🇧🇾🇧🇾Прадстаўляем Вам тэматычную экспазіцыю дасягненняў у эканамічным і культурным жыцці Гродзенскай вобласці на рэспубліканскай выстаўцы “Пад сцягам міру і стварэння”, прымеркаванай да святкавання Дня Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь.
Культуру Панямоння на выстаўцы прадстаўляюць ўзоры народнага мастацтва рэгіёна. Гэта элементы гісторыка-культурных каштоўнасцей Беларусі, якія бытуюць на тэрыторыі нашай вобласці: “белаўзарыстае ткацтва”, “мастацкае саломапляценне”, “сапоцкінская пісанка”, “гродзенскія велікодныя вербы (пальмы)”, а таксама характэрныя для нашага рэгіёна традыцыйныя рамёствы: чорнаглянцавая кераміка, пляценне паясоў, рэплікі народнага строю Гродзеншчыны.

У экспазіцыі рэспубліканскай выстаўкі таксама  прадстаўлена прадукцыя буйных вядучых прадпрыемстваў Гродзеншчыны такіх як: адкрытае акцыянернае таварыства “Гродзенскі мясакамбінат” адно з буйнейшых у Беларусі мясаперапрацоўчых прадпрыемстваў поўнага цыклу.
Адкрытае акцыянернае таварыства “Молочный мир” - адзін з лідараў малочнай галіны ў Рэспубліцы Беларусь, які з’яўляецца сучасным прадпрыемствам высокай культуры вытворчасці і працягвае добрыя традыцыі, закладзеныя ў далёкім 1938-ым годзе.
Адкрытае акцыянернае таварыства “Шклозавод “Нёман” - адзінае прадпрыемства ў Рэспубліцы Беларусь з векавымі традыцыямі шклаварэння, які размешчаны ў г. Бярозаўка Лідскага раёна Гродзенскай вобласці. Традыцыя, якая прыйшла да нас з глыбіні стагоддзяў, сама па сабе заслугоўвае права на званне нацыянальнага сімвала – яркага сведчання таленту, бясконцай вытворчай энергіі, творчага багацця беларускіх майстроў.
Адкрытае акцыянернае таварыства “Гродна Азот” уваходзіць у склад найбольш буйных хімічных прадпрыемстваў краіны, якія ўтвараюць аснову яе нафтахімічнага комплексу. Было заснавана ў 1963 годзе як завод азотных угнаенняў.