#Raddiya

Soxta salafiylar ga bir savolim bor, Alloh taolo Odam alayhis salomni ikki qo‘li bilan yaratdimi yo‘ki O‘zining bo‘l degan so‘zi bilanmi!?

Soxta salafiylarning paradokslari ular بِيَدَيَّ - "qo‘l" degan so‘zini Allohning haqiqiy qo‘li deb tushunishadi, vaholanki u a’zoga ishlatiladigan so‘zdir. Alloh taoloning : "(Shunda Alloh) dedi: «Ey Iblis, Men O‘z qo‘llarim bilan yaratgan narsaga — Odamga sajda qilishdan nima seni man’ qildi?!", degan oyatni shunday tushunishdi.
Ular quyidagi Alloh taoloning oyatini o‘zlarini bilmaganga olib tashlab ketadilar:" Albatta Iysoning (otasiz tug‘ilishining) misoli Alloh nazdida xuddi Odamning misoli kabidirki, uni tuproqdai yaratib, so‘ngra «Bo‘l”, dedi. Bas, (jonli odam) bo‘ldi."
Alloh taolo bir joyda Odamni ikki qo‘l bilan yaratdi degan bo‘lsa, boshqa joyda bo‘l degan so‘zini ishlatdi. Mana shu ikki ibora Alloh taolo har bir narsani O‘z qudrati bilan yaratganiga dalolat qiladi. Alloh taolo har bir narsaga Qodir Zotdir.

©Ko'kaldosh O'MIBY matbuot kotibi R.Oxunjonov

Yaqinlaringizga ham ulashing!
t.iss.one/ahnafuz

#Robiul_avval
#Mavlid
Bashariyat sayyidi tavallud topdilar

Yaqinlaringizga ham ulashing!
https://taplink.cc/ahnafuz

#Raddiya

Vahhobiylarning shayxlari bir kalimani yashirib oʻzlaridan mujassima firqasini qilib oldilar, ular quyidagi oyatdagi: “(Ey Muhammad alayhis-salotu vas-salom), darhaqiqat, sizga bayʼat-qasamyod qiladigan zotlar hech shak-shubhasiz, Allohga bayʼat qilurlar. Allohning qoʻli ularning qoʻllari ustida boʻlur.” (Fath surasi 109 - oyat), Allohning qoʻli deganda haqiqiy qoʻl deb aytishadi.
Ulardan haqiqiy qoʻl degan soʻzni qayerdan oldingiz deb soʻralsa, ular na Kitob va na Sunnatdan va na biron bir salafi solihlardan biron hujjat keltira olmaydilar!
Shu yoʻl bilan ular oʻzlariga ergashganlarni zalolatga boshlaydilar, bundan ehtiyot boʻlish kerak!
Salaflarning ushbu oyat va shunga oʻxshash sifat oyatlari haqida tutgan yoʻli (mazhabi), ularning barchasiga imon keltirish, ularning maʼnosini va ulardan murod nima ekanini Alloh taologa tavfiz qilish (yaʼni topshirish) hamda maxluqotlarga oʻxshatishlik mumkin boʻlmaganligi sababli Alloh taoloni poklash bilan birgalikda oyatlarni haqiqatini taʼvil qilishni tark qilish vojib boʻladi. Zero Alloh taolo:
“لَيْسَ كَمِثْلِهِ شَيْءٌ وَهُوَ السَّمِيعُ الْبَصِيرُ”
“Biron narsa U zotga oʻxshash emasdir. U eshitguvchi va koʻrib turguvchidir.” deb marhamat qiladi.
Keyingi xalaf ulamolarning yoʻli esa Alloh taologa loyiq boʻlgan tarzda sharʼiy nasslarda kelgan sifatlar maʼnosini taʼvil qilishdir. Misol uchun shu oʻrinda ular qoʻlni quvvat va qudrat deb taʼvil qilishgan (yaʼni Allohning quvvati nusrati ularning quvvati va nusrati ustidadir).
Yoki Allohning qoʻlining maʼnosi: Alloh taoloning ularga yaxshilik va nusrat berishiga boʻlgan vaʼdasiga boʻlgan vafosi ularning qoʻllarining ustidadir. Shu jumladan maqsad ishora qilganimizdek vafo va sabotning vojib boʻlishini taʼkidlash.
Kashshofning muallifi Alloh subhanahu va taolo: “(Ey Muhammad alayhis-salotu vas-salom), darhaqiqat, sizga bayʼat-qasamyod qiladigan zotlar hech shak-shubhasiz, Allohga bayʼat qilurlar“, deb tamsil yoʻli bilan taʼkidlaydi va oyatni davomida, ”Allohning qoʻli ularning qoʻllari ustida boʻlur“, deb bayʼat qiluvchilarning qoʻllarini ustida turgan ”Allohning qoʻli" deb Rosululloh sollallohu alayhi vasallamning qoʻllarini iroda qiladi. Alloh taolo esa aʼzo va jismga oid sifatlardan pok Zotdur.”

©Ko'kaldosh O'MIBY Matbuot kotibi R.Oxunjonov

Yaqinlaringizga ham ulashing!
Kanalimizga obuna boʻlish uchun👇
https://t.iss.one/ahnafuz