✨ На Астравеччыне працягваецца раённы этап агляда-конкурса аматарскіх аб'яднанняў "Свет захапленняў". І на гэты раз мы дакрануліся да мясцовых сямейных звычаяў і абрадаў.
Сямейныя звычаі і абрады аб'яднаны вакол найважнейшых пераломных момантаў жыцця чалавека: нараджэння, шлюбу і смерці. У выніку працяглага гістарычнага развіцця з гэтых жыццёвых цыклаў склаліся тры самастойныя складаныя рытуалы: радзін, вяселля, пахавання. Варта адзначыць, што ў кожным рэгіёне Беларусі маюцца свае адметныя рысы абраднасці. Што казаць пра рэгіён, калі у суседніх раёнах, ці нават часам у суседніх вёсках варыянты таго ці іншага рытуалу адрозніваюцца.
Так, супрацоўнікі філіяла "Міхалішкоўскі сельскі клуб" доўгі час збіралі абрадавы матэрыял па вёсках Міхалішкаўскага с/с. На рэшце, вашай увазе прапануецца цікавы сцэнар міхалішкоўскага варыянту аднаго з сямейных абрадаў - хрэсьбін. Хрэсьбіны– гэта прыняцце нованароджанага ў сям'ю і грамадства, а таксама далучэнне дзіцяці да спрадвечнай веры дзядоў і прадзедаў, прыняцце яго ў рэлігійную абшчыну.
А якія ж асаблівасці "хрэсьбін" на Астравецкай зямлі прадэманстравалі удзельнікі аматарскага аб'яднання жаночага клубу "Жаночая размова" і ансамбль народнай песні "Вілія".

https://youtu.be/rLOWsjA-2Go