#Раддия

Каъба намоз учун қибла бўлганидек Осмон дуо учун қибла ҳисобланади!

Муфассир, Ҳофиз Имом Қуртубий ўзларининг тафсирларида: "Қўллар дуо учун осмонга кўтарилиши у ваҳий нозил бўлиши, ёмғир ёғиши, муқаддас жой, (гуноҳдан) пок фаришталар маъдани ва у ерга бандаларнинг амаллари кўтариладиган жойдир. Унинг устида Арш ва жаннат бордир. Аллоҳ таоло каъбатуллоҳни дуо ва намоз учун қибла қилгани каби осмонни дуо учун қибла қилди. Аллоҳ таоло маконларни Ўзи уларга муҳтож бўлгани учун яратмади балки У барча нарсадан беҳожат Зотдир. Аллоҳ таоло замон ва макон ятратилишидан олдин ҳам азалдан мавжуддир, У учун на макон ва на замон бордир ва У қандай бўлса шундай мавжуддир," деб ҳужжат келтирадилар.

Имом Қуртубийнинг устозлари Абул Аббос Қуртубий ўзларининг "Муфҳим" номли китобларида, Росулуллоҳ соллаллоҳу алайҳи ва саллам бармоқларини осмонга кўтарганлари ҳақидаги ҳадиси шарифни :"Бу Росулуллоҳ соллаллоҳу алайҳи ва салламнинг қилган ишоралари дуо қибласи бўлгани учун осмонга бўлган ёки Аллоҳнинг маънавий олийлигига ишора бўлган. Чунки Аллоҳ таолони бирон бир макон қамраб олмайди ва Уни бирон бир тарафда деб хослаб бўлмайди. Аллоҳ таоло буни Ҳадид сурасининг 4-оятида баён қилади: "Сизлар қаерда бўлсангизлар, У сизлар билан биргадир"шарҳлаганлар.

© Кўкалдош ўрта махсус ислом билим юрти Матбуот котиби Р.Охунжонов тайёрлади


Яқинларингизга ҳам улашинг! Каналимизга аъзо бўлинг!
https://t.iss.one/ahnafuz

#Таъзия

ҲАМДАРДЛИК БИЛДИРАМИЗ

☪️ "Кўкалдош" ўрта махсус ислом билим юрти жамоаси Ўзбекистон мусулмонлари идораси тизимида кўп йиллар хизмат қилган Нурулло Мирзааҳмедовнинг оталари Риҳситилло Отанинг вафоти муносабати билан у кишининг барча оила аъзоларига ва яқинларига чуқур таъзия изҳор этади.

Аллоҳ таоло марҳумни Ўз мағфиратига олсин, иймонларини саломат қилсин, солиҳ амалларини ўзларига ҳамроҳ этсин. Охиратларини обод этиб, жойларини Фирдавс жаннатларидан қилсин!

🤲 Ҳақ таоло Нурулло Мирзааҳмедовга ва марҳумнинг фарзанду аржумандлари ва яқинларига чиройли сабр бериб, бу мусибатларини яхшиликлар ила тўлдирсин. Марҳумни ўзининг чексиз раҳматига олсин, жаннат боғларига дохил этсин.

⏺ Инна лиллаҳи ва инна илайҳи рожиъун!

«Албатта, биз Аллоҳникимиз ва албатта, биз У Зотга қайтувчимиз»

@kukaldoshuz – диний-маърифий канал!