 4 025 тадбиркорлик субъекти фаолият кўрсатмоқда. Йил якунигача яна 20 та янги корхона ташкил этиш режалаштирилган.

Саноат ишлаб чиқариш ҳажми 2019 йил йил якуни билан 355,5 млрд сўмни ва аҳоли жон бошига 1723,9 сўмни ташкил қилган бўлса, йил якуни билан 402,7 млрд сўмга (ўтган йилнинг мос даврига 104,0 фоизга кўпайиши) ва аҳоли жон бошига 1,9 млн сўмга етказиш белгиланган.

Шунингдек, 2021 йил 1-ярим йилликда 68,9 млрд сўмлик маҳсулот ишлаб чиқарилишини ёки ўтган йилнинг мос даврига нисбатан 105 фоизга ошириш режалаштирилмоқда.

2020–2021 йилларда туманда саноат, қишлоқ хўжалиги ҳамда хизматлар соҳасида умумий қиймати 614 млрд 159 млн сўмлик 149 та лойиҳани ишга тушириш ҳисобига 1 821 та янги иш ўрни яратиш белгиланган.

👉 Наманган хабарлари

​​Давлатободда 66 та лойиҳа фойдаланишга топширилиши ҳисобига 5117 та янги иш ўрни яратилди

Халқ депутатлари Давлатобод туман кенгашининг 2-сессияси бўлиб ўтди.

Туман ҳокими Анваржон Тожимирзаевга кўра, 5 та кичик саноат зонаси учун 140,0 гектар ер майдони ажратилган бўлиб, 218 та лойиҳага умумий қиймати 1 трлн 900 мрлд сўм маблағ сарфланиши, 190 млрд сўм солиқ тўловлари туширилиши ва 14000 та янги ишчи ўрни яратилиши режалаштирилган.

Бугунги кунга қадар 688 млрд сўмлик 66 та лойиҳа фойдаланишга топширилиши билан 5117 та янги иш ўрни, 280 миллиард сўмлик маҳсулотлар ишлаб чиқариш, 3 миллион долларлик экспорт, 67 млн долларлик импорт ўрнини босувчи маҳсулотлар ҳамда 50 млрд сўм бюджетга солиқ тушириш имкониятлари яратилди.

2021 йилда ушбу кичик саноат зоналарида қиймати 1 триллион сўмлик 152 та лойиҳа ишга туширилиб, йиллик 950 млрд сўмлик саноат маҳсулотлари ишлаб чиқариш, 326 миллион долларлик импорт ўрнини босувчи маҳсулотлар, 20,5 миллион долларлик экспорт ҳажмига эришилиб, 8500 та янги иш ўрни яратилиши кутилмоқда.

Шунингдек, туманидаги “Янги тонг” МФЙ ҳудудидаги 4 та кўп қаватли уйнинг том қисми таъмирланиб, замонавий болалар спорт майдончаси ташкил этилди.

2021 йилда кўп қаватли уйлар олдига 37 та янги болалар спорт майдончаси қурилади, 7 таси капитал таъмирланади, 76 та кўп қаватли уй атрофидаги 6700 погонометр ирригация тармоғи ва 129 та кўп қаватли уй атрофидаги 43400 кв м йўлаклар таъмирланади. 130 та кўп қаватли уй атрофига 286 та ёритиш чироғи ўрнатилади.

Ушбу мақсадлар учун 9 млрд сўм маблағ сарфлаш кўзда тутилмоқда.

👉Наманган хабарлари