Плён пладатворнай работы. Учора, 26 сакавіка, кіраўнікі народных тэатраў Астынскага Дома культуры і тэатральнай творчасці Мадаян М.С. і Шандроха І.С прымалі ўдзел у прэзентацыі кнігі навукова - папулярнага выдання "Народны тэатр: шлях да сцэны" у г. Слуцку, які ладзіўся ў рамках праекта Мінскай вобласці. На працягу 2022 года кіраўнікі гэтых тэатральных калектываў рыхтавалі інфармацыю аб станаўленні, развіцці і, увогуле, аб жыцці тэатраў у г.п. Астрына. Яна увайшла поўнасцю, на 6 лістах цудоўнай кнігі, падцверджанная фотаздымкамі з архіўных фондаў удзельнікаў, былых кіраўнікоў і Астрынскага Дома культуры і тэатральнай творчасці. Ганарымся, чакаем кнігу і новых сустрэч на тэатральных скрыжаваннях!

❗️ЧАКАЕМ ВАС ДА НАС❗️
Хто куды, а мы на свята-кірмаш “Гродзенскія традыцыі да свята Вялікадня”!!!

1 сакавіка, у гістарычным цэнтры Гродна, на пляцоўцы каля Маладзёвага цэнтра “Гродна” (вул.Савецкая, 8), дзе традыцыйна праходзяць многія святы народнай творчасці, а 12.00 гадзіне распачнецца рэгіянальнае свята-кірмаш вырабаў рамеснікаў “Гродзенскія традыцыі да свята Вялікадня”.

Кірмаш традыцыйны для нашага горада і будзе ўжо праходзіць у восьмы раз. Яго ўдзельнікамі з’яўляюцца больш за сто майстроў народнай творчасці са ўсёй вобласці, а таксама рамеснікі з іншых рэгіёнаў Беларусі.

Паважаныя прыхільнікі народнай творчасці і традыцый, у вас будзе магчымасць:
🔅 паглядзець на цудоўныя творы майстроў,
🔅паўдзельнічаць у майстар-класах
🔅набыць усё неабходнае для надыходзячых велікодных святаў!

А таксама атрымаць асалоду ад канцэртных выступленняў вядучых аматарскіх калектываў Гродзенскай вобласці.

Чакаем Вас! Будзе з густам і па-народнаму!