Нагадваем вам, што 1 красавіка на плошчы Савецкай, у гістарычным цэнтры горада Гродна, пройдзе рэгіянальны фестываль-кірмаш вырабаў рамеснікаў “Гродзенскія традыцыі да свята Вялікадня”. Сувеніры з лазы, саломы, дрэва, бісеру, яечнай шкарлупіны, плеценыя кошыкі, карціны з атласных стужак, размаляваныя камяні, тканыя палавікі – кожны госць кірмашу зможа знайсці тут сувенір па душы.
У рамках свята будзе арганізавана таксама выстаўка элементаў нематэрыяльнай спадчыны Гродзенскай вобласці і майстар-класы ад носьбітаў.
Выступленні калектываў аматарскай творчасці, побытавыя танцы, народныя гульні, шмат гумару нікога не аставяць раўнадушнымі.
Пабываўшы аднойчы на свяце, Вы будзеце з нецярпеннем чакаць наступнай сустрэчы, як чакаюць яе тыя, для каго велікодная выстаўка стала традыцыйным і любімым святам!
Далучайцеся да нашай вялікай творчай каманды, наведвайце, выбірайце, купляйце і, канешне, упрыгожвайце сваё жыццё непаўторнымі і ўнікальнымі рэчамі!

Сёння, 25 сакавіка свой 84 дзень нараджэння адзначае Мар'ян Антонавіч Скрамблевіч - знакаміты майстар па вырабе народных драўляных духавых і ударных інструментаў, народны музыкант, разьбяр, паэт, кампазітар, віртуозны выканаўца, эксперыментатар і проста сціплы мудры чалавек.
Паважыны Мар'ян Антонавіч, шчыра віншуем Вас з Днем нараджэння!
У вашай асабе злучыліся такія неад'емныя якасці сапраўднага грамадзяніна сваёй караіны як сіла духа, людскасць, гумар і сумленнасць. Няхай ваш бясцэнны вопыт аховы і захавання слаўных народных традыцый дапамагае нам, больш маладому пакаленню, дасягаць выдатных вынікаў прадаўжэння вашай справы. Жадаем Вам моцнага здароўя, сіл і энергіі ўвасобіць усё задуманае з лёгкасцю і задавальненнем! Заставайцеся заўсёды галоўнай зоркай у нашым культурным сузор'і!.