#Pаддия
#тафсир

Мулк сурасининг 16-ояти

أَأَمِنتُم مَّن فِى ٱلسَّمَآءِ أَن يَخْسِفَ بِكُمُ ٱلْأَرْضَ فَإِذَا هِىَ تَمُورُ (الملك - 16)

“Осмондаги Зот сизларни Ерга юттириб юборишидан, бас, баногоҳ (Ер) титроққа тушиб, (сизларни босиб) қолишидан хотиржаммисизлар?!” Мулк сураси 16-оят
Имом Фахриддин Розий ўзларининг “Тафсирул кабир” номли тафсирларида ушбу оятни тафсир қилиб, қуйидаги гапларни айтганлар: “Билингки, мушаббиҳалар Аллоҳ таолонинг Мулк сурасидаги 16-оятини ҳужжат қилиб келтириб, у Зотга макон исбот қиладилар. Уларга жавобларимиз:
- Бу оятни мусулмонларнинг ижмосига биноан зоҳирига кўра ижро қилиш мумкин эмас. Чунки, Аллоҳ таолони осмонда бўлиши осмон У(Аллоҳ)ни ҳар томондан қамраб олиши лозимлиги ва У осмондан кичикроқ бўлиши келиб чиқади, ваҳоланки (ҳадисларда айтилганидек) осмон Аршдан анча кичик ҳисобланади. Бундан Аллоҳ таоло Аршга нисбатан ҳақир бир нарсалиги келиб чиқади (наъузу биллаҳ). Бу эса аҳли исломнинг иттифоқига кўра мумкин эмас нарсадир.
- Аллоҳ таоло: "قل لمن ما في السماوات والأرض قل لله" (Осмонлар ва Ердаги нарсалар кимники?» Айтинг: «Аллоҳники»), деб марҳамат қилади. Агар Аллоҳ таоло Осмонда бўлганида эди У Ўзига ўзи молик бўлиб қоларди, бу ҳам Аллоҳга нисбатан мумкин бўлмаган нарса. Бизга (юқоридаги далиллардан) бу (каби) оятларнинг зоҳиридан таъвил қилишга ўтиш вожиб бўлиши маълум бўлди.”

Кўкалдош ўрта махсус ислом билим юрти Матбуот котиби Р.Ахунджанов

@ahnafuz –диний-маърифий канал!
Ижтимоий тармоқларимиз манзиллари
https://taplink.cc/ahnafuz