🔺AQSH dollarining rasmiy kursi yana ko‘tarildi

Markaziy bank 14-yanvardan xorijiy valutalarning o‘zbek so‘miga nisbatan yangi qiymatini belgiladi.

🇺🇸 USD 12 972,08 soʻm (+15,08)
🇷🇺 RUB 126,61 soʻm (-1,16)
🇪🇺 EUR 13 223,74 soʻm (-121,97)

👉 @kunonline

Grenlandiyaning beshta partiyasi ham Trampning orolni AQSHga qo‘shib olish g‘oyasiga qarshi chiqdi, deb xabar bermoqda Daniya radiosi.

Partiyalar AQSHga qo‘shilishga emas, Daniyadan mustaqillikka intilayotgani haqida bayonot berishgan.

👉 @kunonline

500 nafar mansabdorning korrupsiyaga moyilligi tekshiriladi

O‘zbekistonda 2025 yil davomida kamida 500 nafar rahbarlik lavozimlarda ishlayotganlar va ushbu lavozimlar uchun zaxirada turganlarning korrupsiyaga moyilligi darajasi baholanadi.

👉 @kunonline

Toshkentda BYD’ning qo‘pol qoidabuzarligi ortidan ikki piyoda jarohat oldi

Poytaxtning Mirzo Ulug‘bek tumanida BYD haydovchisi svetoforning miltillovchi yashil chirog‘ida o‘tib ketishga urinib, oldinda to‘xtab turgan Nissan avtomobili bilan to‘qnashgan. Natijada Nissan qarama-qarshi yo‘nalishga chiqib ketib, ko‘chani kesib o‘tayotgan piyodalarni urib yuborgan.

👉 @kunonline

Mask TikTok’ni sotib olishi mumkin — Bloomberg

Agentlik xabariga ko‘ra, Xitoy hukumati AQShda TikTok’ning bloklanishiga yo‘l qo‘ymaslik uchun ijtimoiy tarmoqning Amerikadagi bo‘limini Ilon Maskka sotish imkoniyatini ko‘rib chiqmoqda.

Agar bunday kelishuv amalga oshsa, TikTok Maskka tegishli X nazoratiga o‘tishi mumkin. Xitoy ma’muriyati Tramp ma’muriyati bilan tariflar va eksport nazorati masalalarida “murakkab muzokaralar” o‘tkazishi kerak bo‘ladi. Bloomberg ta’kidlashicha, TikTok bilan bitim “munosabatlarni yaxshilash uchun imkoniyat” sifatida qaralmoqda.

O‘z navbatida TikTok vakili Maskning ijtimoiy tarmoqni sotib olishi haqidagi gaplarni “uydirma” deb atadi.

AQShda 19-yanvardan TikTok’ni taqiqlash haqidagi sud qarori kuchga kiradi.

👉 @kunonline

Kaliforniyadagi o‘rmon yong‘inlarini o‘chirishga 900 dan ortiq mahbus jalb qilindi

Shtat hukumati anchadan beri bu usulni qo‘llab keladi. Mahbuslarga bu ish uchun kuniga 10 dollar va favqulodda vaziyatlarda ishlagan har bir soati uchun qo‘shimcha 1 dollar beriladi. Bundan tashqari, xizmat qilgan har bir kun uchun mahkumning qamoq muddatidan ikki kun ayriladi.

Ko‘pchilik tanqidchilar bu dasturga qarshi. Ular mahbuslar xavfli ish uchun AQShdagi eng kam ish haqidan ham kamroq maosh olishini aytmoqda.

👉@kunonline

Kanadada O‘zbekiston bosh konsulxonasi ochilishi rejalashtirilmoqda

Ushbu masala 2025-yilga mo‘ljallangan davlat dasturi loyihasiga kiritilgan.

