#Умумхалқ_хайрия_ҳашари

“Маҳалла обод – юрт обод”

Республикамизда 24-25-август кунлари “Маҳалла обод – юрт обод” шиори остида умумхалқ хайрия ҳашари ўтказилиши режалаштирилган.

Шу муносабат билан, жорий йилнинг 24 август куни “Кўкалдош” ўрта махсус ислом билим юртида Республикамиз Мустақиллигининг 33 йиллик байрамини нишонлашга пухта тайёргарлик кўриш ва уни кўтаринки руҳда ўтказиш ҳамда юртимизда ободонлаштириш, кўкаламзорлаштириш ишларини амалга ошириш мақсадида билим юрти мударрис ва ишчи-ходимлари иштирокида умумхалқ хайрия хашари ўтказилди.

Мударрис ва ишчи-ходимлар билим юртининг ички ва ташқи ҳудудида супуриш, тозалаш ва ободонлаштириш ишларини олиб бордилар.
Дарс хоналари, йўлаклар, билим юртининг ички ва ташқи ҳовлиси тозаланди. Ҳовлидаги гулхонага экилган дарахтлар ва гулларга ишлов берилиб, бегона ўтлар олиб ташланди ва боғдаги газон ўтлари ўрилди.
Шунингдек, атроф маиший чиқиндилардан тозаланди. Жумладан, мадраса биносининг олди ва ёнидан ўтган пиёдалар йўлаги супурилди, ариқлар тозаланди. Атроф бегона ўтлардан тозаланди, бегона ўтлар ўрилди. Билим юртининг ҳовли қисмига ва олди кириш қисмига гул туваклар олиб келиниб манзарали гул кўчатлари экишга таййорлаб қўйилди.
Ҳашарда билим юрти мударрис ва ишчи-ходимлар фаол иштирок этдилар.

🌐 Сайтда ўқиш: https://kukaldosh.uz/24/08/2024/13288

“Кўкалдош” ўрта махсус ислом билим юрти матбуот хизмати

@kukaldoshuz – диний-маърифий канал!

Kukaldosh.uz