#Raddiya
#Hadis_sharhi
Joriya hadisi

Nabiyimiz sollallohu alayhi va sallam bizga Alloh taolo makon, osmonlarni va Arshni yaratganini va makonsiz mavjud ekanini, osmonni O‘ziga maskan qilmasligini va Arshga o‘tirmasligini, ta’lim berdilar. Sayyidimiz Rasululloh sollallohu alayhi va sallam Alloh uchun makon haqida biron bir kishidan so‘raganlaridan Alloh asrasin. Bu narsani u zotdan sodir bo‘lishligi mumkin emas. Balki nabiy sollallohu alayhi vasallam joriyadan uning Allohni ulug‘lashi haqida so‘radilar. Va Alloh qayerda, deb sening Alloh haqida e’tiqoding qanday degan savolni berdilar. Shunda joriya osmonda, ya’ni, Uning martabasi oliy, deb javob berdi. Bu buyuk islom ulamolari unda bo‘lgan yo‘ldir.
Shulardan birlari Imom Navaviy rohimahulloh, u zot o‘zlarining Sahihi Muslimga qilgan sharhlarida: “Nabiy sollallohu alayhi va sallamning joriya haqidagi hadislarini Alloh taoloning sifatlari haqida ekanini va bu mavzu “Imon kitobi”da bir necha marotaba zikr qilinganligi va unda ikki mazhab mavjudligini aytib o‘tganlar:
1- Birinchi mazhab: Alloh taolo biron bir narsaga o‘hshamasligi va maxluqotlarning sifatlaridan munazzah (pok) ekaniga e’tiqod qilib, hadisning ma’nosiga chuqur kirmaslik bilan birga unga imon keltirish.

2- Ikkinchi mazhab: Alloh taologa loyiq tarzda uni ta’vil qilishdir. Bu mazhab sohiblarining so‘zlari quyidagicha: “Joriyaga bunday savol berishdan murod Allohni yagona ekanligiga e’tiqodini hamda Alloh taolo Xoliq (Yaratuvchi), Mudabbir (barcha maxluqotlarning ishlarini oldindan tadbir qilib turuvchi), barcha ishlarni amalga oshiruvchi yagona Zot ekanligini iqror qiluvchimi yo‘qmi imtihon qilish bo‘lgan. Duo qiluvchi agar Alloh taologa duo qilsa xuddi namozxon Ka’baga yuzlangandek osmonga yuzlanadi. Chunki Alloh taolo Ka’bada bo‘lmaganidek osmonga chegaralanib qolmagan va Ka’batulloh namozxonlarning qiblasi bo‘lgani kabi osmon duo qiluvchilarning qiblasi hisoblanadi.”

Rustam Oxunjonov tarjimasi
📢 Do‘stlaringizga ham ulashing:
🌐 t.iss.one/AHNAFUZ

Ijtimoiy tarmoqlarda ham bizni kuzatishingiz mumkin!
https://taplink.cc/ahnafuz

​🌙 Олий маъҳад ва Мир Араб олий мадрасасига кириш имтиҳони куни аниқ бўлди

✅ Тошкент ислом институти ва Мир Араб олий мадрасасига кириш имтиҳони жорий йил 28 август куни ўтказилади.

✍️Олий диний таълим муассасаларига кириш имтиҳони Билим ва малакаларни баҳолаш агентлиги томонидан тест синови шаклида  ўтказилади.

🔸Абитуриентлар имтиҳон куни қуйидаги фанлар бўйича тест синовлари топширади:

– Араб тили 30 Х 3,1 – 93 балл;
– Фиқҳ ва ақоид 30 Х 2,1 – 63 балл;
– Ўзбекистон тарихи 30 Х 1,1 – 33 балл.

🔹Олий диний таълим муассасаларининг ижтимоий тармоқдаги саҳифаларини кузатиб боринг:

— Имом Бухорий номидаги Тошкент ислом институти: https://t.iss.one/oliymahad

— Мир Араб олий мадрасаси: https://t.iss.one/Mirarabuz

📲 Маълумот учун, Билим ва малакаларни баҳолаш агентлиги томонидан 5100 қисқа рақами орқали юбориладиган СМС хабарда тақдим этилган линк (электрон манзил)дан имтиҳон ўтказиладиган манзил, вақти ҳақидаги маълумотларни билиб олишингиз ва кириш имтиҳонларда иштирок этиш рухсатномаси (БМБ рухсатномаси)ни юклаб олишингиз мумкин.

Ўзбекистон мусулмонлари идораси
Матбуот хизмати
Muslim.uz / @muslimuzportal / @Muftiy_Nuriddin_domla
@diniysavollar