👉@kunonline

Parij Olimpiadasining 100 dan ortiq medali nuqsonli bo‘lib chiqdi

Sovrindorlar ularni Xalqaro olimpiya qo‘mitasiga qaytardi. Qo‘mita medallarni almashtirishga va’da bermoqda.

👉 @kunonline

Mahalla raislarining vakolat muddati 3 yildan 5 yilga uzaytiriladi

Raisning vakolatlari muddatidan ilgari tugatilgan taqdirda uning o‘rniga yangi rais ham 5 yilga saylanadi.

👉 @kunonline

14-yanvar Vatan himoyachilari kuni munosabati bilan kuch tuzilmalari rahbarlari “Yangi Oʻzbekiston” bogʻidagi Mustaqillik monumentiga gul qoʻydi

Rasmda chap tarafdan:

Mudofaa vaziri — general-mayor Shuhrat Xolmuhamedov

DXX raisi — general-polkovnik Bahodir Qurbonov

DXX raisi oʻrinbosari — general-mayor Botir Tursunov

Ichki ishlar vaziri — general-leytenant Poʻlat Bobojonov

Milliy gvardiya qoʻmondoni — general-mayor Rustam Joʻrayev

Favqulodda vaziyatlar vaziri — general-mayor Abdulla Qoʻldoshev

Bojxona qoʻmitasi raisi — general-mayor Akmalxoʻja Mavlonov

Foto: Mudofaa vazirligi axborot xizmati

👉 @kunonline

Samarqand shahri kengayadi

Deputatlar qabul qilgan qaror loyihasiga ko‘ra, Oqdaryo tumanidan 243 gektar va Samarqand tumanidan 170 gektar yer maydoni Samarqand shahri tarkibiga o‘tkaziladi.

👉 @kunonline

Bosh prokuror va O‘zbekiston kurash federatsiyasi rahbari Nig‘matilla Yo‘ldoshev O‘zbekiston sport kurashlari assotsiatsiyasi raisi etib saylandi

Avvalroq bu lavozimda “Salimboy” nomi bilan tanilgan Salim Abduvaliyev faoliyat yuritgan.

👉 @kunonline

Toshkentga 1000 ta yangi avtobus olib kelinadi

Bundan tashqari, poytaxtdagi avtobus bekatlariga QR-kodli bir martalik qog‘oz chiptalarni xarid qilish uchun 675 dona infokiosk o‘rnatish rejalashtirilgan, deb ma’lum qildi transport vaziri Ilhom Mahkamov.

👉 @kunonline

Germaniya o‘zbekistonlik haydovchilarni ishga taklif qilmoqda

Papenburg logistika kompaniyasi nafaqat ish bilan ta’minlash, balki xodimlarni Yevropa standartlari bo‘yicha o‘qitishni ham maqsad qilgan. Haydovchilar stajirovka davrida 800 yevro maosh oladi. Stajyorlik qilayotgan o‘zbekistonlik yigitlardan biri bu haqda DW nashriga intervyu berdi.

Germaniyada hozirda 70 ming yuk mashina haydovchilari yetishmayapti.

👉 @kunonline

Janubiy Koreya prezidenti Yun Sok Yol hibsga olindi

Mamlakat tarixida birinchi marta vaqtincha lavozimidan chetlatilgan, ammo amaldagi prezident Yun Sok Yol qo‘zg‘olonchilikda ayblanib hibsga olindi, deb xabar bermoqda Yonhap.

👉 @kunonline

Rossiya sudi Googleʼni 8 mlrd rubl jarimaga tortdi

Google ma’muriy jazodan bo‘yin tovlaganlikda aybdor deb topilgan. Sudda aynan qaysi holat bo‘yicha ish ko‘rib chiqilgani oshkor qilinmagan.

👉 @kunonline

Armaniston va AQSH strategik sheriklik to‘g‘risidagi hujjatni imzoladi

Davlat departamenti rahbari Blinken AQSH “Armaniston suverenitetini mustahkamlashni maqsad qilganini” ta’kidladi.

👉 @kunonline