Арыгінальныя вырабы майстроў стануць своеасаблівай візітоўкай Гродзенскай вобласці.

Майстры народных мастацкіх промыслаў і рамёстваў ад кожнага раёна вобласці прымуць удзел у абласной выстаўцы-конкурсе дэкаратыўна-прыкладнога мастацтва “Велікодны падарунак”, якая пачне дзейнічаць УЖО ЗАЎТРА 14 сакавіка ў дэманстрацыйнай зале Гродзенскага абласнога метадычнага цэнтра народнай творчасці.
Галоўнай мэтай выставы-конкурсу з'яўляецца адраджэнне, захаванне і развіццё традыцыйных відаў дэкаратыўна-прыкладнога мастацтва ў раёнах Гродзенскай вобласці, далучэнне шырокай грамадскасці да традыцыйнай культуры рэгіёну, папулярызацыя элементаў нематэрыяльнай культурнай спадчыны Гродзеншчыны.
Нашы майстры – гэта цэлая творчая планета, дзе ўдала спалучаюцца мінулае і сучаснасць, дзе захоўваюцца і папулярызуюцца традыцыі продкаў, а традыцыі, як вядома, жывуць, пакуль жыве майстар.
Гродзенцы і госці горада змогуць паўдзельнічаць у майстар-класах і ўбачаць працы, выкананыя ў розных відах і тэхніках выяўленчага мастацтва і дэкаратыўна-прыкладнога мастацтва, прысвечаных Вялікадню.
Адкрыцце выстаўкі 14 сакавіка а 15.00 гадзіне. Выстаўка будзе доўжыцца з 14 сакавіка па 17 красавіка 2023 года.

15 сакавіка – Дзень Канстытуцыі Рэспублікі Беларусь.
У Лідскім гісторыка-мастацкім музеі працуе выстаўка «Канстытуцыя – Асноўны Закон маёй дзяржавы», на якой наведвальнікі могуць пазнаёміцца з гісторыяй ўзнікнення і развіцця канстытуцыйнага права ў нашай краіне.
Канстытуцыя Рэспублікі Беларусь з’яўляецца Асноўным Законам дзяржавы, які мае вышэйшую юрыдычную сілу на ўсёй тэрыторыі краіны. У Канстытуцыі закладзены асновы рэгулявання прававой, палітычнай і эканамічнай сістэмы дзяржавы, парадак фарміравання і функцыянавання органаў улады. Палажэнні Канстытуцыі знаходзяць сваё развіццё ў бягучым заканадаўстве.
Канстытуцыя была прынята 15 сакавіка 1994 г. Вярхоўным Саветам Рэспублікі Беларусь і з’яўляецца першай у гісторыі суверэннай рэспублікі і пятай па ліку Канстытуцыяй Беларусі (пасля Кастрычніцкай рэвалюцыі 1917 г.). У 1996 г. на рэспубліканскім рэферэндуме Канстытуцыя была выкладзена ў новай рэдакцыі. У 2004 г. па выніках рэспубліканскага рэферэндуму ў Канстытуцыю былі ўнесены змяненні. 27 лютага 2022 г. адбыўся рэспубліканскі рэферэндум па пытанні ўнясення змяненняў і дапаўненняў ў Канстытуцыю Рэспублікі Беларусь. Грамадзяне адказалі на пытанне, якое даслоўна было абазначана ў бюлетэні для галасавання: «Ці прымаеце Вы змяненні і дапаўненні Канстытуцыі Рэспублікі Беларусь?». Абноўлены Асноўны Закон быў вынесены на рэферэндум пасля этапу ўсенароднага разгляду і дапрацоўкі праекта змяненнняў і дапаўненняў з улікам меркаванняў грамадзян. Адобрылі змены ў Канстытуцыю 82,86% ад прагаласаваўшых (больш 4,4 млн. беларусаў). Па выніках усенароднага абмеркавання ў тэкст Канстытуцыі ўнесена некалькі дзясяткаў паправак.
На выстаўцы ў наведвальнікаў будзе магчымасць пагартаць Канстытуцыі БССР і Рэспублікі Беларусь розных гадоў выдання. Параўнаць, знайсці дапаўненні, зрабіць высновы.

😱В плену у Разума?🔥

‼️17 марта в 17.00 в главном корпусе областной библиотеки состоится настоящее музыкальное событие‼️

🎼Новая концерт-лекция «В плену у Разума?» от преподавателей и учащихся Гродненского музыкального колледжа представит самые яркие музыкальные открытия эпохи Классицизма. 🪕Шедевры струнного квартета и фортепиано🎹, дуэты кларнетов и завораживающее оперное пение💃!
👍 Этот концерт обязательно должен войти в программу вашего пятничного вечера❤️

☺️Встречаемся в главном корпусе библиотеки: ул. Карбышева, 17.

☎️Справки по тел. 71-89-49.
👏Вход свободный!