Майстэрня духоўна-каштоўнасных арыентацый "Пакроў Багародзіцы – рукі маці, рукі Радзімы"

Супрацоўніцтва Лідскага музея з Лідскім благачыннем з'яўляецца добрай традыцыяй на працягу многіх гадоў.

13 кастрычніка прайшло сумеснае мерапрыемства "Пакроў Багародзіцы – рукі маці, рукі Радзімы", прысвечанае праваслаўнаму святу Пакроў Прасвятой Багародзіцы і Дню маці. Удзельнікамі мерапрыемства сталі вучні 7 "А" і 7"В" класаў ДУА "СШ № 16 г. Ліды". Благачынны цэркваў Лідскай акругі протаіерэй Расціслаў Салаўёў расказаў аб цудоўных гістарычных падзеях свята, якія адбыліся ў Канстанцінопалі больш за тысячу гадоў таму, аб храмах на Лідскай зямлі названых у гонар свята Пакроў.

Валынец Н. М., старшы навуковы супрацоўнік музея, паказала складаны і трагічны лёс жанчыны-маці ў Вялікай Айчыннай вайне, яе неацэнны ўклад у перамогу над ворагам.

📎Традыцыйнымі для Гродзеншчыны з’яўляюцца “белыя” гродзенскія ручнікі. Іх вылучае дэкаратыўнасць і дасканаласць рэльефнай структуры вытканай тканіны. На канцах дапоўнены вышыўкай крыжыкам і гладдзю, пазней тканым пераборным бардзюрам з расліннымі матывамі.

📎Дэкаратыўна-рэпрэзэнтатыўнымі з’яўляюцца гродзенскія “пераборныя” ручнікі. Для іх характэрна вертыкальная кампазіцыя – раўнамерна размешчаныя ў адзін ці некалькі радоў выявы ромбаў, разетак, зорачак, кветак.

📎Традыцыйным тэкстыльным вырабам Панямоння былі тканыя паясы. Самым папулярным колерам арнаменту такога поясу быў чырвоны.

📎Рэгіянальнай адметнасцю вылучаюцца посцілкі, якія спалучаюць колеравы кантраст шматколерных вясёлкавых і манахромных палос, так званыя “радугі” ці “пасякі”.

📎Візітнай карткай народнага ткацтва Панямоння з’яўляюцца гродзенскія падвойныя (двухасноўныя) дываны. Самай вядомай ткачыхай, якая іх ткала на Гродзеншчыне была Я.Райская з в. Адэльск Гродзенскага раёну.