#Aқида
#Раддия
Ақидаи Таҳовияни яхшилаб таниб ол!

Бу китоб аҳли сунна валжамонинг ақидасини жамловчисидир, у Имом Аъзам Абу Ҳанифа роҳматуллоҳи алайҳнинг ақидасидир. Маълумки, Абу Ҳанифа Нуъмон ибн Собит роҳматуллоҳи алайҳ биринчи ҳижрий йилда саҳобалар розияллоҳу анҳумларни асрида яшаб ўтканлар ва улардан ҳанафий, шофеъий, моликий ва ҳанбалийларнинг афзалларидан бўлган тўрт мазҳаб уламолари унга рози бўлган ақиданинг энг муҳим матнларини нақл қилганлар. Аммо ҳанафийлар ва шофеъийлардан бўлган баъзи бир авом халқ мўътазилийларга ва ҳанбалийлардан бўлган авом халқ аҳли тажсимга (мужассималарга) қўшилиб кетишган. Бу ақида Имом Абу мансур Мотурудий ва Имом Абул Ҳасан Ашъарий ақидаси ҳисобланади. Таҳовийнинг қуйидаги матнига бир назар солинг! "Аллоҳ таоло чегаралар, ғоялар, бурчаклар, аъзолар, иш қуроллари - фойдаланиладиган ва зарарни дафъ қиладиган асбоблардан олийдир. Яралмишлар каби Ул зотни олти томон қамраб олмайди." Мана шу матнда Аллоҳ таоло барча нуқсонлардан пок деб эътиқод қилинади ва муташобеҳ оятларда ва саҳиҳ ҳадисларда келган қандайдир (يد-“қўл”, عين-“кўз”, ساق-“соқ”каби) сифатларни, жиҳатларни, рукнларни исбот қилишни инкор қилиш билан Аллоҳга жисм исбот қилишдан поклайди. Бу бир жиҳати бўлса, иккинчи жиҳати ўша сифатларни биз қандоқ келган бўлса сифатловчининг ақли оладиган таърифи йўки сифатига берилмасдан ҳамда уларни мажозий йўлга кўра тафсир қилмасдан, маъносига киришмасдан Аллоҳга топшириш билан шундоқ ўтказиб юборамиз.
Бу ислом ақидасидаги саҳобалар, тобеъинлар ва уларга яхшиликда Қиёмат кунигача эргашганларнинг энг чиройли йўлидир. Бу йўлдан фақатгина Китоб ва Суннатда келган муташобеҳ оятларни ўз ҳавои нафсига ва қосир назарига мувофиқ қўйган ҳалок бўлувчи, ижмои умматдан янглишган кишигина оғишади.

©Рустам Охунжонов Кўкалдош ўрта махсус ислом билим юрти Матбуот котиби

Яқинларингизга ҳам улашинг!
t.iss.one/AHNAFUZ

Ижтимоий тармоқларда бизни кузатинг!

https://taplink.cc/ahnafuz

«Мазҳабга эмас, салафларга эргашиш керак»ми?

Салафийларнинг яна бир даъвоси «Мазҳабга эмас, салафларга эргшашиш керак». Мана шу сўзни айтаётган салафийга: «Бу фикрга қаердан келдинг», деб савол берсангиз, у: «Албоний, Усаймин ва Ибн Бозларнинг маърузасидан ёки китобидан ўқиб шу фикрни айтганларини эшитдим», дейди. Фаразан тўрт мазҳаб имомига эргашмай, салафларнинг йўлидан юрадиган бўлсак, ўша салафларнинг сўзини, йўлини қандай топамиз, десак, салафийлар: «Албоний, Усаймин, Ибн Боз ва бошқа олимлар ўз китоблари ва маърузаларида салафлар йўлини баён қилиб, фиқҳий масалаларни айтишган. Биз ўшанга амал қилсак бўлди», дейди. Биз шунда у салафийга: «Демак, сен ҳам салафларнинг эмас, ўша Албонийларнинг йўлига эргашаятган экансанда», деймиз. Аслида, имом Аъзамга эргашиш салафлар йўлини маҳкам тутишдир. Чунки, имом Аъзам тобеин яъни салаф бўлганлар. Шунингдек, қолган уч мазҳаб имоми Албоний, Усайминдан кўра салафлар даврига яқин яшаган ва уларнинг йўлини булардан кўра яхши билган.

Улашинг: t.iss.one/AHNAFUZ

https://taplink.cc/ahnafuz