#Yangiliklar

Mafkuraviy xurujlarga qarshi kurashishda imom-xatiblarning o‘rni

“Ko‘kaldosh” o‘rta maxsus islom bilim yurtida soha mutaxassislarini jalb etib “Yot g‘oyalarga qarshi immunitetni shakllantirish hamda adashgan oqimlarga raddiya berish ko‘nikmalari va uslublari” nomli maxsus kurs doirasida seminar-trening mashg‘ulotlari olib borish yo‘lga qo‘yilgan. Yuqoridagi omillarni hisobga olgan holda 29-may kuni mazkur maxsus kursni bilim yurti mudarrisi J.Ahmedov “Mafkuraviy xurujlarga qarshi kurashishda imom-xatiblarning o‘rni” mavzusida olib bordi.

Batafsil: https://kukaldosh.uz/30/05/2024/13065

I. Komilov
"Ko'kaldosh" O'MIBY Yoshlar bilan ishlash, ma’naviyat va ma’rifat bo‘limi mutaxassisi

@kukaldoshuz — diniy-ma'rifiy kanal!

Kukaldosh.uz | YouTube | Facebook | Instagram

Муборак жума кунида Расулимиз соллаллоҳу алайҳи ва саллам зиёрати

Маълумки, Ҳаж ибодати Ислом дининг беш устунидан бири ҳисобланади. Ҳар йили ватанимиздан минглаб ҳамюртларимиз ҳаж ибодатини адо этгани муқаддас шаҳарларни зиёрат қилишади. Ватандошларимиз ибодатларни бекаму кўст ҳамда шариат қоидаларига мувофиқ бажаришлари учун Ўзбекистон мусулмонлари идораси тасарруфида хизмат қилувчи диний соҳа ходимлари ҳам хизмат қиладилар.
Жумладан, Ўзбекистонда фаолият кўрсатаётган барча Олий ва ўрта махсус ислом билим юртлари ичида Қуръони карим ва тажвидга ихтисослаштирилган “Кўкалдош” ўрта махсус ислом билим юрти мудири Абдулҳақим қори Матқулов ҳам 23 май куни муқаддас ерларга сафар қилдилар. Ҳозирда устозимиз 7 кун мобайнида Мадина шаҳрида ибодатларни адо этиб, юртимиз тинчлиги, халқимиз фаровонлиги, ватанимиз равнақини сўраб дуолар қилмоқдалар. Шу билан бирга Пайғамбаримиз Муҳаммад Мустафо соллаллоҳу алайҳи васалламнинг муборак равзаларини зиёрат қилиб, Набий алайҳиссаломга ҳамюртларимизнинг саломларини етказмоқдалар.
Пайғамбаримиз алайҳиссалом ўзларининг бир қатор ҳадиси шарифларида Мадина шаҳрининг фазилати, ушбу шаҳарнинг кўплаб баракалари борлигини айтиб ўтганлар.
Шунингдек, Қуръони карим ва тажвидга ихтисослаштирилган “Кўкалдош” ўрта махсус ислом билим юртининг барча ўқитувчи ва талабалари томонидан кундалик хатми Қуръонлар қилинмоқда. Ҳожиларимиз Арафот водийсига чиққунга қадар юзлаб хатмлар ниҳоясига етказилиб, Арафа куни уларнинг савобларини бағишлаш режалаштирилган.
Биз Аллоҳ таолодан устоз Абдулҳақим қори Матқулов ва бошқа ҳожиларимизнинг муборак ойларда, муқаддас ерларда қилаётган ибодатлари ва хайрли дуоларини қабул қилишини сўраб қоламиз!

"Кўкалдош" ЎМИБЮ Матбуот хизмати

@kukaldoshuz — диний-маърифий канал!

Kukaldosh.uz | YouTube | Facebook | Instagram